ਉਹ ਘਰ ਜਿਸ ਦੇ ਬੂਹੇ ਖੁੱਲ੍ਹਦੇ ਹਨ ਦੋ ਦੇਸ਼ਾਂ 'ਚ

ਭਾਰਤ ਤੇ ਬੰਗਲਾਦੇਸ਼ ਦੀ ਸਰਹੱਦ 'ਤੇ ਇੱਕ ਅਜਿਹਾ ਘਰ ਹੈ ਜਿਸ ਦੀ ਅੱਧੀ ਦੀਵਾਰ ਆਪਣੇ ਦੇਸ਼ ਤੇ ਅੱਧੀ ਦੂਜੇ ਦੇਸ਼ 'ਚ ਹੈ। ਇਸ ਘਰ ਦੇ ਸਾਹਮਣੇ ਵਾਲੀ ਗਲੀ ਵੀ ਅੱਧੀ ਭਾਰਤ ਤੇ ਅੱਧੀ ਬੰਗਲਾਦੇਸ਼ ਵਿੱਚ ਹੈ। ਅੰਤਰਰਾਸ਼ਟਰੀ ਸਰਹੱਦ ਤੇ ਭਾਰਤ ਤੇ ਬੰਗਲਾਦੇਸ਼ ਚ ਖਿੱਚੀ ਲਕੀਰ ਇਸੇ ਘਰ ਵਿੱਚੋਂ ਲੰਘਦੀ ਹੈ। ਘਰ ਦਾ ਇੱਕ ਕਮਰਾ ਭਾਰਤ ਚ ਤੇ ਇੱਕ ਬੰਗਲਾਦੇਸ਼ 'ਚ ਹੈ।

ਅਮਰ ਉਜਾਲਾ ਦੀ ਵੈੱਬਸਾਈਟ ਮੁਤਾਬਿਕ, ਇਸ ਘਰ ਦਾ ਇੱਕ ਬੂਹਾ ਭਾਰਤ ਤੇ ਦੂਜਾ ਬੰਗਲਾਦੇਸ਼ ਚ ਹੈ। ਇੱਕ ਅਜਿਹੀ ਥਾਂ ਹੈ ਜਿੱਥੇ ਤਿੰਨ ਫੁੱਟ ਦੀ ਗਲੀ ਦੇ ਵਿੱਚੋਂ ਵਿੱਚ ਅੰਤਰਰਾਸ਼ਟਰੀ ਸਰਹੱਦ ਦੀ ਲਕੀਰ ਗੁਜ਼ਰਦੀ ਹੈ। ਬੀ ਐੱਸ ਐੱਫ ਨੂੰ ਇਸ ਇਲਾਕੇ ਦੀ ਚੌਕਸੀ ਕਰਨ 'ਚ ਬਹੁਤ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਇਹ ਘਰ ਹੈ ਭਾਰਤ ਬੰਗਲਾਦੇਸ਼ ਸਰਹੱਦ ਦੇ ਹਰਿਕਪੁਰ ਪਿੰਡ ਵਿੱਚ। ਇਹ ਪਿੰਡ ਬੰਗਲਾਦੇਸ਼ ਦੇ ਦਿਨਾਜਪੁਰ ਜ਼ਿਲੇ ਚ ਪੈਂਦਾ ਹੈ। ਸਰਹੱਦ ਦੇ ਦੂੱਜੇ ਪਾਸੇ ਪੱਛਮ ਬੰਗਾਲ ਦਾ ਦੱਖਣ ਦਿਨਾਜਪੁਰ ਜ਼ਿਲਾ ਹੈ। ਇਸ ਪਿੰਡ ਚ ਇੱਕ ਤਲਾਅ ਵੀ ਹੈ ਜੋ ਭਾਰਤ ਦੀ ਸਰਹੱਦ ਚ ਹੈ ਪਰ ਇਸਦਾ ਇਸਤੇਮਾਲ ਦੋਹਾਂ ਦੇਸ਼ਾਂ ਦੇ ਲੋਕ ਕਰਦੇ ਹਨ।

ਪਿੰਡ ਵਾਲਿਆਂ ਦਾ ਕਹਿਣਾ ਹੈ ਕਿ ਜਦ ਬਾਰਡਰ ਸਿਕਿਉਰਿਟੀ ਫੋਰਸ ਜਾਂ ਬਾਰਡਰ ਗਾਰਡ ਬੰਗਲਾਦੇਸ਼ ਦੇ ਜਵਾਨ ਗਸ਼ਤ ਲਈ ਆਉਂਦੇ ਹਨ ਤਾਂ ਅਸੀਂ ਸਾਵਧਾਨ ਹੋ ਜਾਂਦੇ ਹਾਂ। ਸਾਡੇ ਪਾਲਤੂ ਮਵੇਸ਼ੀ ਇੱਕ ਦੂਜੇ ਦੇਸ਼ ਦੀ ਸਰਹੱਦ ਵਿੱਚ ਜਾ ਕੇ ਘਾਹ ਚੜ੍ਹਦੇ ਰਹਿੰਦੇ ਹਨ। ਉਨ੍ਹਾਂ ਨੂੰ ਵਾਪਸ ਲਿਆਉਣ ਵਾਸਤੇ ਵੀ ਇਹ ਸਰਹੱਦ ਲੰਘਣੀ ਪੈਂਦੀ ਹੈ। ਜੇ ਕੋਈ ਬਿਮਾਰ ਹੋਵੇ ਜਾਂ ਮੁਸੀਬਤ ਚ ਹੋਵੇ ਤਾਂ ਇਹ ਤੰਗ ਗਲੀ ਵਿੱਚੋਂ ਲੰਘਦੀ ਸਰਹੱਦ ਨਹੀਂ ਵੇਖੀ ਜਾਂਦੀ, ਮਦਦ ਕਰਨ ਲਈ ਭੱਜ ਕੇ ਜਾਂਦੇ ਹਾਂ।

ਇਸ ਪਿੰਡ ਵਿੱਚ ਅੰਤਰਰਾਸ਼ਟਰੀ ਸਰਹੱਦ ਜ਼ਿਗ-ਜ਼ੈਗ ਤਰੀਕੇ ਨਾਲ ਖਿੱਚੀ ਗਈ ਹੈ। ਤਲਾਅ ਦੇ ਨਾਲ ਨਾਲ ਜਦੋਂ ਇਸ ਪਿੰਡ 'ਚ ਜਾਇਆ ਜਾਵੇ ਤਾਂ ਇੱਕ ਗਲੀ ਆ ਜਾਂਦੀ ਹੈ ਜਿਸ ਦੀ ਚੌੜਾਈ ਸਿਰਫ਼ 3 ਫੁੱਟ ਹੈ। ਗਲੀ ਦੇ ਇੱਕ ਪਾਸੇ ਭਾਰਤ ਤੇ ਦੂਜੇ ਬੰਗਲਾਦੇਸ਼ ਹੈ। ਇਸ ਗਲੀ 'ਚੋਣ ਲੰਘਣ ਵਾਲੇ ਦਾ ਇੱਕ ਪੈਰ ਭਾਰਤ ਤੇ ਦੂਜਾ ਬੰਗਲਾਦੇਸ਼ 'ਚ ਹੁੰਦਾ ਹੈ। ਇੱਥੇ ਮਕਾਨ ਵੀ ਅੱਧੇ ਭਾਰਤ ਤੇ ਅੱਧੇ ਬੰਗਲਾਦੇਸ਼ ਚ ਬਣੇ ਹਨ।