Record High: ਸੋਨੇ ਨੇ ਬਣਾਇਆ ਰਿਕਾਰਡ, 48300 ਤੇ ਪਹੁੰਚੀ ਕੀਮਤ, 18 ਤੋਂ 24 ਕੈਰਟ ਸੋਨੇ ਦੀ ਜਾਣੋ ਕੀਮਤ

ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਆਸਮਾਨ ਨੂੰ ਛੂਹ ਰਹਿਆਂ ਹਨ।ਅੱਜ 22 ਜੂਨ 2020 ਨੂੰ ਸੋਨੇ ਦੀਆਂ ਕੀਮਤਾਂ ਨੇ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ।

ਦੇਸ਼ ਭਰ ਵਿਚ ਸਰਾਫ਼ਾ ਬਾਜ਼ਾਰਾਂ ਵਿਚ 24 ਕੈਰਟ ਦਾ ਸੋਨਾ 647 ਰੁਪਏ ਪ੍ਰਤੀ 10 ਗਰਾਮ ਦੀ ਤੇਜ਼ੀ ਨਾਲ 48300 ਰੁਪਏ ਉੱਤੇ ਪਹੁੰਚ ਗਿਆ ਹੈ ਅਤੇ 23 ਕੈਰਟ ਸੋਨੇ ਦੀ ਕੀਮਤ 645 ਦੇ ਵਾਧੇ ਨਾਲ 48107 ਰੁਪਏ ਪ੍ਰਤੀ ਦਸ ਗਰਾਮ ਹੋ ਗਈ ਹੈ।

ਇਸ ਤੋਂ ਇਲਾਵਾ 22 ਕੈਰਟ ਸੋਨੇ ਦੀ ਕੀਮਤ 593 ਰੁਪਏ ਦੇ ਵਾਧੇ ਨਾਲ 44243 ਹੋਈ ਹੈ ਅਤੇ 18 ਕੈਰਟ 36225 ਰੁਪਏ ਪ੍ਰਤੀ 10 ਗਰਾਮ ਹੋ ਗਈ ਹੈ।ਚਾਂਦੀ ਵਿਚ ਵੀ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਚਾਂਦੀ ਵਿਚ 966 ਰੁਪਏ ਵਾਧਾ ਹੋਇਆ ਹੈ। ਇੰਡੀਅਨ ਬੁਲਿਅਨ ਐਂਡ ਜਵੈਲਰਜ਼ ਐਸੋਸੀਏਸ਼ਨ ਦੀ ਵੈੱਬਸਾਈਟ ਸੋਨੇ ਅਤੇ ਚਾਂਦੀ ਦੀ ਔਸਤ ਕੀਮਤ ਦੀ ਅੱਪਡੇਟ ਮਿਲਦੀ ਹੈ।

ਇੰਡੀਅਨ ਬੁਲਿਅਨ ਐਂਡ ਜਵੈਲਰਜ਼ ਐਸੋਸੀਏਸ਼ਨ ਦਿੱਲੀ ਦੇ ਮੀਡੀਆ ਇੰਚਾਰਜ ਰਾਜੇਸ਼ ਖੋਸਲਾ ਦੇ ਅਨੁਸਾਰ, IBJA ਦੇਸ਼ ਭਰ ਦੇ 14 ਕੇਂਦਰਾਂ ਤੋਂ ਸੋਨੇ ਅਤੇ ਚਾਂਦੀ ਦੀ ਮੌਜੂਦਾ ਕੀਮਤ ਦਰਸਾਉਂਦੀ ਹੈ।ਖੋਸਲਾ ਦਾ ਕਹਿਣਾ ਹੈ ਕਿ ਮੌਜੂਦਾ ਸੋਨੇ ਚਾਂਦੀ ਦੀ ਦਰ ਜਾਂ ਮੰਨ ਲਓ ਵੱਖ ਵੱਖ ਥਾਵਾਂ ਉੱਤੇ ਸਪਾਟ ਦੀ ਕੀਮਤ ਵੱਖਰੀ ਵੱਖਰੀ ਹੋ ਸਕਦੀ ਹੈ ਪਰ ਉਨ੍ਹਾਂ ਦੀ ਕੀਮਤ ਵਿਚ ਥੋੜ੍ਹਾ ਹੀ ਅੰਤਰ ਹੁੰਦਾ ਹੈ।