ਸੀਰੀਆ 'ਤੇ ਅਮਰੀਕਾ ਦੇ ਹਵਾਈ ਹਮਲੇ ਨੂੰ ਲੈ ਕੇ ਦੁਨੀਆਂ ਦੋ-ਫਾੜ ਹੋ ਚੁੱਕੀ ਹੈ। ਇਹ ਤੀਜੇ ਵਿਸ਼ਵ ਯੁੱਧ ਦਾ ਸੰਕੇਤ ਹੈ। ਲੋਕਾਂ ਵਿੱਚ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟ੍ਰੰਪ ਨੂੰ ਲੈ ਕੇ ਨਫ਼ਰਤ ਇਸ ਹੱਦ ਤੱਕ ਵੱਧ ਗਈ ਹੈ ਹੁਣ ਉਹ ਸੜਕਾਂ 'ਤੇ ਉਤਰ ਕੇ ਆਪਣੇ ਗੁੱਸੇ ਦਾ ਇਜ਼ਹਾਰ ਕਰ ਰਹੇ ਹਨ। ਇਹ ਤਸਵੀਰ ਵੈਸਟ ਬੈਂਕ ਦੇ ਨਾਬੁਲਸ ਸ਼ਹਿਰ ਦੀ ਹੈ ਜਿੱਥੇ ਟ੍ਰੰਪ ਦੇ ਪੁੱਤਲੇ ਦੇ ਕੰਨ ਖਿੱਚਦੇ ਤੁਸੀਂ ਇੱਕ ਸ਼ਖ਼ਸ ਨੂੰ ਦੇਖ ਸਕਦੇ ਹੋ।
7 ਸਾਲਾਂ ਤੋਂ ਚੱਲੇ ਆ ਰਹੇ ਸੀਰੀਆ ਗ੍ਰਹਿਯੁੱਧ ਵਿੱਚ 3 ਲੱਖ ਤੋਂ ਵੱਧ ਲੋਕ ਮਾਰੇ ਜਾ ਚੁੱਕੇ ਹਨ ਜਦਕਿ 50 ਲੱਖ ਤੋਂ ਵੱਧ ਲੋਕਾਂ ਨੂੰ ਦੇਸ਼ ਛੱਡ ਕੇ ਜਾਣਾ ਪੈ ਰਿਹਾ ਹੈ। ਸੀਰੀਆ ਦੇ ਰਾਸ਼ਟਰਪਤੀ ਬਸ਼ਰ-ਅੱਲ-ਅਸਦ ਦੇ ਪੁੱਤਲੇ ਨੂੰ ਜੁੱਤੇ ਨਾਲ ਮਾਰਦੇ ਫਿਲਿਸਤਾਨੀ ਪ੍ਰਦਰਸ਼ਨਕਾਰੀ।
ਸੁੰਨੀ ਬਹੁ-ਗਿਣਤੀ ਸੀਰੀਆ ਦੇ ਸ਼ਿਆ ਰਾਸ਼ਟਰਪਤੀ ਬਸ਼ਰ-ਅੱਲ-ਅਸਦ ਦੇ ਖ਼ਿਲਾਫ਼ ਪਿੱਛਲੇ 7 ਸਾਲਾਂ ਤੋਂ ਵਿਦਰੋਹ ਚੱਲ ਰਿਹਾ ਹੈ। ਰੂਸ ਅਤੇ ਇਰਾਨ ਦੀ ਮਦਦ ਨਾਲ ਅਸਦ ਇਸ ਵਿਦਰੋਹ ਨੂੰ ਦਬਾਉਣ ਵਿੱਚ ਜੁਟੇ ਹਨ। ਤਸਵੀਰ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਇੱਕ ਛੋਟੀ ਜਿਹੀ ਬੱਚੀ ਹੱਥ ਵਿੱਚ ਸੀਰੀਆ ਦਾ ਝੰਡਾ ਲਏ ਸੀਰੀਆ ਦੇ ਰਾਸ਼ਟਰਪਤੀ ਬਸ਼ਰ-ਅੱਲ-ਅਸਦ ਦੇ ਪੁੱਤਲੇ ਨੂੰ ਆਪਣੇ ਪੈਰਾਂ ਥੱਲੇ ਕੁਚਲਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਅਮਰੀਕਾ, ਫਰਾਂਸ ਅਤੇ ਬ੍ਰਿਟੇਨ ਨੇ ਸ਼ੁੱਕਰਵਾਰ 13 ਅਪ੍ਰੈਲ 2018 ਦੇਰ ਰਾਤ ਸੀਰੀਆ 'ਤੇ ਇੱਕ ਤੋਂ ਬਾਅਦ ਇੱਕ ਕਈ ਕਰੂਜ਼ ਮਿਸਾਇਲਾਂ ਦਾਗੀਆਂ। ਸੀਰੀਆ ਦੇ ਡੋਊਮਾ ਸ਼ਹਿਰ ਵਿੱਚ ਹੋਏ ਰਸਾਇਣਿਕ ਹਮਲੇ ਵਿੱਚ 80 ਤੋਂ ਵੱਧ ਲੋਕਾਂ ਦੇ ਮਾਰੇ ਜਾਣ ਦੇ ਜਵਾਬ ਵਿੱਚ ਅਮਰੀਕਾ ਨੇ ਇਹ ਹਮਲੇ ਕੀਤੇ। ਇਸ ਤਸਵੀਰ ਵਿੱਚ ਪ੍ਰਦਰਸ਼ਨਕਾਰੀ ਟ੍ਰੰਪ ਦੇ ਖ਼ਿਲਾਫ਼ ਆਪਣੇ ਗੁੱਸੇ ਦਾ ਇਜ਼ਹਾਰ ਕਰਦੇ ਹੋਏ ਉਸਦੇ ਪੁੱਤਲੇ 'ਤੇ ਜੁੱਤੇ ਸੁੱਟ ਰਹੇ ਹਨ।
ਅਮਰੀਕੀ ਸੈਨਾ ਅਧਿਕਾਰੀਆਂ ਦਾ ਦਾਅਵਾ ਹੈ ਕਿ ਹਵਾਈ ਹਮਲਿਆਂ ਨੇ ਸੀਰੀਆ ਦੇ ਰਸਾਇਣਿਕ ਹਥਿਆਰਾਂ ਦੇ ਭੰਡਾਰ ਨੂੰ ਕਰਾਰੀ ਸੱਟ ਮਾਰੀ ਹੈ। ਹਾਲਾਂਕਿ ਇਸ ਹਮਲੇ ਦਾ ਕਈ ਥਾਵਾਂ 'ਤੇ ਜੰਮ ਕੇ ਵਿਰੋਧ ਹੋ ਰਿਹਾ ਹੈ। ਇੱਥੋਂ ਤੱਕ ਕਿ ਅਮਰੀਕੀ ਝੰਡੇ ਨੂੰ ਵੀ ਅੱਗ ਦੇ ਹਵਾਲੇ ਕਰ ਦਿੱਤਾ ਗਿਆ।
ਗ੍ਰੀਸ ਦੀ ਰਾਜਧਾਨੀ ਏਥੇਂਸ ਵਿੱਚ ਅਮਰੀਕੀ ਦੂਤਾਵਾਸ ਦੇ ਬਾਹਰ ਅਮਰੀਕਾ ਦੇ ਹਵਾਈ ਹਮਲੇ ਦੇ ਖ਼ਿਲਾਫ਼ ਹੋਏ ਪ੍ਰਦਰਸ਼ਨ ਦੀਆਂ ਤਸਵੀਰਾਂ
