PHOTOS- JCB ਉਤੇ ਬਰਾਤ ਲੈ ਕੇ ਪਹੁੰਚਿਆ ਲਾੜਾ, ਵਿਆਹ ਦੀ ਵੀਡੀਓ ਹੋਈ ਵਾਇਰਲ

ਗੁਜਰਾਤ ਦੇ ਨਵਸਾਰੀ ਜ਼ਿਲ੍ਹੇ ਦੇ ਚਿਖਲੀ ਤਾਲੁਕਾ ਦੇ ਕਲਿਆਰੀ ਪਿੰਡ ਵਿਚ ਇਕ ਬਰਾਤ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਇੱਥੇ ਕੇਯੂਰ ਪਟੇਲ ਨਾਮ ਦੇ ਲਾੜੇ ਦਾ ਵਿਆਹ ਇਲਾਕੇ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਜਿੱਥੇ ਲੋਕ ਆਮ ਤੌਰ 'ਤੇ ਲਗਜ਼ਰੀ ਕਾਰਾਂ ਜਾਂ ਹੋਰ ਸਾਧਨਾਂ 'ਚ ਬਰਾਤ ਲੈ ਕੇ ਜਾਂਦੇ ਹਨ, ਉੱਥੇ ਇਹ ਲਾੜਾ ਜੇ.ਸੀ.ਬੀ 'ਚ ਵਿਆਹ ਕਰਵਾਉਣ ਪਹੁੰਚਿਆ।

ਜੇਸੀਬੀ ਮਸ਼ੀਨ ਨੂੰ ਫੁੱਲਾਂ ਨਾਲ ਸਜਾਇਆ ਗਿਆ। ਢੋਲ ਅਤੇ ਡੀਜੇ ਦੀ ਧੁਨ 'ਤੇ ਨੱਚਦਾ ਹੋਇਆ ਲਾੜਾ ਬਰਾਤ ਲੈ ਕੇ ਪਹੁੰਚਿਆ।

ਜਦੋਂ ਲਾੜਾ ਜੇਸੀਬੀ ਵਿਚ ਸਵਾਰ ਹੋ ਕੇ ਬਾਹਰ ਆਇਆ ਤਾਂ ਰਾਹਗੀਰ ਦੇਖ ਕੇ ਹੈਰਾਨ ਸਨ। ਜਦੋਂ ਲਾੜਾ ਬਰਾਤ ਲੈ ਕੇ ਮੈਰਿਜ ਹਾਲ 'ਚ ਪਹੁੰਚਿਆ ਤਾਂ ਹਰ ਕਿਸੇ ਦਾ ਧਿਆਨ ਖਿੱਚਿਆ।

ਨਵਸਾਰੀ ਦੇ ਚਿਖਲੀ ਦੇ ਕੇਯੂਰ ਪਟੇਲ ਨੇ ਕੁਝ ਸਮਾਂ ਪਹਿਲਾਂ ਸੋਸ਼ਲ ਮੀਡੀਆ 'ਤੇ ਪੰਜਾਬ 'ਚ ਇਕ ਵਿਆਹ ਦੀ ਵੀਡੀਓ ਦੇਖੀ ਸੀ, ਜਿਸ 'ਚ ਲਾੜਾ ਜੇਸੀਬੀ 'ਚ ਵਿਆਹ ਲਈ ਪਹੁੰਚਿਆ ਸੀ। ਇਸ ਵੀਡੀਓ ਨੂੰ ਦੇਖ ਕੇ ਹੀ ਕੇਯੂਰ ਪਟੇਲ ਨੇ ਜੇਸੀਬੀ ਰਾਹੀਂ ਬਰਾਤ ਲਿਜਾਉਣ ਦਾ ਫੈਸਲਾ ਕੀਤਾ।

ਆਮ ਤੌਰ 'ਤੇ ਜਿੱਥੇ ਲਾੜਾ ਕਾਰ ਵਿੱਚ ਬਰਾਤ ਲੈ ਕੇ ਜਾਂਦਾ ਹੈ, ਉਥੇ ਹੀ ਹੈਲੀਕਾਪਟਰ 'ਚ ਪਹੁੰਚੇ ਲਾੜੇ ਦੀਆਂ ਵੀਡੀਓਜ਼ ਸਾਹਮਣੇ ਆ ਰਹੀਆਂ ਹਨ। ਹੁਣ ਜੇਸੀਬੀ ਵੀ ਇਸ ਵਿੱਚ ਸ਼ਾਮਲ ਹੋ ਗਈ ਹੈ।

JCB 'ਚ ਬਰਾਤ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਇਹ ਵਿਆਹ ਪੂਰੇ ਇਲਾਕੇ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।