ਇਹ ਔਰਤ 24 ਸਾਲ ਦੀ ਉਮਰ 'ਚ ਬਣੀ 21 ਬੱਚਿਆਂ ਦੀ ਮਾਂ, ਇੰਝ ਸੰਭਾਲਦੀ ਹੈ ਪਰਿਵਾਰ

ਟਬਿਲਿਸ- ਜਾਰਜੀਆ (Georgia) ਦੀ ਰਹਿਣ ਵਾਲੀ ਕ੍ਰਿਸਟੀਨਾ ਓਜ਼ਟਰਕ (Kristina Ozturk) ਇਨ੍ਹੀਂ ਦਿਨੀਂ ਕਾਫੀ ਚਰਚਾ 'ਚ ਹੈ। ਸਿਰਫ 24 ਸਾਲ ਦੀ ਉਮਰ 'ਚ ਉਹ 21 ਬੱਚਿਆਂ ਦੀ ਮਾਂ ਬਣ ਚੁੱਕੀ ਹੈ। ਇਨ੍ਹਾਂ ਬੱਚਿਆਂ ਦਾ ਜਨਮ ਸਰੋਗੇਸੀ ਰਾਹੀਂ ਹੋਇਆ ਹੈ। ਇਸ ਲਈ ਔਰਤ ਦੇ ਪਤੀ ਨੂੰ ਹਰ ਮਹੀਨੇ ਮੋਟੀ ਰਕਮ ਖਰਚ ਕਰਨੀ ਪੈਂਦੀ ਹੈ।

ਆਪਣੇ 21 ਬੱਚਿਆਂ ਦੀ ਦੇਖਭਾਲ ਲਈ, ਕ੍ਰਿਸਟੀਨਾ ਨੇ 16 ਨੈਨੀਜ਼ ਨੂੰ ਹਾਇਰ ਕੀਤਾ ਹੈ। ਦੋਵਾਂ ਦਾ ਕਹਿਣਾ ਹੈ ਕਿ ਪੈਸਿਆਂ ਨੇ ਉਨ੍ਹਾਂ ਨੂੰ ਉਹ ਖੁਸ਼ੀ ਦਿੱਤੀ, ਜੋ ਹਮੇਸ਼ਾ ਉਨ੍ਹਾਂ ਦੇ ਨਾਲ ਰਹੇਗੀ।

'ਡੇਲੀ ਮੇਲ' ਦੀ ਖਬਰ ਮੁਤਾਬਕ ਕ੍ਰਿਸਟੀਨਾ ਓਜ਼ਟਰਕ ਜਾਰਜੀਆ ਦੇ ਕਰੋੜਪਤੀ ਵਿਅਕਤੀ ਗੈਲਿਪ ਦੀ ਪਤਨੀ ਹੈ। ਓਜ਼ਤੁਰਕ ਜੋੜੇ ਨੇ ਪਿਛਲੇ ਸਾਲ ਮਾਰਚ ਤੋਂ ਇਸ ਸਾਲ ਜੁਲਾਈ ਦਰਮਿਆਨ ਸਰੋਗੇਟ ਰਾਹੀਂ ਮਾਤਾ-ਪਿਤਾ ਬਣਨ 'ਤੇ 142,000 ਪੌਂਡ ਯਾਨੀ 1 ਕਰੋੜ 46 ਲੱਖ 78 ਹਜ਼ਾਰ 156 ਰੁਪਏ ਖਰਚ ਕੀਤੇ।

ਮੂਲ ਰੂਪ ਵਿੱਚ ਰੂਸ ਦੀ ਕ੍ਰਿਸਟੀਨਾ ਨੇ ਬੱਚਿਆਂ ਦੀ ਦੇਖਭਾਲ ਲਈ 16 ਨੈਨੀ ਰੱਖੀਆਂ ਹਨ। ਉਹ 24 ਘੰਟੇ ਡਿਊਟੀ 'ਤੇ ਰਹਿੰਦੀਆਂ ਹਨ। ਇਨ੍ਹਾਂ 'ਤੇ ਹਰ ਸਾਲ 96,000 ਡਾਲਰ ਯਾਨੀ 72,08,265 ਰੁਪਏ ਖਰਚ ਹੁੰਦੇ ਹਨ।

ਕ੍ਰਿਸਟੀਨਾ ਦੇ ਪਤੀ ਦੇ ਪਹਿਲੀ ਪਤਨੀ ਤੋਂ ਦੋ ਬੱਚੇ ਹਨ। ਇਸ ਤਰ੍ਹਾਂ ਇਸ ਪਰਿਵਾਰ ਵਿੱਚ 23 ਬੱਚੇ ਇੱਕੋ ਛੱਤ ਹੇਠ ਰਹਿੰਦੇ ਹਨ।

ਕ੍ਰਿਸਟੀਨਾ ਜ਼ੋਰ ਦੇ ਕੇ ਕਹਿੰਦੀ ਹੈ ਕਿ ਉਹ ਇੱਕ ਵਿਹਾਰਕ ਮਾਂ ਹੈ। ਉਸ ਨੇ ਕਿਹਾ, 'ਮੈਂ ਹਰ ਸਮੇਂ ਬੱਚਿਆਂ ਦੇ ਨਾਲ ਰਹਿੰਦੀ ਹਾਂ, ਉਹ ਸਭ ਕੁਝ ਕਰਦੀ ਹਾਂ ਜੋ ਹਰ ਮਾਂ ਆਮ ਤੌਰ 'ਤੇ ਕਰਦੀ ਹੈ। ਫਰਕ ਸਿਰਫ ਬੱਚਿਆਂ ਦੀ ਗਿਣਤੀ ਵਿੱਚ ਹੈ। ਹਰ ਦਿਨ ਵੱਖਰਾ ਹੁੰਦਾ ਹੈ, ਮੈਂ ਸਟਾਫ ਦੇ ਕਾਰਜਕ੍ਰਮ ਦੀ ਯੋਜਨਾ ਬਣਾਉਣ ਤੋਂ ਲੈ ਕੇ ਆਪਣੇ ਪਰਿਵਾਰ ਲਈ ਖਰੀਦਦਾਰੀ ਕਰਨ ਤੱਕ ਸਭ ਕੁਝ ਕਰਦੀ ਹਾਂ।

ਕ੍ਰਿਸਟੀਨਾ ਇੰਸਟਾਗ੍ਰਾਮ 'ਤੇ ਆਪਣੀ ਰੋਜ਼ਾਨਾ ਜ਼ਿੰਦਗੀ ਬਾਰੇ ਜਾਣਕਾਰੀ ਦਿੰਦੀ ਰਹਿੰਦੀ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਉਸ ਨੂੰ 160,000 ਲੋਕ ਫਾਲੋ ਕਰਦੇ ਹਨ। ਉਹ ਆਪਣੇ ਵੀਡੀਓਜ਼ 'ਚ ਜ਼ਿਆਦਾਤਰ ਬੱਚਿਆਂ ਲਈ ਖਾਣਾ ਬਣਾਉਂਦੀ ਅਤੇ ਉਨ੍ਹਾਂ ਨਾਲ ਖੇਡਦੀ ਦਿਖਾਈ ਦਿੰਦੀ ਹੈ।