PHOTOS: ਮੋਹਾਲੀ ਵਿਚ ਬੇਕਾਬੂ ਕਾਰ ਪੁਲ ਤੋਂ ਹੇਠਾਂ ਡਿੱਗੀ, ਇਕ ਨੌਜਵਾਨ ਦੀ ਮੌਤ, ਦੋ ਜ਼ਖਮੀ

ਮੋਹਾਲੀ ਦੇ ਏਅਰਪੋਰਟ ਰੋਡ 'ਤੇ ਸਥਿਤ ਟੀਡੀਆਈ ਪੁਲ 'ਤੇ ਸੋਮਵਾਰ ਦੇਰ ਰਾਤ ਬੇਕਾਬੂ ਸਵਿਫਟ ਡਿਜ਼ਾਇਰ ਕਾਰ ਪਲਟਣ ਤੋਂ ਬਾਅਦ ਹੇਠਾਂ ਡਿੱਗ ਗਈ। ਕਾਰ ਵਿਚ ਤਿੰਨ ਨੌਜਵਾਨ ਸਵਾਰ ਸਨ, ਜਿਨ੍ਹਾਂ ਵਿਚੋਂ ਇਕ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਦੋ ਦੀ ਹਾਲਤ ਗੰਭੀਰ ਹੋਣ ਕਾਰਨ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ। (Photo: News18)

ਮ੍ਰਿਤਕ ਨੌਜਵਾਨ ਦੀ ਪਛਾਣ ਬੱਬੂ ਦੇਸਰਾਜ ਵਾਸੀ ਬਲੌਂਗੀ ਵਜੋਂ ਹੋਈ ਹੈ, ਜਦਕਿ ਜ਼ਖਮੀਆਂ ਦੀ ਪਛਾਣ ਪ੍ਰਦੀਪ ਅਤੇ ਦੀਪਕ ਵਾਸੀ ਬਲੌਂਗੀ ਵਜੋਂ ਹੋਈ ਹੈ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਮ੍ਰਿਤਕ ਨੌਜਵਾਨ ਦੇ ਰਿਸ਼ਤੇਦਾਰਾਂ ਦੇ ਬਿਆਨਾਂ ਉਤੇ 174 ਦੀ ਕਾਰਵਾਈ ਕੀਤੀ ਹੈ। ਪੋਸਟਮਾਰਟਮ ਤੋਂ ਬਾਅਦ ਮ੍ਰਿਤਕ ਦੇਹ ਨੂੰ ਪਰਿਵਾਰ ਹਵਾਲੇ ਕਰ ਦਿੱਤਾ ਗਿਆ ਹੈ। (Photo: News18)

ਦਰਅਸਲ ਬਾਬੂ, ਪ੍ਰਦੀਪ ਅਤੇ ਦੀਪਕ ਸਾਰੇ ਬਲੌਂਗੀ ਵਿੱਚ ਰਹਿੰਦੇ ਹਨ ਅਤੇ ਸੋਮਵਾਰ ਦੇਰ ਰਾਤ 12.30ਵਜੇ ਸ਼ਰਾਬ ਪੀਣ ਤੋਂ ਬਾਅਦ ਤਿੰਨੇ ਨੌਜਵਾਨ ਸਵਿਫਟ ਡਿਜ਼ਾਇਰ ਕਾਰ ਉਤੇ ਗੇੜੀ ਮਾਰਨ ਲਈ ਨਿਕਲੇ ਸਨ। ਪ੍ਰਦੀਪ ਕਾਰ ਚਲਾ ਰਿਹਾ ਸੀ। ਨਾਲ ਵਾਲੀ ਸੀਟ ਉਤੇ ਬਾਬੂ ਅਤੇ ਪਿੱਛੇ ਦੀਪਕ ਬੈਠਾ ਸੀ। (Photo: News18)

ਇਹ ਤਿੰਨੇ ਏਅਰਪੋਰਟ ਰੋਡ ਤੋਂ ਹੁੰਦੇ ਹੋਏ ਚੀਮਾ ਬਾਊਲਰ ਇੰਡਸਟਰੀਅਲ ਏਰੀਆ ਵੱਲ ਆ ਰਹੇ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਗੱਡੀ ਓਵਰਸਪੀਡ ਸੀ ਅਤੇ ਟੀਡੀਆਈ ਪੁਲ ਨੇੜੇ ਟਾਇਰ ਫੁੱਟਪਾਥ 'ਤੇ ਚੜ੍ਹ ਗਿਆ ਅਤੇ ਵਾਹਨ ਪਲਟ ਗਿਆ। ਗੱਡੀ ਪਲਟੀਆਂ ਖਾਂਦੀ ਹੋਈ ਪੁਲ ਤੋਂ ਥੱਲੇ ਡਿੱਗ ਗਈ। (Photo: News18)

ਹਾਦਸੇ ਦੌਰਾਨ ਬੱਬੂ ਕਾਰ ਪਲਟਣ ਮੌਕੇ ਪੁਲ ਦੇ ਉੱਪਰ ਹੀ ਡਿੱਗ ਗਿਆ ਅਤੇ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ ਪ੍ਰਦੀਪ ਅਤੇ ਦੀਪਕ ਕਾਰ ਸਮੇਤ ਪੁਲ ਤੋਂ ਹੇਠਾਂ ਡਿੱਗ ਗਏ। ਦੀਪਕ ਨੇ ਹੀ ਮੌਕੇ 'ਤੇ ਮਦਦ ਲਈ ਦੋਸਤਾਂ ਨੂੰ ਬੁਲਾਇਆ। (Photo: News18)