ਸੋਨੀਪਤ : ਹਰਿਆਣਾ ਦੇ ਸੋਨੀਪਤ ਜ਼ਿਲ੍ਹੇ ਵਿਚ ਸਥਿਤ ਮੁਰਥਲ ਦੇ ਢਾਬਿਆਂ ਵਿਚ ਦੇਹ ਵਪਾਰ ਦੇ ਧੰਦੇ ਪਰਦਾਫਾਸ਼ ਕੀਤਾ ਗਿਆ ਹੈ। ਮੁੱਖ ਮੰਤਰੀ ਫਲਾਇੰਗ ਸਕੁਐਡ ਦੀ ਟੀਮ ਨੇ ਸਥਾਨਕ ਪੁਲਿਸ ਅਤੇ ਐਸਡੀਐਮ ਦੇ ਨਾਲ ਮਿਲ ਕੇ 12 ਲੜਕੀਆਂ ਨੂੰ 25 ਲੋਕਾਂ ਸਮੇਤ ਗ੍ਰਿਫਤਾਰ ਕੀਤਾ ਹੈ। ਉਨ੍ਹਾਂ ਵਿੱਚ ਤਿੰਨ ਵਿਦੇਸ਼ੀ ਲੜਕੀਆਂ ਵੀ ਸ਼ਾਮਲ ਹਨ। 12 ਲੜਕੀਆਂ ਅਤੇ 3 ਨੌਜਵਾਨ ਵੇਸਵਾਗਮਨੀ ਵਿੱਚ ਅਤੇ 9 ਨੌਜਵਾਨ ਜੂਆ ਖੇਡਦੇ ਫੜੇ ਗਏ। ਜੂਆ ਖੇਡਦੇ ਫੜੇ ਗਏ ਨੌਜਵਾਨਾਂ ਤੋਂ 1.63 ਲੱਖ ਰੁਪਏ ਬਰਾਮਦ ਕੀਤੇ ਗਏ ਹਨ। ਦੱਸ ਦੇਈਏ ਕਿ ਮੁਰਥਲ ਵਿੱਚ ਮੁੱਖ ਮੰਤਰੀ ਫਲਾਇੰਗ ਸਕੁਐਡ ਦੀ ਟੀਮ ਨੂੰ ਢਾਬਿਆਂ ਤੇ ਵੇਸਵਾਗਮਨੀ, ਨਸ਼ਾ ਵੇਚਣ ਦੇ ਨਾਲ ਨਾਲ ਜੂਆ ਖੇਡਣ ਬਾਰੇ ਜਾਣਕਾਰੀ ਮਿਲੀ। ਜਿਸ ਦੇ ਅਧਾਰ 'ਤੇ ਬੁੱਧਵਾਰ ਰਾਤ 9.30 ਵਜੇ ਡੀਐਸਪੀ ਅਜੀਤ ਸਿੰਘ ਦੀ ਅਗਵਾਈ ਹੇਠ ਮੁਰਥਲ ਦੇ ਢਾਬਿਆਂ ' ਤੇ ਛਾਪੇਮਾਰੀ ਕੀਤੀ ਗਈ। 9 ਵੱਖ-ਵੱਖ ਟੀਮਾਂ ਨੇ ਰਾਤ ਕਰੀਬ 9 ਵਜੇ ਢਾਬਿਆਂ 'ਤੇ ਛਾਪਾ ਮਾਰਿਆ। ਕਾਰਵਾਈ ਦੌਰਾਨ ਸਥਾਨਕ ਪੁਲਿਸ ਅਤੇ ਐਸਡੀਐਮ ਸੋਨੀਪਤ ਵੀ ਉਸਦੇ ਨਾਲ ਸਨ। ਟੀਮ ਨੇ ਮੁਰਥਲ ਵਿਚ ਹੈਪੀ, ਰਾਜਾ ਅਤੇ ਹੋਟਲ ਵੈਸਟ ਢਾਬਿਆਂ 'ਤੇ ਛਾਪਾ ਮਾਰਿਆ ਅਤੇ 12 ਲੜਕੀਆਂ ਅਤੇ ਤਿੰਨ ਨੌਜਵਾਨਾਂ ਨੂੰ ਫੜ ਲਿਆ। ਸਾਰਿਆਂ ਨੂੰ ਦੇਹ ਵਪਾਰ ਦੇ ਧੰਦੇ ਵਿੱਚ ਕਾਬੂ ਕੀਤਾ ਗਿਆ। ਨੌਂ ਲੜਕੀਆਂ ਦਿੱਲੀ ਦੀਆਂ ਹਨ, ਤਿੰਨ ਲੜਕੀਆਂ ਉਜ਼ਬੇਕਿਸਤਾਨ, ਤੁਰਕੀ ਅਤੇ ਰੂਸ ਦੀਆਂ ਹਨ। ਬ੍ਰਾਊਨ ਸਟੋਨ ਢਾਬੇ 'ਤੇ ਇਕ ਟੀਮ ਨੇ ਛਾਪਾ ਮਾਰਿਆ। ਉਥੋਂ ਨੌਂ ਜਵਾਨ ਜੂਆ ਖੇਡਦੇ ਫੜੇ ਗਏ। ਫੜੇ ਗਏ ਨੌਜਵਾਨ ਸੋਨੀਪਤ, ਦਿੱਲੀ ਅਤੇ ਯੂਪੀ ਦੇ ਦੱਸੇ ਜਾ ਰਹੇ ਹਨ। ਕਾਰਵਾਈ ਦੌਰਾਨ ਪੁਲਿਸ ਟੀਮਾਂ ਨੂੰ ਨੌਂ ਢਾਬਿਆਂ ਤੇ ਤਾਇਨਾਤ ਕੀਤਾ ਗਿਆ ਸੀ। ਇਹ ਕਾਰਵਾਈ ਦੇਰ ਰਾਤ ਚੋਂ ਚੱਲ ਰਹੀ ਹੈ।
