PM Modi Italy Visit: ਪੀਐਮ ਮੋਦੀ ਅਤੇ ਪੋਪ ਫਰਾਂਸਿਸ ਨੇ ਇੱਕ ਦੂਜੇ ਨੂੰ ਦਿੱਤੇ ਖਾਸ ਤੋਹਫੇ, ਦੇਖੋ ਤਸਵੀਰਾਂ

ਇਸ ਮੁਲਾਕਾਤ ਦੌਰਾਨ ਉਨ੍ਹਾਂ ਨੂੰ ਵਿਸ਼ੇਸ਼ ਤੌਰ 'ਤੇ ਬਣੀ ਸਿਲਵਰ ਕੈਂਡਿਲੇਬ੍ਰਮ (ਮੋਮਬੱਤੀ ਰੱਖਣ ਦਾ ਹੋਲਡਰ) ਅਤੇ ਭਾਰਤ ਦੇ ਜਲਵਾਯੂ 'ਤੇ ਪਹਿਲਕਦਮੀ 'ਤੇ ਲਿਖੀ ਗਈ ਕਿਤਾਬ ਭੇਂਟ ਕੀਤੀ ਗਈ। ਪੀਐਮ ਮੋਦੀ ਨੇ 84 ਸਾਲਾ ਪੋਪ ਨੂੰ ਦੱਸਿਆ ਕਿ ਇਹ ਕੈਂਡਿਲੇਬ੍ਰਮ ਵਿਸ਼ੇਸ਼ ਤੌਰ 'ਤੇ ਤਿਆਰ ਕੀਤੀ ਗਈ ਹੈ ਅਤੇ ਇਹ ਕਿਤਾਬ ਜਲਵਾਯੂ ਤਬਦੀਲੀ 'ਤੇ ਹੈ, ਜੋ ਉਨ੍ਹਾਂ ਦੇ ਦਿਲ ਦੇ ਕਰੀਬ ਹੈ।

ਵੈਟੀਕਨ ਅਖਬਾਰ ਦੀ ਰਿਪੋਰਟ ਮੁਤਾਬਕ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲਗਭਗ ਇਕ ਘੰਟੇ ਤੱਕ ਚੱਲੀ ਇਸ ਬੈਠਕ ਦੌਰਾਨ ਰੋਮਨ ਕੈਥੋਲਿਕ ਚਰਚ ਦੇ ਮੁਖੀ ਨੂੰ ਖਾਸ ਤੌਰ 'ਤੇ ਸਿਲਵਰ ਕੈਂਡਿਲੇਬ੍ਰੇਮ ਅਤੇ 'ਦਿ ਕਲਾਈਮੇਟ ਕਲਾਈਮਬ: ਇੰਡੀਆਜ਼ ਸਟ੍ਰੈਟਜੀ, ਐਕਸ਼ਨ ਐਂਡ ਅਚੀਵਮੈਂਟ' ਨਾਂ ਦੀ ਕਿਤਾਬ ਭੇਂਟ ਕੀਤੀ।

ਪੋਪ ਨੇ ਪੀਐਮ ਮੋਦੀ ਨੂੰ ਕਾਂਸੀ ਦਾ ਇੱਕ ਪੱਤਰ ਵੀ ਤੋਹਫ਼ੇ ਵਿੱਚ ਦਿੱਤਾ। ਇਸ ਕਾਂਸੀ ਦੇ ਪੱਤਰ 'ਤੇ ਲਿਖਿਆ ਹੈ, 'ਰੇਗਿਸਤਾਨ ਗਾਰਡਨ ਬਣੇਗਾ, ਪੋਪ ਨਾਲ ਸਬੰਧਤ ਦਸਤਾਵੇਜ਼ਾਂ ਦੇ ਖੰਡ, ਵਿਸ਼ਵ ਸ਼ਾਂਤੀ ਲਈ ਉਨ੍ਹਾਂ ਦਾ ਸੰਦੇਸ਼ ਅਤੇ ਮੁੱਖ ਇਮਾਮ ਅਲ ਅਜ਼ਹਰ ਦੁਆਰਾ 4 ਫਰਵਰੀ 2019 ਨੂੰ ਹਸਤਾਖਰ ਕੀਤੇ ਮਨੁੱਖੀ ਭਾਈਚਾਰੇ ਨਾਲ ਸਬੰਧਤ ਦਸਤਾਵੇਜ਼ ਦੀ ਕਾਪੀ ਪੇਸ਼ ਕੀਤੀ ਹੈ।

ਪੀਐਮ ਮੋਦੀ ਪਹਿਲੇ ਭਾਰਤੀ ਪ੍ਰਧਾਨ ਮੰਤਰੀ ਹਨ, ਜਿਨ੍ਹਾਂ 2013 ਵਿੱਚ ਪੋਪ ਬਣਨ ਤੋਂ ਬਾਅਦ ਪੋਪ ਫਰਾਂਸਿਸ ਨਾਲ ਮੁਲਾਕਾਤ ਕੀਤੀ ਹੈ। ਪਿਛਲੇ ਦੋ ਦਹਾਕਿਆਂ ਵਿੱਚ ਪੋਪ ਨਾਲ ਕਿਸੇ ਭਾਰਤੀ ਪ੍ਰਧਾਨ ਮੰਤਰੀ ਦੀ ਇਹ ਪਹਿਲੀ ਮੁਲਾਕਾਤ ਹੈ।

ਇਸ ਤੋਂ ਪਹਿਲਾਂ ਜੂਨ 2000 ਵਿੱਚ ਤਤਕਾਲੀ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਾਈ ਨੇ ਵੈਟੀਕਨ ਵਿੱਚ ਤਤਕਾਲੀ ਪੋਪ ਜੌਹਨ ਪਾਲ ਦੂਜੇ ਨਾਲ ਮੁਲਾਕਾਤ ਕੀਤੀ ਸੀ।

ਗੌਰਤਲਬ ਹੈ ਕਿ ਭਾਰਤ ਅਤੇ ਵੈਟੀਕਨ ਦਰਮਿਆਨ ਕੂਟਨੀਤਕ ਸਬੰਧ ਸਾਲ 1948 ਵਿੱਚ ਸਥਾਪਿਤ ਹੋਏ ਸਨ ਅਤੇ ਉਦੋਂ ਤੋਂ ਹੀ ਦੋਵਾਂ ਦੇਸ਼ਾਂ ਦੇ ਦੋਸਤਾਨਾ ਸਬੰਧ ਹਨ। ਭਾਰਤ ਕੈਥੋਲਿਕ ਈਸਾਈਆਂ ਦੀ ਸਭ ਤੋਂ ਵੱਡੀ ਆਬਾਦੀ ਵਾਲਾ ਏਸ਼ੀਆ ਦਾ ਦੂਜਾ ਦੇਸ਼ ਹੈ। (ਫੋਟੋ ਕ੍ਰੈਡਿਟ: News18English and Twitter/@inesanma)