FASTag ਰੀਚਾਰਜ ਕਰਵਾਉਣ ਲਈ ਇੰਟਰਨੈੱਟ ਤੋਂ ਕੱਢਿਆ ਨੰਬਰ, ਖਾਤੇ 'ਚੋਂ ਗਾਇਬ ਹੋਏ 1 ਲੱਖ

ਕਰਨਾਟਕ ਤੋਂ ਹਾਲ ਹੀ ਵਿੱਚ ਸਾਹਮਣੇ ਆਏ ਮਾਮਲੇ ਵਿੱਚ ਇੱਕ ਵਿਅਕਤੀ ਨੂੰ ਲਗਭਗ 1 ਲੱਖ ਰੁਪਏ ਦੀ ਠੱਗੀ ਵੱਜੀ । ਘਟਨਾ ਉਦੋਂ ਵਾਪਰੀ ਜਦੋਂ ਵਿਅਕਤੀ ਨੇ ਫਾਸਟੈਗ ਰੀਚਾਰਜ ਕਰਨ ਲਈ ਹੈਲਪਲਾਈਨ ਨੰਬਰ 'ਤੇ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ।

29 ਜਨਵਰੀ ਨੂੰ ਉਡੁਪੀ ਦੇ ਬ੍ਰਹਮਾਵਾਰਾ ਦਾ ਰਹਿਣ ਵਾਲਾ ਫਰਾਂਸਿਸ ਪਿਅਸ ਆਪਣੀ ਕਾਰ ਵਿੱਚ ਮੰਗਲੁਰੂ ਜਾ ਰਿਹਾ ਸੀ। ਜਦੋਂ ਫ੍ਰਾਂਸਿਸ ਹੇਜਾਮਾਦੀ ਦੇ ਇੱਕ ਟੋਲ ਪਲਾਜ਼ਾ 'ਤੇ ਪਹੁੰਚਿਆ, ਤਾਂ ਉਸਨੂੰ ਅਹਿਸਾਸ ਹੋਇਆ ਕਿ ਉਸਦੇ ਫਾਸਟੈਗ ਕਾਰਡ ਵਿੱਚ ਬੈਲੇਂਸ ਘੱਟ ਹੈ ਅਤੇ ਉਸਨੂੰ ਰੀਚਾਰਜ ਦੀ ਲੋੜ ਹੈ।

ਇਸ ਤੋਂ ਬਾਅਦ ਫਰਾਂਸਿਸ ਨੇ ਇੰਟਰਨੈੱਟ 'ਤੇ ਹੈਲਪਲਾਈਨ ਨੰਬਰ ਸਰਚ ਕੀਤਾ। ਉਸਨੂੰ ਫਾਸਟੈਗ ਹੈਲਪਲਾਈਨ ਤੋਂ ਸੂਚੀਬੱਧ ਇੱਕ ਨੰਬਰ ਮਿਲਿਆ। ਫਿਰ ਉਸ ਨੇ ਇਸ ਨੰਬਰ 'ਤੇ ਕਾਲ ਕੀਤੀ। ਦਿ ਨਿਊ ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਦੇ ਮੁਤਾਬਕ, ਕਾਲ 'ਤੇ ਠੱਗ ਨੇ ਖੁਦ ਨੂੰ ਪੇਟੀਐਮ ਫਾਸਟੈਗ ਦਾ ਪ੍ਰਤੀਨਿਧੀ ਦੱਸਿਆ ਅਤੇ ਮਦਦ ਕਰਨ ਦਾ ਭਰੋਸਾ ਦਿੱਤਾ। ਪਰ, ਅਸਲ ਵਿੱਚ ਅਜਿਹਾ ਨਹੀਂ ਸੀ।

ਇਸ ਤੋਂ ਬਾਅਦ ਕਾਲ 'ਤੇ ਮੌਜੂਦ ਠੱਗ ਨੇ ਫਰਾਂਸਿਸ ਨੂੰ ਮੋਬਾਈਲ 'ਤੇ ਮਿਲੇ ਓਟੀਪੀ ਨੂੰ ਸਾਂਝਾ ਕਰਨ ਲਈ ਕਿਹਾ। ਇਸ 'ਤੇ ਫਰਾਂਸਿਸ ਨੇ ਦਿੱਤੇ ਨਿਰਦੇਸ਼ਾਂ ਦਾ ਪਾਲਣ ਕੀਤਾ ਅਤੇ ਓਟੀਪੀ ਸਾਂਝਾ ਕੀਤਾ। ਇਸ ਦੇ ਕੁਝ ਹੀ ਮਿੰਟਾਂ ਵਿੱਚ ਫਰਾਂਸਿਸ ਨੂੰ ਲੈਣ-ਦੇਣ ਦੇ ਕਈ ਸੰਦੇਸ਼ ਮਿਲੇ।

ਸਭ ਤੋਂ ਪਹਿਲਾਂ ਉਸ ਨੂੰ ਖਾਤੇ ਵਿੱਚੋਂ 49,000 ਰੁਪਏ ਕੱਟਣ ਦਾ ਸੁਨੇਹਾ ਮਿਲਿਆ। ਇਸ ਤੋਂ ਬਾਅਦ ਖਾਤੇ 'ਚੋਂ 19,999 ਰੁਪਏ, 19,998 ਰੁਪਏ, 9,999 ਰੁਪਏ ਅਤੇ 1,000 ਰੁਪਏ ਕੱਟੇ ਗਏ। ਇਸ ਤਰ੍ਹਾਂ ਫਰਾਂਸਿਸ ਦੇ ਖਾਤੇ 'ਚੋਂ ਕੁੱਲ 99,997 ਰੁਪਏ ਕਢਵਾਏ ਗਏ।

ਜਦੋਂ ਫਰਾਂਸਿਸ ਨੂੰ ਅਹਿਸਾਸ ਹੋਇਆ ਕਿ ਉਸ ਨੂੰ ਧੋਖਾ ਦਿੱਤਾ ਗਿਆ ਹੈ। ਫਿਰ ਉਹ Udupi CENਥਾਣੇ ਗਿਆ ਅਤੇ ਕੇਸ ਦਰਜ ਕਰਵਾਇਆ। ਰਿਪੋਰਟ ਵਿੱਚ, ਉਸਨੇ ਖੁਲਾਸਾ ਕੀਤਾ ਕਿ ਠੱਗ ਨੇ ਉਸਨੂੰ ਇੱਕ ਸ਼ੱਕੀ ਐਪ ਵੀ ਡਾਊਨਲੋਡ ਕਰਨ ਲਈ ਕਿਹਾ ਸੀ। ਅਜਿਹੇ 'ਚ ਇੰਟਰਨੈੱਟ ਤੋਂ ਹੈਲਪਲਾਈਨ ਨੰਬਰ ਸਰਚ ਕਰਦੇ ਸਮੇਂ ਸਾਵਧਾਨ ਰਹਿਣਾ ਚਾਹੀਦਾ ਹੈ। ਨਾਲ ਹੀ, OTP ਆਦਿ ਨੂੰ ਕਿਸੇ ਨਾਲ ਸਾਂਝਾ ਨਹੀਂ ਕਰਨਾ ਚਾਹੀਦਾ।