Pictures : ਦੁਨੀਆ ਦਾ ਸਭ ਤੋਂ ਖ਼ੂਬਸੂਰਤ ਹਵਾਈ ਅੱਡਾ, ਦੁਨੀਆ ਭਰ ਲਈ ਖਿੱਚ ਦਾ ਕੇਂਦਰ

ਵੈਸੇ ਤਾਂ ਸਾਰੀ ਦੁਨੀਆ ‘ਚ ਬਹੁਤ ਸਾਰੇ ਹਵਾਈ ਅੱਡੇ ਹਨ, ਸਭ ਆਪੋ ਆਪਣੀ ਜਗ੍ਹਾ ‘ਤੇ ਖ਼ੂਬਸੂਰਤ ਹਨ, ਪਰ ਸਿੰਗਾਪੁਰ ਦਾ ਚਾਂਗੀ ਏਅਰਪੋਰਟ ਦੁਨੀਆ ‘ਚ ਸਭ ਤੋਂ ਹਟ ਕੇ ਹੈ। ਉਹ ਕਰਕੇ ਕਿਉਂਕਿ ਇਸ ਨੂੰ ਦੁਨੀਆ ਦਾ ਸਭ ਤੋਂ ਖ਼ੂਬਸੂਰਤ ਏਅਰਪੋਰਟ ਮੰਨਿਆ ਜਾਂਦਾ ਹੈ। ਚਾਂਗੀ ਏਅਰਪੋਰਟ ਦੀ ਖ਼ਾਸੀਅਤ ਇਹ ਹੈ ਕਿ ਇੱਥੇ ਏਅਰਪੋਰਟ ਦੇ ਅੰਦਰ ਹੀ ਪੂਰਾ ਜੰਗਲ ਵਸਾਇਆ ਹੋਇਆ ਹੈ। ਆਪਣੀ ਮੈਂਟੇਨੈਂਸ ਦੀ ਵਜ੍ਹਾ ਕਰਕੇ ਹੀ ਚਾਂਗੀ ਏਅਰਪੋਰਟ ਨੇ ਸਕਾਈਟ੍ਰੈਕਸ ਵਰਲਡ ਏਅਰਪੋਰਟ ਐਵਰਡ ਕਈ ਵਾਰ ਹਾਸਲ ਕੀਤਾ ਹੈ।

ਇਸ ਏਅਰਪੋੋਰਟ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਅਤੇ ਖਿੱਚ ਦਾ ਕੇਂਦਰ ਹੈ ਕਿ ਇੱਥੇ ਮੌਜੂਦ 1300 ਫ਼ੁੱਟ ਉੱਚਾ ਝਰਨਾ। ਏਅਰਪੋਰਟ ਦੀ ਛੱਤ ‘ਤੇ ਸਵੀਮਿੰਗ ਪੁਲ ਬਣਾਇਆ ਗਿਆ ਹੈ। ਇੱਥੇ 4 ਮੰਜ਼ਲਾ ਗਾਰਡਨ ਵੀ ਬਣਾਇਆ ਗਿਆ ਹੈ, ਜਿਸ ਵਿੱਚ ਕਈ ਤਰ੍ਹਾਂ ਦੇ ਬੂਟੇ ਵੀ ਲੱਗੇ ਹੋਏ ਹਨ।

ਚਾਂਗੀ ਏਅਰਪੋਰਟ ਦੇ ਡਿਜ਼ਾਈਨ ਨੂੰ ਚਰਚਿਤ ਆਰਕਿਟੈਕਰ ਮੇਸ਼ੇ ਸਫ਼ਦੀ ਨੇ ਤਿਆਰ ਕੀਤਾ ਹੈ। ਚਾਂਗੀ ਏਅਰਪੋਰਟ ਦੁਨੀਆ ਭਰ ਦੇ ਸੈਲਾਨੀਆਂ ਦੀ ਮਨਪਸੰਦ ਜਗ੍ਹਾ ਹੈ, ਕਿਉਂਕਿ ਇੱਥੇ ਆ ਕੇ ਉਨ੍ਹਾਂ ਨੂੰ ਕੁਦਰਤ ਨਾਲ ਸਮਾਂ ਬਿਤਾਉਣ ਦਾ ਮੌਕਾ ਮਿਲਦਾ ਹੈ। ਏਅਰਪੋਰਟ ਦੀ ਛੱਤ ‘ਤੇ ਸਵੀਮਿੰਗ ਪੁਲ ਤੋਂ ਲੈਕੇ ਫ਼ਿਲਮ ਥੀਏਟਰ ਅਤੇ ਸ਼ਾਪਿੰਗ ਮਾਲ ਸਭ ਕੁੱਝ ਹੈ।

ਅਪ੍ਰੈਲ 2019 ‘ਚ ਸ਼ੁਰੂ ਹੋਣ ਵਾਲੇ ਜਵੈਲ ਚਾਂਗੀ ਹਵਾਈ ਅੱਡੇ ‘ਤੇ ਇੱਕ ਗਲਾਸ ਕੰਪਲੈਕਸ ਨਾਲ ਇੱਕ ਪੂਰਾ ਜੰਗਲ ਅਤੇ ਝਰਨਾ ਵੀ ਮੌਜੂਦ ਹੈ। ਇਸ ਨੂੰ ਦੁਨੀਆ ਦਾ ਸਭ ਤੋਂ ਵੱਡਾ ਇਨਡੋਰ ਝਰਨਾ ਮੰਨਿਆ ਜਾਂਦਾ ਹੈ।

ਇੱਥੇ ਦਰਖ਼ਤ ਬੂਟਿਆਂ ਵਿਚਾਲੇ ਲੋਕ ਇੰਝ ਮਹਿਸੂਸ ਕਰਦੇ ਹਨ, ਜਿਵੇਂ ਉਹ ਕਿਸੇ ਜੰਗਲ ਵਿੱਚ ਹੋਣ। ਜੰਗਲ ਦੇ ਉੱਪਰਲੇ ਹਿੱਸੇ ‘ਚ ਕੈਨੋਪੀ ਪਾਰਕ ਹੈ। ਇਸ ਤੋਂ ਇਲਾਵਾ ਗਲਾਸ ਬੌਟਮ ਬ੍ਰਿੱਜ, ਮਿਰਰ ਮੇਜ਼ਿਜ਼ ਅਤੇ ਸਕਲਪਚਰ ਬੈਕਗਰਾਊਂਡ ਦੇ ਨਾਲ ਹਰ ਉਹ ਚੀਜ਼ ਮੌਜੂਦ ਹੈ, ਜੋ ਤੁਹਾਨੂੰ ਹੈਰਾਨ ਪਰੇਸ਼ਾਨ ਕਰ ਦੇਵੇਗੀ।

ਇਸ ਏਅਰਪੋਰਟ ਨੂੰ 10 ਲੱਖ 46 ਹਜ਼ਾਰ ਵਰਗਫੁੱਟ ਦੇ ਖੇਤਰ ਵਿੱਚ ਬਣਾਇਆ ਗਿਆ ਹੈ। ਇਸ ਨੂੰ ਬਣਾਉਣ ‘ਚ ਕੁੱਲ 1.25 ਬਿਲੀਅਨ ਅਮਰੀਕੀ ਡਾਲਰ ਦਾ ਖ਼ਰਚਾ ਹੋਇਆ। ਖ਼ੈਰ ਇਸ ਜਗ੍ਹਾ ਨੂੰ ਦੇਖ ਕੇ ਲੱਗਦਾ ਹੀ ਹੈ ਕਿ ਇਸ ਨੂੰ ਬਣਾਉਣ ‘ਚ ਕਾਫ਼ੀ ਮੇਹਨਤ ਤੇ ਪੈਸਾ ਖ਼ਰਚ ਹੋਇਆ ਹੈ। ਤਾਂ ਹੀ ਤਾਂ ਜੋ ਵੀ ਕੋਈ ਇੱਥੇ ਆਉਂਦਾ ਹੈ, ਇੱਥੋਂ ਦਾ ਮੁਰੀਦ ਬਣ ਜਾਂਦਾ ਹੈ।   (All Photos Credit- https://www.changiairport.com)