ਕੱਲ੍ਹ ਲੋਹੜੀ ਦੇ ਤਿਉਹਾਰ ਤੋਂ ਬਾਅਦ ਅੱਜ ਦੀ ਸੁਬ੍ਹਾ ਦਾ ਸਵਾਗਤ ਸੰਘਣੀ ਧੁੰਦ ਨੇ ਕੀਤਾ ਜਿੱਥੇ ਪਹਿਲੇ ਦਿਨਾਂ ਦੇ ਮੁਕਾਬਲੇ ਠੰਢ ਵੀ ਕਾਫ਼ੀ ਜ਼ਿਆਦਾ ਦਰਜ ਕੀਤੀ ਗਈ ਹੈI ਬਠਿੰਡਾ ਵਿੱਚ ਤਾਪਮਾਨ 6 ਡਿਗਰੀ ਤੋਂ ਵੀ ਥੱਲੇ ਤਾਪਮਾਨ ਦਰਜ ਹੋਇਆ ਸੀ। ਸੜਕ ਤੇ ਚੱਲਣ ਵਾਲੇ ਵਹੀਕਲ ਬੜੀ ਹੀ ਧੀਮੀ ਗਤੀ ਦੇ ਨਾਲ ਚੱਲਦੇ ਹੋਏ ਸੜਕਾਂ ਤੇ ਨਜ਼ਰ ਆਏ। ਇਸ ਧੁੰਦ ਨੇ ਹਰ ਕਿਸੇ ਨੂੰ ਪ੍ਰੇਸ਼ਾਨ ਕਰਕੇ ਰੱਖਿਆ ਉੱਥੇ ਸੜਕਾਂ ਤੇ ਚੱਲਣ ਵਾਲੇ ਵਹੀਕਲ ਯੈਲੋ ਲਾਈਟ ਦਾ ਇਸਤੇਮਾਲ ਕਰਕੇ ਸੜਕ ਤੇ ਚੱਲ ਰਹੇ ਸਨ ਧੁੰਦ ਦੇ ਨਾਲ ਵਿਜ਼ੀਬਿਲਟੀ ਬਿਲਕੁਲ ਜ਼ੀਰੋ ਦੇ ਬਰਾਬਰ ਸੀ। ਜ਼ੀਰੋ ਵਿਜ਼ੀਬਿਲਟੀ ਕਾਰਨ ਸੜਕ ਤੇ ਹਾਦਸਿਆਂ ਦਾ ਵੀ ਖਤਰਾ ਬਣਿਆ ਰਿਹਾ। ਜਿੱਥੇ ਇਸ ਧੁੰਦ ਤੋਂ ਹਰ ਕੋਈ ਪਰੇਸ਼ਾਨ ਹੈ, ਉੱਥੇ ਦੇਸ਼ ਦਾ ਅੰਨਦਾਤਾ ਇਸ ਧੁੰਦ ਤੋਂ ਕਾਫ਼ੀ ਖ਼ੁਸ਼ ਨਜ਼ਰ ਆ ਰਿਹਾ ਹੈ। ਖੇਤੀਬਾੜੀ ਮਾਹਰਾਂ ਦੀ ਮੰਨੀਏ ਤਾਂ ਧੁੰਦ ਦੇ ਕਾਰਨ ਕਣਕ ਦੀ ਫਸਲ ਬਹੁਤ ਵਧੀਆ ਹੁੰਦੀ ਹੈ। ਕਣਕ ਦੀ ਫ਼ਸਲ ਅਤੇ ਝਾੜ ਦੇ ਵਿੱਚ ਵੀ ਇਜ਼ਾਫ਼ਾ ਹੁੰਦਾ ਹੈ। ਧੁੰਦ ਕਿਸਾਨਾਂ ਦੇ ਚਿਹਰੇ ਤੇ ਖੁਸ਼ੀ ਲਿਆ ਸਕਦੀ ਹੈ।
