Life
ਬਾਂਦਰਾਂ ਦੇ ਇਸ ਸਮੂਹ ਵਿਚ ਸ਼ਾਮਲ ਛੋਟੇ ਬਾਂਦਰਾਂ ਨੇ ਪ੍ਰਿੰਸੀਪਲ ਦੀ ਕੁਰਸੀ 'ਤੇ ਕਬਜ਼ਾ ਕਰ ਲਿਆ, ਜਦਕਿ ਕੁਝ ਸਟਾਫ ਦੇ ਸਿਰਾਂ 'ਤੇ ਨੱਚਦੇ ਵੀ ਦਿਖਾਈ ਦਿੱਤੇ। ਜਦੋਂਕਿ ਇਸ ਦੌਰਾਨ, ਵੱਡੇ ਬਾਂਦਰਾਂ ਨੇ ਸਕੂਲ ਵਿੱਚ ਆਏ ਦੋ ਵਿਅਕਤੀਆਂ ਨੂੰ ਕੱਟ ਲਿਆ। ਉਸੇ ਸਮੇਂ, ਲੋਕਾਂ ਦਾ ਕਹਿਣਾ ਹੈ ਕਿ ਬਾਂਦਰਾਂ ਦਾ ਇਹ ਸਮੂਹ ਸਕੂਲ, ਜ਼ਿਲ੍ਹਾ ਇਮਾਰਤ ਅਤੇ ਬੀਆਰਸੀ ਦਫਤਰ ਵਿੱਚ ਅਕਸਰ ਹੰਗਾਮਾ ਮਚਾਉਂਦਾ ਹੈ।
ਦੱਸ ਦੇਈਏ ਕਿ ਕਾਫੀ ਲੰਮੇ ਸਮੇਂ ਬਾਅਦ 11 ਵੀਂ ਅਤੇ 12 ਵੀਂ ਜਮਾਤ ਦੇ ਸਕੂਲ ਸ਼ੁਰੂ ਹੋਏ ਹਨ। ਵਿਦਿਆਰਥੀ ਅਤੇ ਉਨ੍ਹਾਂ ਦੇ ਮਾਪੇ ਵੀ ਸਕੂਲ ਪੁੱਜੇ ਸਨ । ਜਿਵੇਂ ਹੀ ਸਕੂਲ ਖੁੱਲ੍ਹਿਆ, ਲਗਭਗ ਪੰਜ-ਛੇ ਬਾਂਦਰਾਂ ਦਾ ਇੱਕ ਸਮੂਹ ਵੀ ਇਥੇ ਪਹੁੰਚ ਗਿਆ। ਛੋਟੇ ਬਾਂਦਰ ਪ੍ਰਿੰਸੀਪਲ ਦੇ ਕਮਰੇ ਵਿਚ ਵੜ ਗਏ। ਜਦੋਂ ਪ੍ਰਿੰਸੀਪਲ ਸਾਹਿਬ ਨੇ ਡਰ ਕਾਰਨ ਕੁਰਸੀ ਛੱਡ ਦਿੱਤੀ ਤਾਂ ਛੋਟੇ ਬਾਂਦਰਾਂ ਨੇ ਇਸ ਤੇ ਕਬਜ਼ਾ ਕਰ ਲਿਆ।
ਜਦੋਂ ਬਾਦਰਾਂ ਦੇ ਸਮੂਹ ਵਿੱਚ ਸ਼ਾਮਲ ਵੱਡੇ ਬਾਂਦਰਾਂ ਨੂੰ ਭਜਾਉਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਤਾਂ ਉਹ ਹਮਲਾਵਰ ਹੋ ਜਾਂਦੇ। ਇਸ ਦੌਰਾਨ, ਜਦੋਂ ਇਕ ਵਿਦਿਆਰਥੀ ਨੇ ਉਨ੍ਹਾਂ ਨੂੰ ਰਸਤੇ ਤੋਂ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ, ਵੱਡੇ ਬਾਂਦਰ ਨੇ ਉਸ ਨੂੰ ਲੱਤ ਉਤੇ ਕੱਟ ਲਿਆ। ਉਸੇ ਸਮੇਂ, ਵਿਦਿਆਰਥੀ ਨੂੰ ਬਚਾਉਂਦੇ ਸਮੇਂ, ਬਾਂਦਰ ਨੇ ਮਾਪਿਆਂ ਦੀ ਲੱਤ ਉਤੇ ਕੱਟਿਆ। ਹਾਲਾਂਕਿ, ਇਸ ਤੋਂ ਬਾਅਦ ਸਕੂਲ ਸਟਾਫ ਨੇ ਇਨ੍ਹਾਂ ਬਾਂਦਰਾਂ ਨੂੰ ਭਜਾ ਦਿੱਤਾ।
ਇਸ ਦੇ ਨਾਲ ਹੀ ਲੋਕਾਂ ਦਾ ਕਹਿਣਾ ਹੈ ਕਿ ਡਬਰਾ ਦੇ ਇਸ ਸਕੂਲ ਦੇ ਨਾਲ-ਨਾਲ ਬਾਂਦਰਾਂ ਦਾ ਸਮੂਹ ਬੀਆਰਸੀ ਦਫਤਰ ਅਤੇ ਜ਼ਿਲ੍ਹਾ ਦਫਤਰ ਵਿਚ ਵੀ ਹੰਗਾਮਾ ਕਰਦਾ ਹੈ। ਸਕੂਲ ਸਟਾਫ ਦੇ ਨਾਲ, ਵਿਦਿਆਰਥੀਆਂ ਨੇ ਦੱਸਿਆ ਕਿ ਬਾਂਦਰਾਂ ਦਾ ਇਹ ਸਮੂਹ ਅਕਸਰ ਗੜਬੜ ਪੈਦਾ ਕਰਨ ਦੇ ਨਾਲ-ਨਾਲ ਲੋਕਾਂ ਨੂੰ ਕੱਟ ਕੇ ਜ਼ਖਮੀ ਕਰ ਦਿੰਦੇ ਹਨ, ਜਿਸ ਕਾਰਨ ਵਿਦਿਆਰਥੀਆਂ ਅਤੇ ਸਕੂਲ ਸਟਾਫ ਵਿੱਚ ਡਰ ਹੈ।
