ਹਨੀਮੂਨ 'ਤੇ ਗਏ ਡਾਕਟਰ ਨੇ ਪਤਨੀ ਨਾਲ ਕੈਂਚੀ ਨਾਲ ਕੀਤਾ ਇਹ ਕੰਮ, ਫਿਰ...

ਬਰਲਿਨ : ਜਰਮਨੀ 'ਚ ਇਕ ਗਾਇਨੀਕੋਲੋਜਿਸਟ (Gynecologist) 'ਤੇ ਉਸ ਦੀ ਪਤਨੀ ਨੇ ਗੰਭੀਰ ਦੋਸ਼ ਲਾਏ ਹਨ। ਔਰਤ ਮੁਤਾਬਕ ਉਸ ਦੇ ਡਾਕਟਰ ਪਤੀ ਨੇ ਹਨੀਮੂਨ 'ਤੇ ਹੀ ਉਸ ਦਾ ਖਤਨਾ (Circumcising) ਕਰਵਾਇਆ ਸੀ। ਔਰਤ ਦਾ ਕਹਿਣਾ ਹੈ ਕਿ ਪਤੀ ਨੇ ਹੋਟਲ ਦੇ ਕਮਰੇ ਵਿੱਚ ਹੀ ਸਾਧਾਰਨ ਕੈਂਚੀ ਨਾਲ ਇਹ ਕੰਮ ਕੀਤਾ।

ਹੇਲਮਸ਼ਟੇਟ ਸ਼ਹਿਰ ਦੇ ਅਦਾਲਤੀ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਹੈ ਕਿ ਡਾਕਟਰ 'ਤੇ ਹਮਲੇ ਅਤੇ ਜ਼ਬਰਦਸਤੀ ਦਾ ਮੁਕੱਦਮਾ ਕਰਨ ਲਈ ਜਵਾਬੀ ਕਾਰਵਾਈ ਸ਼ੁਰੂ ਕੀਤੀ ਗਈ ਹੈ। ਦੋਸ਼ ਹੈ ਕਿ ਇਸ ਡਾਕਟਰ ਨੇ ਸੁੰਨਤ ਕਰਨ ਲਈ ਬੇਹੋਸ਼ ਦੀ ਵਰਤੋਂ ਵੀ ਨਹੀਂ ਕੀਤੀ। ਇਸ ਕਾਰਨ ਔਰਤ ਨੂੰ ਭਾਰੀ ਤਕਲੀਫ ਝੱਲਣੀ ਪਈ। ਪ੍ਰੌਸੀਕਿਊਟਰਜ਼ ਆਫਿਸ ਦੇ ਹਾਨ ਕ੍ਰਿਸਚੀਅਨ ਵਾਲਟਰਸ ਨੇ ਦੱਸਿਆ ਕਿ ਉਸ ਸਮੇਂ ਔਰਤ ਦੀ ਉਮਰ 31 ਸਾਲ ਸੀ।

ਪ੍ਰੌਸੀਕਿਊਟਰਜ਼ ਆਫਿਸ ਦੇ ਹਾਨ ਕ੍ਰਿਸ਼ਚੀਅਨ ਵਾਲਟਰਜ਼ ਦੇ ਅਨੁਸਾਰ, ਔਰਤ ਸਰਜਰੀ ਲਈ ਸਹਿਮਤ ਹੋ ਗਈ ਕਿਉਂਕਿ ਉਸ ਨੂੰ ਤਲਾਕ ਦੀ ਧਮਕੀ ਦਿੱਤੀ ਗਈ ਸੀ, ਜਿਸਦਾ ਮਤਲਬ ਉਸ ਲਈ ਸਮਾਜਿਕ ਬਾਈਕਾਟ ਹੋਣਾ ਸੀ।

ਅਧਿਕਾਰੀਆਂ ਮੁਤਾਬਕ ਪਤੀ-ਪਤਨੀ ਦੋਵੇਂ ਜਰਮਨ ਹਨ ਪਰ ਉਹ ਦੋਵੇਂ ਵੱਖਰੇ-2 ਸੱਭਿਆਚਾਰ ਨਾਲ ਸਬੰਧਤ ਹਨ। ਔਰਤ ਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਤਾਂ ਅਧਿਕਾਰੀਆਂ ਨੇ ਜਾਂਚ ਸ਼ੁਰੂ ਕਰ ਦਿੱਤੀ। ਮੁਲਜ਼ਮ ਡਾਕਟਰ ਨੇ ਅਜੇ ਤੱਕ ਇਸ ਮਾਮਲੇ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।

ਦੁਨੀਆ ਭਰ ਦੇ ਬਹੁਤ ਸਾਰੇ ਸਭਿਆਚਾਰਾਂ ਵਿੱਚ ਔਰਤਾਂ ਦੀ ਸੁੰਨਤ ਦੀ ਪਰੰਪਰਾ ਹੈ। ਹਾਲਾਂਕਿ, ਕਈ ਸਰਕਾਰਾਂ ਇਸ ਪਰੰਪਰਾ ਨੂੰ ਖਤਮ ਕਰਨ ਲਈ ਕਾਨੂੰਨੀ ਅਤੇ ਹੋਰ ਤਰੀਕਿਆਂ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਜਰਮਨੀ ਵਿਚ ਜੇਕਰ ਕੋਈ ਔਰਤ ਸੁੰਨਤ ਦਾ ਦੋਸ਼ੀ ਪਾਈ ਜਾਂਦੀ ਹੈ ਤਾਂ ਉਸ ਨੂੰ ਘੱਟੋ-ਘੱਟ ਇਕ ਸਾਲ ਦੀ ਸਜ਼ਾ ਹੋ ਸਕਦੀ ਹੈ।

ਉਦਯੋਗਿਕ ਦੇਸ਼ਾਂ ਵਿੱਚ ਵਸੇ ਪ੍ਰਵਾਸੀ ਆਬਾਦੀ ਵਿੱਚ ਵੀ ਔਰਤਾਂ ਦੀ ਸੁੰਨਤ ਦੇ ਮਾਮਲੇ ਦੇਖੇ ਗਏ ਹਨ। ਯਾਨੀ ਕਿ ਨਵੇਂ ਦੇਸ਼ ਅਤੇ ਸਮਾਜ ਦਾ ਹਿੱਸਾ ਬਣਨ ਦੇ ਬਾਵਜੂਦ ਕੁਝ ਲੋਕ ਆਪਣੀਆਂ ਪੁਰਾਣੀਆਂ ਰੀਤਾਂ ਨੂੰ ਜਾਰੀ ਰੱਖ ਰਹੇ ਹਨ। ਦੇਸ਼ ਜਿੱਥੇ ਲਗਭਗ ਸਾਰੀਆਂ ਔਰਤਾਂ ਦੀ ਸੁੰਨਤ ਕੀਤੀ ਜਾਂਦੀ ਹੈ, ਉਨ੍ਹਾਂ ਵਿੱਚ ਸੋਮਾਲੀਆ, ਜਿਬੂਟੀ ਅਤੇ ਗਿਨੀ ਸ਼ਾਮਲ ਹਨ।

ਔਰਤਾਂ ਦੀ ਸੁੰਨਤ ਦੀਆਂ ਕਈ ਕਿਸਮਾਂ ਹਨ, ਪਰ ਉਹਨਾਂ ਵਿੱਚ ਆਮ ਤੌਰ 'ਤੇ ਮਾਦਾ ਜਣਨ ਅੰਗ ਦੇ ਬਾਹਰੀ ਹਿੱਸੇ ਨੂੰ ਅੰਸ਼ਕ ਜਾਂ ਪੂਰੀ ਤਰ੍ਹਾਂ ਹਟਾਉਣਾ ਸ਼ਾਮਲ ਹੁੰਦਾ ਹੈ, ਜਿਸ ਵਿੱਚ ਕਲੀਟੋਰਿਸ ਵੀ ਸ਼ਾਮਲ ਹੈ। ਕਈ ਥਾਵਾਂ 'ਤੇ ਯੋਨੀ ਦੀ ਵੀ ਸਿਲਾਈ ਕੀਤੀ ਜਾਂਦੀ ਹੈ। ਕੁੜੀਆਂ ਦੀ ਸੁੰਨਤ ਬਚਪਨ ਤੋਂ 15 ਸਾਲ ਦੀ ਉਮਰ ਦੇ ਵਿਚਕਾਰ ਹੁੰਦੀ ਹੈ। ਆਮ ਤੌਰ 'ਤੇ ਇਹ ਕੰਮ ਪਰਿਵਾਰ ਦੀਆਂ ਔਰਤਾਂ ਹੀ ਕਰਦੀਆਂ ਹਨ।