ਲਾੜੇ ਤੋਂ ਪਹਿਲਾਂ ਲਾੜੀ ਚੜ੍ਹੀ ਘੋੜੀ, ਵੇਖੋ ਵਿਆਹ ਮੌਕੇ ਜਸ਼ਨਾਂ ਦੀਆਂ ਤਸਵੀਰਾਂ...

NCR ਦੇ ਗਾਜ਼ੀਆਬਾਦ ਜ਼ਿਲ੍ਹੇ ਦੇ ਸਾਹਿਬਾਬਾਦ ਇਲਾਕੇ 'ਚ ਇਕ ਪਰਿਵਾਰ ਨੇ ਆਪਣੀ ਬੇਟੀ ਦੀ ਉਹ ਇੱਛਾ ਪੂਰੀ ਕਰ ਦਿੱਤੀ, ਜੋ ਉਹ ਬਚਪਨ ਤੋਂ ਚਾਹੁੰਦੀ ਸੀ। ਪਰਿਵਾਰ ਨੇ ਵਿਆਹ ਤੋਂ ਇੱਕ ਦਿਨ ਪਹਿਲਾਂ ਧੀ ਨੂੰ ਘੋੜੀ ਚੜ੍ਹਾਇਆ। ਇੰਨਾ ਹੀ ਨਹੀਂ ਪੂਰੇ ਪਰਿਵਾਰ ਨੇ ਬੈਂਡ ਵਾਜੇ ਨਾਲ ਡਾਂਸ ਕੀਤਾ। ਸ਼ਹਿਰ ਵਿੱਚ ਇਹ ਪਹਿਲਾ ਮਾਮਲਾ ਸੀ ਜਦੋਂ ਲਾੜੀ ਨੇ ਲਾੜੇ ਤੋਂ ਪਹਿਲਾਂ ਘੋੜ ਚੜ੍ਹਾਈ ਦੀ ਰਸਮ ਪੂਰੀ ਕੀਤੀ। ਘੋੜੀ 'ਤੇ ਸਵਾਰ ਲਾੜੀ ਦਾ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਿਹਾ ਹੈ।

ਇਹ ਸਾਰਾ ਮਾਮਲਾ ਸਾਹਿਬਾਬਾਦ ਥਾਣਾ ਖੇਤਰ ਦੇ ਰਾਜੇਂਦਰ ਨਗਰ ਸੈਕਟਰ-3 ਦਾ ਹੈ, ਜਿੱਥੇ ਪ੍ਰਮੇਂਦਰ ਸ਼ਰਮਾ ਨੇ ਆਪਣੀ ਬੇਟੀ ਖੁਸ਼ੀ ਨੂੰ ਘੋੜਸਵਾਰੀ ਕਰਵਾਈ। ਪਿਤਾ ਨੇ ਦੱਸਿਆ ਕਿ ਖੁਸ਼ੀ ਨੂੰ ਬਚਪਨ ਤੋਂ ਹੀ ਆਪਣੇ ਵਿਆਹ ਵਿੱਚ ਘੋੜ ਸਵਾਰੀ ਕਰਵਾਉਣ ਦੀ ਇੱਛਾ ਸੀ। ਜਿਸ ਨੂੰ ਦੇਖ ਕੇ ਪਰਿਵਾਰਕ ਮੈਂਬਰਾਂ ਨੇ ਇਹ ਸਭ ਕੀਤਾ।

ਪਿਤਾ ਪ੍ਰਮੇਂਦਰ ਸ਼ਰਮਾ ਨੇ ਦੱਸਿਆ ਕਿ ਸ਼ੁੱਕਰਵਾਰ ਯਾਨੀ 2 ਦਸੰਬਰ ਨੂੰ ਖੁਸ਼ੀ ਦਾ ਵਿਆਹ IGL 'ਚ ਕੰਮ ਕਰਦੇ ਸ਼ਿਵਮ ਨਾਲ ਹੋਣਾ ਹੈ। ਖੁਸ਼ੀ ਨੇ ਘੋੜ ਸਵਾਰੀ ਦੀ ਇੱਛਾ ਜ਼ਾਹਰ ਕੀਤੀ ਅਤੇ ਉਹ ਇਨਕਾਰ ਨਹੀਂ ਕਰ ਸਕੇ। ਵੀਰਵਾਰ ਨੂੰ ਘੋੜ ਸਵਾਰੀ ਦੀ ਰਸਮ ਧੂਮ-ਧਾਮ ਨਾਲ ਨਿਭਾਈ ਗਈ। ਇਸ ਦੌਰਾਨ ਦੁਲਹਨ ਬਣਨ ਜਾ ਰਹੀ ਖੁਸ਼ੀ ਵੀ ਕਾਫੀ ਖੁਸ਼ ਨਜ਼ਰ ਆ ਰਹੀ ਸੀ।

ਦੂਜੇ ਪਾਸੇ ਖੁਸ਼ੀ ਨੇ ਦੱਸਿਆ ਕਿ 10 ਸਾਲ ਪਹਿਲਾਂ ਜਦੋਂ ਉਸ ਨੇ ਆਪਣੀ ਹੋਣ ਵਾਲੀ ਮਾਮੀ ਦੀ ਘੋੜ ਸਵਾਰੀ ਦੇਖੀ ਤਾਂ ਉਸ ਦੀ ਵੀ ਇਹ ਇੱਛਾ ਜਾਗੀ ਸੀ। ਉਸ ਨੇ ਦੱਸਿਆ ਕਿ ਜਦੋਂ ਉਸ ਨੇ ਇਹ ਗੱਲ ਪਰਿਵਾਰ ਵਾਲਿਆਂ ਨੂੰ ਦੱਸੀ ਤਾਂ ਉਹ ਤੁਰੰਤ ਤਿਆਰ ਹੋ ਗਏ। ਖੁਸ਼ੀ ਨੇ ਕਿਹਾ ਕਿ ਉਸ ਨੇ ਇਹ ਮਿੱਥ ਵੀ ਤੋੜ ਦਿੱਤੀ ਕਿ ਸਿਰਫ਼ ਲੜਕੇ ਹੀ ਸਵਾਰੀ ਕਰਦੇ ਹਨ। ਖੁਸ਼ੀ ਮੇਰਠ ਤੋਂ ਬੀ.ਟੈਕ ਕਰ ਰਹੀ ਹੈ।

ਖੁਸ਼ੀ ਦੀ ਘੋੜ ਸਵਾਰੀ ਬਾਰੇ ਸੁਣ ਕੇ ਰਿਸ਼ਤੇਦਾਰਾਂ ਦੇ ਨਾਲ-ਨਾਲ ਗੁਆਂਢੀ ਵੀ ਹੈਰਾਨ ਰਹਿ ਗਏ। ਪਰ ਜਦੋਂ ਸਮਾਗਮ ਸ਼ੁਰੂ ਹੋਇਆ ਤਾਂ ਸਾਰਿਆਂ ਨੇ ਖੂਬ ਆਨੰਦ ਮਾਣਿਆ।