Radhika Merchant Arangetram: ਸਲਮਾਨ, ਰਣਵੀਰ ਸਣੇ ਬਾਲੀਵੁੱਡ ਦੀਆਂ ਵੱਡੀਆਂ ਸ਼ਖਸੀਅਤਾਂ ਹੋਈਆਂ ਰਾਧਿਕਾ ਮਰਚੈਂਟ Arangetram 'ਚ ਸ਼ਾਮਲ

Radhika Merchant Arangetram: ਭਾਰਤ ਦਾ ਸਭ ਤੋਂ ਅਮੀਰ ਪਰਿਵਾਰ, ਅੰਬਾਨੀ ਆਪਣੀ ਹੋਣ ਵਾਲੀ ਨੂੰਹ, ਰਾਧਿਕਾ ਮਰਚੈਂਟ ਲਈ ਲਗਭਗ ਦੋ ਸਾਲਾਂ ਬਾਅਦ ਸਭ ਤੋਂ ਵੱਡੀ ਰਾਤ ਦੀ ਮੇਜ਼ਬਾਨੀ ਕਰਨ ਲਈ ਤਿਆਰ ਹਨ। ਪਰਿਵਾਰ ਨੇ ਜੀਓ ਵਰਲਡ ਸੈਂਟਰ ਦੇ ਗ੍ਰੈਂਡ ਥੀਏਟਰ ਵਿੱਚ ਇੱਕ ਆਰੇਂਗੇਟਰਾਮ ਸਮਾਰੋਹ ਦੀ ਮੇਜ਼ਬਾਨੀ ਕੀਤੀ। ਇਸ ਪ੍ਰੋਗਰਾਮ ਲਈ ਬਾਲੀਵੁੱਡ ਦੀਆਂ ਵੱਡੀਆਂ ਸਖ਼ਸੀਅਤਾਂ ਨੂੰ ਵੀ ਸੱਦਾ ਦਿੱਤਾ ਗਿਆ।

ਆਪਣੀ ਹੋਣ ਵਾਲੀ ਨੂੰਹ ਲਈ ਰੱਖੇ ਗਏ ਇਸ ਖ਼ਾਸ ਪ੍ਰੋਗਰਾਮ ਵਿੱਚ ਮੁਕੇਸ਼ ਅੰਬਾਨੀ ਆਪਣੀ ਪਤਨੀ ਅਨੀਤਾ ਅੰਬਾਨੀ ਨਾਲ ਖਾਸ ਤੌਰ 'ਤੇ ਸਜ-ਧੱਜ ਕੇ ਪੁੱਜੇ ਸਨ। ਉਨ੍ਹਾਂ ਨੇ ਭੂਰੇ ਰੰਗ ਦਾ ਕੋਟ ਪਹਿਨਿਆ ਹੋਇਆ ਸੀ, ਜਦਕਿ ਅਨੀਤਾ ਅੰਬਾਨੀ ਨੇ ਖ਼ਾਸ ਤੌਰ 'ਤੇ ਸੰਤਰੀ ਰੰਗ ਦੀ ਸਾੜੀ ਪਹਿਨੀ ਹੋਈ ਸੀ।

ਪ੍ਰੋਗਰਾਮ ਵਿੱਚ ਆਕਾਸ਼ ਅੰਬਾਨੀ ਨੇ ਖ਼ਾਸ ਨੀਲੇ ਰੰਗ ਦੇ ਸੂਟ ਪਾਇਆ ਹੋਇਆ ਸੀ ਅਤੇ ਉਨ੍ਹਾਂ ਨਾਲ ਸ਼ਲੋਕਾ ਮਹਿਤਾ, ਵੀਰੇਨ ਮਰਚੈਂਟ ਵੀ ਹਾਜ਼ਰ ਸਨ।

ਵਿਸ਼ੇਸ਼ ਸੱਦੇ 'ਤੇ ਪੁੱਜੇ ਬਾਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਨੇ ਇਸ ਦੌਰਾਨ ਲਾਲ ਰੰਗ ਦੀ ਸ਼ੇਰਵਾਨੀ ਵਰਗਾ ਕੁੜਤਾ-ਪਜ਼ਾਮਾ ਪਹਿਨਿਆ ਹੋਇਆ ਸੀ। ਉਹ ਕੋਵਿਡ-19 ਨਿਯਮਾਂ ਦੀ ਪਾਲਣਾ ਵੀ ਕਰਦੇ ਵਿਖਾਈ ਦਿੱਤੇ।

ਬਾਲੀਵੁੱਡ ਦੇ ਦਬੰਗ ਅਦਾਕਾਰ ਸਲਮਾਨ ਖਾਨ ਕਾਲੇ ਰੰਗ ਦੇ ਕੋਟ-ਪੈਂਟ ਵਿੱਚ ਸਜੇ ਹੋਏ ਸਨ। ਉਹ ਆਪਣੇ ਖ਼ਾਸ ਸਟਾਈਲ ਨਾਲ ਪ੍ਰੋਗਰਾਮ 'ਚ ਸ਼ਾਮਲ ਹੋਏ।

ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਮਹਾਰਾਸ਼ਟਰ ਸਰਕਾਰ ਦੇ ਕੈਬਨਿਟ ਮੰਤਰੀ ਆਦਿਤਿਆ ਠਾਕਰੇ ਆਪਣੀ ਮਾਤਾ ਰਸ਼ਮੀ ਠਾਕਰੇ ਅਤੇ ਭਰਾ ਤੇਜਸਵੀ ਠਾਕਰੇ ਨਾਲ ਵਿਸ਼ੇਸ਼ ਤੌਰ 'ਤੇ ਪੁੱਜੇ।

ਪ੍ਰੋਗਰਾਮ 'ਚ ਸਾਬਕਾ ਭਾਰਤੀ ਕ੍ਰਿਕਟਰ ਜ਼ਹੀਰ ਖਾਨ ਵੀ ਆਪਣੀ ਪਤਨੀ ਨਾਲ ਪੁੱਜੇ ਸਨ।