Hacking ਤੋਂ ਬਚਣ ਲਈ Password ਬਣਾਉਂਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ, ਨਹੀਂ ਤਾਂ ਹੋ ਸਕਦਾ ਹੈ ਵੱਡਾ ਨੁਕਸਾਨ

ਅਜੋਕੇ ਸਮੇਂ ਵਿੱਚ ਹਰ ਵਿਅਕਤੀ ਲਈ ਆਪਣੀ ਜਾਣਕਾਰੀ ਨੂੰ ਸੁਰੱਖਿਅਤ ਰੱਖਣ ਲਈ ਇੱਕ ਪਾਸਵਰਡ ਹੋਣਾ ਬਹੁਤ ਮਹੱਤਵਪੂਰਨ ਹੈ। ਪਰ ਕਈ ਵਾਰ ਪਾਸਵਰਡ ਦੇ ਬਾਵਜੂਦ ਯੂਜਰ ਦਾ ਮੋਬਾਈਲ, ਅਕਾਊਂਟ ਜਾਂ ਸੋਸ਼ਲ ਮੀਡੀਆ ਪਲੇਟਫਾਰਮ ਹੈਕ ਹੋ ਜਾਂਦਾ ਹੈ। ਇਸ ਕਾਰਨ ਭਾਰੀ ਨੁਕਸਾਨ ਉਠਾਉਣਾ ਪੈਂਦਾ ਹੈ। ਕੁਝ ਬਹੁਤ ਸਾਰੀਆਂ ਮੁਢਲੀਆਂ ਗ਼ਲਤੀਆਂ ਹੁੰਦੀਆਂ ਹਨ ਜਿਨਾਂ ਕਰਕੇ ਮੁਸੀਬਤ ਵਿੱਚ ਪੈ ਸਕਦੇ ਹਾਂ।

1. ਸਾਰੇ ਪਲੇਟਫਾਰਮਾਂ ਨੂੰ ਸੁਰੱਖਿਅਤ ਰੱਖਣ ਲਈ ਹਮੇਸ਼ਾ ਵੱਖਰੇ ਪਾਸਵਰਡ ਦੀ ਵਰਤੋਂ ਕਰੋ। ਭੁੱਲਣ ਦੀ ਪਰੇਸ਼ਾਨੀ ਤੋਂ ਬਚਣ ਲਈ ਕਈ ਵਾਰ ਅਸੀਂ ਅਜਿਹੀ ਗਲਤੀ ਕਰਦੇ ਹਾਂ, ਜਿਸਦਾ ਹੈਕਰ ਆਸਾਨੀ ਨਾਲ ਫਾਇਦਾ ਉਠਾਉਂਦੇ ਹਨ।

2. ਨਵਾਂ ਅਕਾਊਂਟ ਬਣਾਉਣ ਵੇਲੇ ਨਵਾਂ ਪਾਸਵਰਡ ਬਣਾਉ ਅਤੇ ਪੁਰਾਣੇ ਦੀ ਵਰਤੋ ਨਾ ਕਰੋ। ਕਿਉਂਕਿ ਹੈਕਰ ਡਾਰਕ ਨੈਟ ਦੇ ਜ਼ਰੀਏ ਐਕਪਾਇਰਡ ਪਾਸਵਰਡ ਆਸਾਨੀ ਨਾਲ ਪ੍ਰਾਪਤ ਕਰ ਲੈਂਦੇ ਹਨ।

3. ਨਵਾਂ ਪਾਸਵਰਡ ਸੈਟ ਕਰਨ ਤੋਂ ਬਾਅਦ ਇਸ ਨੂੰ ਆਪਣੀ ਈਮੇਲ ਵਿਚ ਟੈਕਸਟ ਦਸਤਾਵੇਜ਼ ਦੇ ਰੂਪ ਵਿਚ ਜਾਂ ਆਨਲਾਈਨ ਕਿਤੇ ਵੀ ਡਰਾਫਟ ਦੇ ਰੂਪ ਵਿਚ ਸੇਵ ਨਾ ਕਰੋ। ਸਮੇਂ ਸਮੇਂ ਉਤੇ ਪਾਸਵਰਡ ਨੂੰ ਬਦਲੋ।

4. ਆਪਣਾ ਪਾਸਵਰਡ ਸੁਰੱਖਿਅਤ ਕਰਨ ਲਈ ਕਰੋਮ ਜਾਂ ਕਿਸੇ ਹੋਰ ਬ੍ਰਾਊਜ਼ਰ ਨੂੰ ਸੇਵ ਕਰਨ ਦੀ ਆਗਿਆ ਨਾ ਦਿਓ। ਜੇ ਤੁਸੀਂ ਕਿਸੇ ਖਤਰਨਾਕ ਵੈਬਸਾਈਟ ਤੇ ਜਾਂਦੇ ਹੋ ਜਾਂ ਤੁਹਾਡੇ ਸਿਸਟਮ ਵਿੱਚ ਮਾਲਵੇਅਰ ਹੈ ਤਾਂ ਇਹ ਤੁਹਾਡੇ ਸਾਰੇ ਪਾਸਵਰਡ ਨੂੰ ਕਮਜ਼ੋਰ ਬਣਾ ਦਿੰਦਾ ਹੈ।

5. Two-factor authentication ਦੀ ਵਰਤੋਂ ਕਰੋ। ਇਸ ਨਾਲ ਹੈਕਰ ਤੁਹਾਡੇ ਫੋਨ ਜਾਂ ਹੋਰ ਪਲੇਟਫਾਰਮਾਂ ਨੂੰ ਹੈਕ ਕਰਨ ਨਹੀਂ ਕਰ ਸਕਣਗੇ। ਇਸ ਤੋਂ ਇਲਾਵਾ ਫੋਨ ਨੰਬਰ ਨੂੰ ਪਾਸਵਰਡ ਵਜੋਂ ਵਰਤਣਾ ਸਭ ਤੋਂ ਆਮ ਗਲਤੀ ਹੈ ਜੋ ਲੋਕ ਅਕਸਰ ਕਰਦੇ ਹਨ।

6. ਹਮੇਸ਼ਾਂ ਪਾਸਵਰਡ ਨੂੰ ਕਿਸੇ ਮਹੱਤਵਪੂਰਣ ਤਾਰੀਖ ਜਾਂ ਪਿੰਨ ਦੇ ਰੂਪ ਵਿਚ ਵਰਤਣ ਤੋਂ ਪਰਹੇਜ਼ ਕਰੋ ਕਿਉਂਕਿ ਉਨ੍ਹਾਂ ਦਾ ਆਸਾਨੀ ਨਾਲ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ। ਉਦਾਹਰਣ ਦੇ ਲਈ, ਜੇ ਤੁਹਾਡਾ ਜਨਮਦਿਨ 25 ਜੁਲਾਈ ਨੂੰ ਹੈ, ਤਾਂ 2507 ਜਾਂ 0725 ਨੂੰ ਪਿੰਨ ਵਜੋਂ ਨਾ ਵਰਤੋ।