Mohali : ਮਰਚੈਂਟ ਨੇਵੀ ਦੇ ਚੀਫ ਇੰਜੀਨੀਅਰ ਨੇ ਪੈਟਰੋਲ ਛਿੜਕ ਕੇ ਗਰਭਵਤੀ ਪਤਨੀ ਨੂੰ ਲਾਈ ਅੱਗ..

ਮੋਹਾਲੀ 'ਚ ਇਕ ਜ਼ਾਲਮ ਪਤੀ ਨੇ ਉਸ ਸਮੇਂ ਬੇਰਹਿਮੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ, ਜਦੋਂ ਉਸ ਨੇ ਆਪਣੀ ਪਤਨੀ 'ਤੇ ਪੈਟਰੋਲ ਛਿੜਕ ਕੇ ਉਸ ਨੂੰ ਅੱਗ ਲਗਾ ਦਿੱਤੀ। ਜ਼ਖਮੀ ਪਤਨੀ 3 ਮਹੀਨਿਆਂ ਤੋਂ ਵੱਧ ਸਮੇਂ ਤੱਕ ਵੈਂਟੀਲੇਟਰ 'ਤੇ ਰਹੀ। ਇਸ ਤੋਂ ਬਾਅਦ ਹੁਣ ਠੀਕ ਹੋ ਚੁੱਕੀ ਪੀੜਤ ਸੁਜਾਤਾ ਨੇ ਆਪਣੀ ਦਰਦ ਭਰੀ ਕਹਾਣੀ ਸਾਂਝੀ ਕੀਤੀ ਹੈ।

ਸੁਜਾਤਾ ਅਤੇ ਉਸ ਦੇ ਪਰਿਵਾਰ ਵਾਲਿਆਂ ਨੇ ਸਹੁਰਿਆਂ 'ਤੇ ਗੰਭੀਰ ਦੋਸ਼ ਲਗਾਉਂਦੇ ਹੋਏ ਪੁਲਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ। ਸੁਜਾਤਾ ਨੇ ਦੱਸਿਆ ਕਿ 8 ਜਨਵਰੀ 2022 ਨੂੰ ਲਾਲੜੂ 'ਚ ਮਰਚੈਂਟ ਨੇਵੀ 'ਚ ਚੀਫ ਇੰਜੀਨੀਅਰ ਦੇ ਅਹੁਦੇ 'ਤੇ ਤਾਇਨਾਤ ਪਤੀ ਨੇ ਉਸ ਨੂੰ ਸਾੜ ਕੇ ਮਾਰਨ ਦੀ ਕੋਸ਼ਿਸ਼ ਕੀਤੀ ਸੀ। ਪੁਲੀਸ ਨੇ ਇਸ ਮਾਮਲੇ ਵਿੱਚ ਕੇਸ ਵੀ ਦਰਜ ਕਰ ਲਿਆ ਸੀ ਪਰ ਅਜੇ ਤੱਕ ਕਿਸੇ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ।

ਸੁਜਾਤਾ ਨੇ ਦੱਸਿਆ ਕਿ ਉਸਦਾ ਵਿਆਹ 2011 ਵਿੱਚ ਹੋਇਆ ਸੀ ਅਤੇ ਉਹ ਅਜੇ ਵੀ ਗਰਭਵਤੀ ਹੈ। ਉਸਦੇ ਪੇਟ ਵਿੱਚ 2 ਬੱਚੇ ਪਲ ਰਹੇ ਹਨ ਅਤੇ ਪਹਿਲਾਂ ਵੀ ਇੱਕ 6 ਸਾਲ ਦਾ ਬੇਟਾ ਹੈ। ਉਸ ਨਾਲ ਸਹੁਰਿਆਂ ਦਾ ਸ਼ੁਰੂ ਤੋਂ ਹੀ ਵਿਵਹਾਰ ਬਹੁਤ ਗਲਤ ਸੀ, ਮੈਨੂੰ ਅੱਲਗ ਤੋਂ ਕਿਤੇ ਵੀ ਲੈ ਕੇ ਨਹੀਂ ਜਾਂਦੇ।

ਸੁਜਾਤਾ ਨੇ ਦੱਸਿਆ ਕਿ ਜੇਕਰ ਉਹ ਗਲਤੀ ਨਾਲ ਪੰਜਾਬੀ ਵਿੱਚ ਗੱਲ ਕਰ ਲੈਂਦੀ ਸੀ ਤਾਂ ਉਸ ਦੀ ਕੁੱਟਮਾਰ ਕੀਤੀ ਜਾਂਦੀ ਸੀ। ਛੋਟੀ-ਛੋਟੀ ਗੱਲ 'ਤੇ ਉਸ ਦੀ ਕੁੱਟਮਾਰ ਕੀਤੀ ਜਾਂਦੀ ਸੀ। ਮਰਚੈਂਟ ਨੇਵੀ ਵਿੱਚ ਪਤੀ ਦਾ ਕਿਸੇ ਬਾਹਰ ਕਿਸੇ ਕੁੜੀ ਨਾਲ ਅਫੇਅਰ ਸੀ। ਜਿਨ੍ਹਾਂ ਦਾ ਨਾਮ ਮੈਂ ਐਫਆਈਆਰ ਵਿੱਚ ਵੀ ਦਿੱਤਾ ਹੈ।

ਪੀੜਤਾ ਦੇ ਭਰਾ ਜੋ ਕਿ ਸਾਫਟਵੇਅਰ ਇੰਜੀਨੀਅਰ ਹੈ। ਉਸਨੇ ਦੱਸਿਆ ਕਿ ਜਨਵਰੀ ਤੋਂ ਹੁਣ ਮਈ ਸ਼ੁਰੂ ਹੋ ਚੁੱਕੀ ਹੈ। ਉਹ ਹਰ ਰੋਜ਼ ਪੁਲਸ ਦੇ ਚੱਕਰ ਕੱਟਦੇ ਹਨ ਪਰ ਅੱਜ ਤੱਕ ਪੁਲਸ ਨੇ ਇਸ ਮਾਮਲੇ ਵਿੱਚ ਨਾ ਤਾਂ ਕੋਈ ਗ੍ਰਿਫ਼ਤਾਰੀ ਕੀਤੀ ਹੈ ਅਤੇ ਨਾ ਹੀ ਕੋਈ ਚਾਰਜ ਲਾਇਆ ਹੈ।