OMG! ਮਸਾਜ ਪਾਰਲਰ 'ਚ ਛਾਪਾ ਮਾਰ ਪੁਲਿਸ ਨੇ ਆਪਣੇ ਅਫਸਰ ਨੂੰ ਲਿਆ ਹਿਰਾਸਤ 'ਚ

ਦਰਅਸਲ, ਹਾਂਗ ਕਾਂਗ ਦਾ ਇਹ ਮਸਾਜ ਪਾਰਲਰ ਬਿਨਾਂ ਲਾਇਸੈਂਸ ਦੇ ਚੱਲ ਰਿਹਾ ਸੀ। ਜਦੋਂ ਪੁਲਿਸ ਨੇ ਇਥੇ ਛਾਪਾ ਮਾਰਿਆ ਤਾਂ ਉਹਨਾਂ ਨੂੰ ਉਥੇ ਉੱਚ ਪੁਲਿਸ ਅਧਿਕਾਰੀ ਮਿਲਿਆ।

ਮੀਡੀਆ ਰਿਪੋਰਟਾਂ ਅਨੁਸਾਰ, ਮਸਾਜ ਪਾਰਲਰ ਵਿੱਚ ਫੜੇ ਗਏ ਪੁਲਿਸ ਅਧਿਕਾਰੀ ਦਾ ਨਾਮ ਫਰੈਡਰਿਕ ਚੋਈ ਚਿਨ-ਪੈਂਗ ਹੈ। ਇਹ ਵਿਅਕਤੀ ਹਾਂਗਕਾਂਗ ਪੁਲਿਸ ਵਿਚ ਸੀਨੀਅਰ ਸਹਾਇਕ ਕਮਿਸ਼ਨਰ ਦੇ ਅਹੁਦੇ ਉਤੇ ਤਾਇਨਾਤ ਹੈ। ਜਿਵੇਂ ਹੀ ਅਫਸਰ ਦੇ ਮਸਾਜ ਪਾਰਲਰ ਵਿੱਚ ਫੜੇ ਜਾਣ ਦੀ ਖ਼ਬਰ ਮਿਲੀ ਤਾਂ ਉਸਨੂੰ ਛੁੱਟੀ ਉਤੇ ਭੇਜ ਦਿੱਤਾ।

ਇੱਕ ਸੀਨੀਅਰ ਅਧਿਕਾਰੀ ਦੇ ਮਸਾਜ ਪਾਰਲਰ ਵਿੱਚ ਫੜੇ ਜਾਣ ਤੋਂ ਬਾਅਦ ਕਿਹਾ ਜਾ ਰਿਹਾ ਹੈ ਕਿ ਇਸ ਨਾਲ ਹਾਂਗਕਾਂਗ ਪੁਲਿਸ ਦੇ ਅਕਸ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ।

ਕਾਬਲੇਗੌਰ ਹੈ ਕਿ ਸਾਲ 2019 ਤੋਂ ਬਾਅਦ ਹੀ ਹਾਂਗ ਕਾਂਗ ਪੁਲਿਸ ਨੂੰ ਕਾਫੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦਰਅਸਲ ਇਸ ਸਾਲ ਤੋਂ ਹੀ ਹਾਂਗਕਾਂਗ ਪੁਲਿਸ ਦੇ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ 'ਤੇ ਸ਼ਿਕੰਜਾ ਕੱਸੇ ਜਾਣ ਕਾਰਨ ਲੋਕਾਂ ਵਿਚ ਬਹੁਤ ਚੰਗੀ ਸਾਖ ਨਹੀਂ ਹੈ।

ਇਸ ਪੂਰੇ ਮਾਮਲੇ ਵਿਚ ਪੁਲਿਸ ਚੀਫ ਕ੍ਰਿਸ ਟੈਂਗ ਨੇ ਸਥਾਨਕ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਇਸ ਨਾਲ ਪੁਲਿਸ ਦੇ ਅਕਸ 'ਤੇ ਬੁਰਾ ਪ੍ਰਭਾਵ ਪਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਰਾਸ਼ਟਰੀ ਸੁਰੱਖਿਆ ਵਿਭਾਗ ਦੇ ਕਿਸੇ ਇੱਕ ਅਧਿਕਾਰੀ ਉਤੇ ਹੋਣ ਵਾਲੀ ਜਾਂਚ ਵਿਚ ਸਮੱਸਿਆਵਾਂ ਆ ਸਕਦੀ ਹੈ।