ਬੰਦਰ ਨਾਲ ਪਿਆਰ ਪਿਆ ਮਹਿੰਗਾ, ਮਸ਼ਹੂਰ ਟੈਟੂ ਆਰਟਿਸਟ ਕੇਮਜ਼ ਨੂੰ ਥਾਣੇ ‘ਚ ਕਟਣੀ ਪਈ ਰਾਤ…

ਪੰਜਾਬ ਦੇ ਮਸ਼ਹੂਰ ਟੈਟੂ ਆਰਟਿਸਟ ਕੇਮਜ਼ ਉਰਫ਼ ਕੰਵਲਪ੍ਰੀਤ ਨੇ ਸੋਚਿਆ ਨਹੀਂ ਹੋਵੇਗਾ ਕਿ ਜਿਸ ਬਾਂਦਰ ਦੇ ਬੱਚੇ ਨੂੰ ਉਨ੍ਹਾਂ ਦਾ ਮੈਨੇਜਰ ਰੇਸਕਿਊ ਕਰ ਕੇ ਲਿਆਇਆ ਸੀ, ਉਸ ਦੀ ਵਜ੍ਹਾ ਨਾਲ ਉਸਨੂੰ ਇੱਕ ਦਿਨ ਹਵਾਲਾਤ ਵਿੱਚ ਰਹਿਣਾ ਪੈ ਸਕਦਾ ਹੈ।

ਇਹ ਕਹਾਣੀ ਫ਼ਿਲਮੀ ਲੱਗਦੀ ਹੈ ਪਰ ਸੱਚ ਹੈ। ਇੱਕ ਸਾਲ ਤੋਂ ਇਹ ਬਾਂਦਰ ਕੇਮਜ਼ ਦੇ ਨਾਲ ਸੀ। ਉਸ ਦੀ ਦੇਖਭਾਲ ਕਰਨਾ , ਖੇਡਣਾ ਉਸਦੇ ਦਿਨ ਦਾ ਰੂਟੀਨ ਬਣ ਗਿਆ।

ਕੇਮਜ਼ ਨੇ ਬਾਂਦਰ ਦੇ ਨਾਲ ਆਪਣੀ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਪਾ ਦਿੱਤੀ। ਇੱਕ ਦਿਨ ਕੇਮਜ਼ ਦੇ ਮੈਨੇਜਰ ਨੂੰ ਮੇਨਕਾ ਗਾਂਧੀ ਦਾ ਕਾਲ ਆਉਂਦਾ ਹੈ ਕਿ ਤੁਸੀਂ ਲੋਕ ਬਾਂਦਰ ਨੂੰ ਇਵੇਂ ਨਹੀਂ ਰੱਖ ਸਕਦੇ। ਇਸ ਨੂੰ ਤੁਰੰਤ ਛੱਡ ਦਿਓ। ਕੇਮਜ਼ ਦੇ ਮੈਨੇਜਰ ਨੇ ਇਸ ਬਾਂਦਰ ਨੂੰ ਛੱਤ ਬੀੜ ਜੂ ਦੇ ਕੋਲ ਛੱਡ ਦਿੱਤਾ।

ਕੇਮਜ਼ ਦਾ ਇਲਜ਼ਾਮ ਹੈ ਕਿ ਜਦੋਂ ਉਨ੍ਹਾਂ ਨੇ ਬਾਂਦਰ ਨੂੰ ਛੱਡ ਦਿੱਤਾ ਤਾਂ ਉਸ ਦੇ ਬਾਅਦ ਜਾਨਵਰਾਂ ਲਈ ਕੰਮ ਕਰਨ ਵਾਲੀ ਸੰਸਥਾ ਪੇਟਾ ਨੇ ਵਾਇਲਡ ਲਾਈਫ਼ ਅਤੇ ਪੁਲਿਸ ਦੇ ਨਾਲ ਉਨ੍ਹਾਂ ਦੇ ਸੈਕਟਰ 35 ਆਫ਼ਿਸ ਨੂੰ ਸਰਚ ਕੀਤਾ। ਉਨ੍ਹਾਂ ਤੋਂ ਪੁੱਛਗਿੱਛ ਕੀਤੀ।

ਇਸ ਤੋਂ ਬਾਅਦ ਵਿੱਚ ਸੈਕਟਰ 36 ਦੀ ਪੁਲਿਸ ਉਨ੍ਹਾਂ ਨੂੰ ਉਨ੍ਹਾਂ ਦੇ ਆਫ਼ਿਸ ਤੋਂ ਗ੍ਰਿਫਤਾਰ ਕਰ ਕੇ ਲੈ ਗਈ। ਉਨ੍ਹਾਂ ਦੱਸਿਆ ਕਿ ਮੇਰੇ ਉੱਤੇ ਇਲਜ਼ਾਮ ਲਗਾਇਆ ਗਿਆ ਕਿ ਅਸੀਂ ਬਾਂਦਰ ਨੂੰ ਮਾਰ ਦਿੱਤਾ ਹੈ ਅਤੇ ਉਸ ਦਾ ਸ਼ਿਕਾਰ ਕੀਤਾ ਹੈ। ਸਾਨੂੰ ਰਾਤ ਭਰ ਥਾਣੇ ਵਿਚ ਰੱਖਿਆ ਗਿਆ। ਮੈਨੂੰ ਸੱਚ ਵਿੱਚ ਬਹੁਤ ਵੱਡਾ ਝਟਕਾ ਲੱਗਾ। ਜਿਸ ਜਾਨਵਰ ਨੂੰ ਇੰਨਾ ਪਿਆਰ ਕਰਦੇ ਸਨ ਤੇ ਉਹ ਉਸ ਨੂੰ ਕਿਵੇਂ ਮਾਰਨਗੇ।

ਕੇਮਜ਼ ਦੇ ਵਕੀਲ ਗਗਨਦੀਪ ਜੰਮੂ ਨੇ ਦੱਸਿਆ ਕਿ ਕੇਮਜ਼ ਨੂੰ ਗ਼ੈਰ-ਕਾਨੂੰਨੀ ਹਿਰਾਸਤ ਵਿੱਚ ਰੱਖਿਆ ਗਿਆ। ਅਸੀਂ ਰਾਤ ਵਿੱਚ ਹੀ ਈ ਕੋਰਟ ਵਿੱਚ ਬੰਦੀ ਪਟੀਸ਼ਨ ਪਾ ਦਿੱਤੀ। ਜਿਸ ਉੱਤੇ ਸਵੇਰੇ ਹਾਈ ਕੋਰਟ ਨੇ ਵਾਰੰਟ ਅਫ਼ਸਰ ਨੂੰ ਨਿਯੁਕਤ ਕਰ ਦਿੱਤਾ। ਉਨ੍ਹਾਂ ਕੋਲ ਨਾ ਤਾਂ ਅਰੇਸਟ ਵਰੰਟ ਸੀ ਅਤੇ ਨਾ ਹੀ ਉਨ੍ਹਾਂ ਕੋਲ ਬਾਂਦਰ ਸੀ।

ਗਗਨਦੀਪ ਨੇ ਇਲਜ਼ਾਮ ਲਗਾਇਆ ਕਿ ਵਾਰੰਟ ਅਫ਼ਸਰ ਸੈਕਟਰ 36 ਥਾਣੇ ਪਹੁੰਚਣ ਤੋਂ ਪਹਿਲਾਂ ਹੀ ਪੁਲਿਸ ਨੇ ਕੇਮਜ਼ ਨੂੰ ਥਾਣੇ ਤੋਂ ਲੈ ਕੇ ਨਿਕਲ ਗਈ ਅਤੇ ਸੜਕਾਂ ਉੱਤੇ ਘੁਮਾਉਣ ਲੱਗ ਗਈ। ਹੁਣ ਵਾਰੰਟ ਅਫ਼ਸਰ ਇਸ ਗ਼ੈਰ-ਕਾਨੂੰਨੀ ਗ੍ਰਿਫਤਾਰੀ ਦੀ ਰਿਪੋਰਟ ਹਾਈਕੋਰਟ ਵਿੱਚ ਦੇਣਗੇ।