ਦਿੱਲੀ ਪੁਲਿਸ ਨੇ ਕੀਤਾ ਸਿੱਖਾਂ ਨੂੰ ਸਲਿਊਟ, ਗੁਰਦੁਆਰਾ ਬੰਗਲਾ ਸਾਹਿਬ ਦੀ ਕੀਤੀ 'ਸਾਇਰਨ ਪਰਿਕਰਮਾ'

ਕੋਰੋਨਾ ਮਹਾਮਾਰੀ ਖਿਲਾਫ਼ ਲੜੀ ਜਾ ਰਹੀ ਜੰਗ ਵਿੱਚ ਆਪਣਾ ਅਹਿਮ ਯੋਗਦਾਨ ਪਾਉਣ ਵਾਲੇ ਸਿੱਖਾਂ ਨੂੰ ਦਿੱਲੀ ਦੀ ਪੁਲਿਸ ਨੇ ਅਨੋਖੇ ਢੰਗ ਨਾਲ ਸਲਾਮ ਕੀਤਾ। DSGMC ਵੱਲੋਂ ਕੀਤੀ ਜਾ ਰਹੀ ਸੇਵਾ ਲਈ ਦਿੱਲੀ ਪੁਲਿਸ ਨੇ ਗੁਰਦੁਆਰਾ ਬੰਗਲਾ ਸਾਹਿਬ ਦੀ ਸਾਇਰਨ ਪਰਕਰਮਾ ਕੀਤੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਟਵੀਟ ਕਰਕੇ ਲੌਕਡਾਊਨ ਵਿੱਚ ਗਰੀਬਾਂ ਲਈ ਸਹਾਰਾ ਬਣੇ ਗੁਰਦਆਰਿਆਂ ਦੀ ਤਾਰੀਫ ਕੀਤੀ ਤੇ ਦਿੱਲੀ ਪੁਲਿਸ ਪੁਲਿਸ ਦੀ ਇਸ ਕੰਮ ਦੀ ਸਰਾਹਨਾ ਕੀਤੀ।

ਮਤਲਬ ਸਾਇਰਨ ਵਜਾ ਕੇ ਪੁਲਿਸ ਦੀਆਂ ਗੱਡੀਆਂ ਬੰਗਲਾ ਸਾਹਿਬ ਦੇ ਚੱਕਰ ਲਗਾਏ। ਇਸ ਦੌਰਾਨ DSGMC ਦੇ ਪ੍ਰਧਾਨ ਨੇ ਦਿੱਲ਼ੀ ਪੁਲਿਸ ਦੇ ਇਸ ਸਨਮਾਨ ਲਈ ਧੰਨਵਾਦ ਕੀਤਾ।

ਇਸ ਤੋਂ ਇਲਾਵਾ ਖੁਦ ਪੁਲਿਸ ਨੇ ਸੇਵਾਦਾਰ ਨਾਲ ਮਿਲ ਕੇ ਲੰਗਰ ਦੀ ਸੇਵਾ ਵਿੱਚ ਸਹਿਯੋਗ ਕੀਤਾ। ਕੋਰੋਨਾ ਦੇ ਚਲਦੇ ਪੂਰੀ ਦੁਨਿਆ ਚ ਹਾਹਾਕਾਰ ਮਚੀ ਹੋਈ ਹੈ। ਦੇਸ਼ ਵਿਚ ਲਾਕਡਾਊਨ ਹੋਏ ਇਕ ਮਹੀਨੇ ਤੋਂ ਵੱਧ ਦਾ ਸਮਾਂ ਹੋ ਗਿਆ ਹੈ। ਇਸ ਦੌਰਾਨ ਵੱਡੀ ਗਿਣਤੀ ਵਿਚ ਦਿਹਾੜੀਦਾਰ ਅਤੇ ਮਜ਼ਦੂਰ ਰੋਜੀ ਰੋਟੀ ਤੋਂ ਵੀ ਵਾਂਝੇ ਹੋ ਚੁਕੇ ਹਨ।ਇਸ ਵਿਚਾਲੇ ਗੁਰੂ ਘਰਾਂ ਵਿਚ ਮਨੁੱਖਤਾ ਦੀ ਸੇਵਾ ਲਈ ਦਿਨ ਰਾਤ ਸੇਵੀ ਨਿਭਾਈ ਜਾ ਰਹੀ ਹੈ।

ਦਿੱਲੀ ਦੇ ਬੰਗਲਾ ਸਾਹਿਬ ਗੁਰਦਵਾਰੇ ਤੋਂ ਲੰਗਰ ਤਿਆਰ ਕਰ ਜ਼ਰੂਰਤਮੰਦਾਂ ਤੱਕ ਪਹੁੰਚਾਇਆ ਜਾਂਦਾ ਹੈ ਤਾਂ ਜੋ ਕੋਈ ਭੁੱਖਾ ਨਾ ਸੋਵੇ।ਅਜਿਹੇ ਸੇਵਾਦਾਰਾਂ ਦਾ ਧੰਨਵਾਦ ਦਿੱਲੀ ਪੁਲਿਸ ਨੇ ਅਨੋਖੇ ਤਰੀਕੇ ਨਾਲ ਕੀਤਾ।ਡੀਸੀਪੀ ਈਸ਼ ਸਿੰਘਲ ਦੀ ਅਗਵਾਈ ਚ ਗੱਡੀਆਂ ਅਤੇ ਬਾਈਕਾਂ ਚ ਸਵਾਰ ਹੋ ਕੇ ਗੁਰਦਵਾਰਾ ਸਾਹਿਬ ਦੇ ਬਾਹਰ ਪਰਿਕ੍ਰਮਾ ਕਰ ਸੇਵਾਦਾਰਾਂ ਦਾ ਸ਼ੁਕਰੀਆ ਅਦਾ ਕੀਤਾ ਗਿਆ।

ਸੇਵਾਦਾਰਾਂ ਦੇ ਜਜ਼ਬੇ ਨੂੰ ਸਲਾਮ ਕਰਨ ਲਈ ਦਿੱਲੀ ਪੁਲਿਸ ਵੱਲੋਂ ਕੀਤੇ ਇਸ ਉਪਰਾਲੇ ਦੀ ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੇ ਸ਼ਲਾਘਾ ਕੀਤੀ। ਸਿਰਸਾ ਮੁਤਾਬਿਕ ਲਾਕਡਾਊਨ ਤੋਂ ਬਾਅਦ ਹਾਲੇ ਤੱਕ ਲੱਖਾਂ ਲੋੜਵੰਦਾਂ ਤੱਕ ਲੰਗਰ ਪਹੁੰਚਾਇਆ ਜਾ ਚੁਕਿਆ ਹੈ ਅਤੇ ਗੁਰੂ ਸਾਹਿਬ ਦੀ ਕ੍ਰਿਪਾ ਸਦਕਾ ਇਹ ਸੇਵਾ ਜਾਰੀ ਹੈ।

ਇਸ ਮਹਾਂਮਾਰੀ ਕਾਰਨ ਸਭ ਤੋਂ ਬੁਰਾ ਹਾਲ ਗਰੀਬ ਅਤੇ ਜ਼ਰੂਰਤਮੰਦਾਂ ਦਾ ਹੋ ਰਿਹਾ ਹੈ ਜਿਨ੍ਹਾਂ ਨੂੰ ਦੋ ਵਕਤ ਦੀ ਰੋਟੀ ਦਾ ਜੁਗਾੜ ਕਰਨਾ ਵੀ ਮੁਸ਼ਕਿਲ ਹੋ ਚੁਕਿਆ ਹੈ।ਅਜਿਹੇ ਵਿਚ ਗੁਰੂ ਘਰਾਂ ਵੱਲੋਂ ਇਨ੍ਹਾਂ ਤੱਕ ਲੰਗਰ ਪਹੁੰਚਾਣ ਦੀ ਸੇਵਾ ਪਹਿਲੀ ਪਾਤਸ਼ਾਹੀ ਦੇ ਕਿਰਤ ਕਰੋ ਨਾਮ ਜਪੋ ਅਤੇ ਵੰਡ ਛਕੋ ਦੇ ਸੁਨੇਹੇ ਨੂੰ ਸਹੀ ਮਾਇਨੇ ਚ ਪੂਰਾ ਕਰ ਰਹੀ ਹੈ।