#SummerFood: ਖ਼ਰਬੂਜ਼ੇ ਵਿੱਚ ਹੁੰਦਾ ਹੈ 92% ਪਾਣੀ, ਸਰੀਰ ਵਿੱਚ ਨਹੀਂ ਹੋਣ ਦੇਵੇਗਾ ਪਾਣੀ ਦੀ ਕਮੀ

ਗਰਮੀਆਂ ਦੇ ਮੌਸਮ ਲਈ ਖ਼ਰਬੂਜ਼ਾ ਬਿਲਕੁਲ ਲਾਭਦਾਇਕ ਫਲ ਹੈ। ਇਸ 'ਚ 92% ਪਾਣੀ ਹੈ ਇਸ ਲਈ ਡੀਹਾਈਡਰੇਸ਼ਨ ਨੂੰ ਦੂਰ ਕਰਨ ਦਾ ਇਹ ਸਭ ਤੋਂ ਵਧੀਆ ਤਰੀਕਾ ਹੈ। ਖ਼ਰਬੂਜ਼ੇ 'ਚ ਮੌਜੂਦ ਐਂਟੀ-ਆੱਕਸੀਡੇੰਟ ਸਰੀਰ ਨੂੰ ਤੰਦਰੁਸਤ ਰੱਖਣ 'ਚ ਮਦਦਗਾਰ ਹੁੰਦੇ ਹਨ। ਇਸ ਤੋਂ ਇਲਾਵਾ ਖ਼ਰਬੂਜ਼ਾ ਗਰਮੀ 'ਚ ਵਿੱਚ ਬਹੁਤ ਫ਼ਾਇਦੇ ਪਹੁੰਚਾਂਦਾ ਹੈ।

ਖ਼ਰਬੂਜ਼ੇ ਵਿੱਚ ਫੈਟ ਦੀ ਮਾਤਰਾ ਬਹੁਤ ਘੱਟ ਹੁੰਦੀ ਹੈ ਜਿਸ ਨਾਲ ਭਾਰ ਵਿੱਚ ਵਾਧਾ ਨਹੀਂ ਹੁੰਦਾ। ਇਸ ਤੋਂ ਇਲਾਵਾ ਕਾਰਬੋਹਾਈਡਰੇਟ ਦੀ ਮਾਤਰਾ ਵੀ ਬਹੁਤ ਉੱਚੀ ਹੈ ਅਤੇ ਇਹ ਸਰੀਰ ਵਿੱਚ ਊਰਜਾ ਰੱਖਦਾ ਹੈ. ਇਹ ਫਲ ਖਾਣ ਨਾਲ ਤੁਹਾਡਾ ਪੇਟ ਭਰਿਆ ਰੱਖਦਾ ਹੈ। ਇਹ ਭਾਰ ਘਟਾਉਣ ਲਈ ਇੱਕ ਵਧੀਆ ਵਿਕਲਪ ਹੈ।

ਖ਼ਰਬੂਜ਼ੇ ਵਿੱਚ ਮੌਜੂਦ ਬਹੁਤ ਸਾਰੇ ਐਂਟੀਆਕਸੀਡੈਂਟ ਹਨ ਜੋ ਸਰੀਰ ਨੂੰ ਗੰਭੀਰ ਬਿਮਾਰੀਆਂ ਤੋਂ ਬਚਾਉਂਦੇ ਹਨ। ਡਾਈਬਟੀਜ਼ ਰੋਗੀਆਂ ਲਈ ਖ਼ਰਬੂਜ਼ਾ ਬਹੁਤ ਲਾਹੇਵੰਦ ਹੈ। ਇਸ ਨੂੰ ਖਾਣ ਨਾਲ, ਬਲੱਡ ਸ਼ੂਗਰ ਪੱਧਰ 'ਤੇ ਕੰਟਰੋਲ ਰਹਿੰਦਾ ਹੈ ਅਤੇ ਡਾਈਬਟੀਜ਼ ਵੀ ਕੰਟਰੋਲ ਵਿੱਚ ਰਹਿੰਦੀ ਹੈ।

ਬਹੁਤੇ ਲੋਕ ਇਹ ਕਹਿੰਦੇ ਨੇ ਕਿ ਪਪੀਤਾ ਖਾਣ ਨਾਲ ਅੱਖਾਂ ਦੀ ਰੌਸ਼ਨੀ ਠੀਕ ਰਹਿੰਦੀ ਹੈ। ਖ਼ਰਬੂਜ਼ੇ ਵਿੱਚ ਵਿਟਾਮਿਨ ਏ ਅਤੇ ਵਿਟਾਮਿਨ ਸੀ ਬਹੁਤ ਜ਼ਿਆਦਾ ਹੁੰਦੇ ਨੇ ਜਿਸ ਨਾਲ ਅੱਖਾਂ ਦੀ ਰੌਸ਼ਨੀ ਵਧਣ ਵਿੱਚ ਮਦਦ ਮਿਲਦੀ ਹੈ। ਇਸ ਨੂੰ ਖਾਣ ਨਾਲ ਅੱਖ ਦੇ ਰੈਟਿਨਾ ਦੀਆਂ ਮਾਸਪੇਸ਼ੀਆਂ ਮਜ਼ਬੂਤ ਹੁੰਦਿਆਂ ਨੇ ਤੇ ਅੱਖ ਲੰਬੇ ਟਾਈਮ ਤੱਕ ਠੀਕ ਰਹਿੰਦੀ ਹੈ।

ਖ਼ਰਬੂਜ਼ਾ ਸਾਡੇ ਦਿਲ ਲਈ ਵੀ ਬਹੁਤ ਲਾਭਦਾਇਕ ਹੈ। ਇਸ ਨੂੰ ਖਾਣ ਨਾਲ ਤੁਸੀਂ ਦਿਲ ਦੀਆਂ ਬਿਮਾਰੀਆਂ ਤੋਂ ਬੱਚ ਸਕਦੇ ਹੋ। ਖ਼ਰਬੂਜ਼ੇ ਵਿੱਚ ਐਡਿਨੋਸੀਨ ਸਰੀਰ ਵਿੱਚ ਲਹੂ ਨੂੰ ਪਤਲਾ ਕਰਦਾ ਹੈ ਤੇ ਜਿਸ ਨਾਲ ਖ਼ੂਨ ਗਾੜ੍ਹਾ ਹੋਣ ਤੋਂ ਬੱਚਿਆਂ ਰਹਿੰਦਾ ਹੈ। ਇਸ ਨੂੰ ਖਾਣ ਨਾਲ ਦਿਲ ਦੇ ਦੌਰੇ, cardiac arrest ਤੇ ਸਟ੍ਰੋਕ ਆਦਿ ਦਾ ਖ਼ਤਰਾ ਘੱਟ ਜਾਂਦਾ ਹੈ।

ਖ਼ਰਬੂਜ਼ਾ ਹੱਡੀਆਂ ਅਤੇ ਮਾਸਪੇਸ਼ੀਆਂ ਨੂੰ ਵੀ ਮਜ਼ਬੂਤ ਰੱਖਦਾ ਹੈ। ਇਸ ਵਿੱਚ ਮੌਜੂਦ ਵਿਟਾਮਿਨ-ਸੀ ਸਰੀਰ ਵਿੱਚ ਮੌਜੂਦ ਫ਼ਰੀ ਰੈਡੀਕਲਸ ਨੂੰ ਤਬਾਹ ਕਰ ਦਿੰਦਾ ਹੈ। ਇਸ ਨਾਲ ਬੁਢਾਪੇ ਤੋਂ ਲੰਬੇ ਟਾਈਮ ਤੱਕ ਬੱਚਿਆਂ ਜਾ ਸਕਦਾ ਹੈ।