ਫੋਜ ਅਤੇ ਪੁਲਿਸ ‘ਚ ਭਰਤੀ ਹੋਣ ਦੇ ਚਾਹਵਾਨਾਂ ਲਈ ਇੱਥੇ ਮਿਲ ਰਹੀ ਮੁਫ਼ਤ ਟਰੇਨਿੰਗ

ਪਠਾਨਕੋਟ : ਇਕ ਪਾਸੇ ਸੂਬਾ ਸਰਕਾਰ ਵਲੋਂ ਨੌਜਵਾਨਾਂ ਨੂੰ ਸੂਬੇ ਚ ਵਗ ਰਹੇ ਨਸ਼ੇ ਦੇ ਛੇਵੇਂ ਦਰਿਆ ਤੋਂ ਬਾਹਰ ਕਢਣ ਦੇ ਲਈ ਅਣਥੱਕ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ ਉਥੇ ਹੀ ਸੂਬੇ ਚ ਕੁਝ ਅਜਿਹੇ ਸ਼ਖਸ ਵੀ ਹਨ ਜੋ ਨੌਜਵਾਨਾਂ ਨਹ ਨਸ਼ੇ ਤੋਂ ਦੂਰ ਰੱਖਣ ਅਤੇ ਉਹਨਾਂ ਦੇ ਭਵਿੱਖ ਵਲ ਧਿਆਨ ਦਿੰਦੇ ਹੋਏ ਉਹਨਾਂ ਨੂੰ ਖੇਡਾਂ ਵੱਲ ਲਗਾਇਆ ਜਾ ਰਿਹਾ ਹੈ ਅਤੇ ਮੁਫ਼ਤ ਟਰੇਨਿੰਗ ਦਿਤੀ ਜਾ ਰਹੀ ਹੈ। ਇਸਦਾ ਮਕਸਦ ਹੈ ਕਿ ਨੌਜਵਾਨ ਨਸ਼ੇ ਨੂੰ ਛੱਡ ਟਰੇਨਿੰਗ ਲੈ ਪੁਲਸ ਅਤੇ ਫੋਜ ਵਿਚ ਭਰਤੀ ਹੋ ਸਕਣ।

ਅਜਿਹਾ ਹੀ ਕੁਝ ਨਜ਼ਾਰਾ ਜਿਲੇ ਦੇ ਕਸਬੇ ਜੁਗਿਆਲ ਵਿਖੇ ਵੀ ਵੇਖਣ ਨੂੰ ਮਿਲ ਰਿਹਾ ਹੈ। ਜਿਥੇ ਰੋਹਿਤ ਨਾਮ ਦੇ ਸ਼ਖਸ ਵਲੋਂ ਨੌਜਵਾਨਾਂ ਨੂੰ ਗਰਾਉਂਡ ਵਿਖੇ ਮੁਫ਼ਤ ਟਰੇਨਿੰਗ ਦਿਤੀ ਜਾ ਰਹੀ ਹੈ ਤਾਂ ਜੋ ਨੌਜਵਾਨ ਟਰੇਨਿੰਗ ਲੈ ਆਪਣਾ ਅਤੇ ਆਪਣੇ ਪਰਿਵਾਰ ਦਾ ਭਵਿੱਖ ਸਵਾਰ ਸਕਣ।

ਇਸ ਸਬੰਧੀ ਜਦ ਟਰੇਨਿੰਗ ਲੈਣ ਆਏ ਰਹੇ ਨੌਜਵਾਨਾਂ ਨਾਲ ਗੱਲ ਕੀਤੀ ਗਈ ਤਾਂ ਉਹਨਾਂ ਦੱਸਿਆ ਕਿ ਇਸ ਥਾਂ ਤੇ ਮੁਫ਼ਤ ਟਰੇਨਿੰਗ ਲੈ ਕਈ ਨੌਜਵਾਨ ਭਰਤੀ ਹੋ ਚੁਕੇ ਅਤੇ ਉਹ ਵੀ ਟਰੇਨਿੰਗ ਲੈ ਆਪਣਾ ਭਵਿੱਖ ਸਵਾਰਨਾ ਚਾਹੁੰਦੇ ਹਨ।

ਨੌਜਵਾਨਾਂ ਦਸਿਆ ਕਿ ਇਸ ਟਰੇਨਿੰਗ ਦੇ ਬਦਲੇ ਉਹਨਾਂ ਕੋਲੋ ਕੋਈ ਪੈਸਾ ਨਹੀਂ ਲਿਆ ਜਾਂਦਾ ਅਤੇ ਟਰੇਨਿੰਗ ਦੇ ਬਦਲੇ ਨੌਜਵਾਨਾਂ ਨੂੰ ਨਸ਼ੇ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ ਜਾਂਦੀ ਹੈ। ਇਸ ਮੁਤੱਲਕ ਜਦ ਟਰੇਨਿੰਗ ਦੇ ਰਹੇ ਕੋਚ ਰੋਹਿਤ ਕੁਮਾਰ ਦੇ ਨਾਲ ਗੱਲ ਕੀਤੀ ਗਈ ਤਾਂ ਉਹਨਾਂ ਕਿਹਾ ਕਿ ਰੋਜਾਨਾ ਸਵੇਰੇ ਅਤੇ ਸ਼ਾਮ ਦੇ ਸਮੇ ਨੌਜਵਾਨਾਂ ਨੂੰ ਮੁਫ਼ਤ ਟਰੇਨਿੰਗ ਦਿਤੀ ਜਾਂਦੀ ਹੈ ਅਤੇ ਟਰੇਨਿੰਗ ਚ ਇਸਤੇਮਾਲ ਹੋਣ ਵਾਲੇ ਸਮਾਨ ਦੀ ਖਰੀਦਾਰੀ ਨੌਜਵਾਨ ਆਪਸ ਵਿਚ ਪੇਸ਼ ਇਕੱਠੇ ਕਰ ਕਰਦੇ ਹਨ ਪਰ ਇਲਾਕੇ ਦੇ ਰਸੁਖਦਾਰ ਜਾ ਸਿਆਸਦਾਨਾਂ ਵਲੋਂ ਅਜੇ ਤਕ ਕੋਈ ਮਦਦ ਨਹੀਂ ਕੀਤੀ ਗਈ।

ਉਹਨਾਂ ਕਿਹਾ ਕਿ ਉਹਨਾਂ ਦਾ ਸੁਫਨਾ ਹੈ ਕਿ ਇਲਾਕੇ ਦੇ ਨੋਜਵਾਨ ਨੂੰ ਨਸ਼ੇ ਤੋਂ ਦੂਰ ਰੱਖਿਆ ਜਾ ਸਕੇ ਅਤੇ ਖੇਡਾਂ ਨਾਲ ਜੋੜਿਆ ਜਾ ਸਕੇ ਤਾਂ ਜੋ ਨੌਜਵਾਨ ਆਪਣਾ ਬਹੁਤ ਭਵਿੱਖ ਬਣਾ ਸਕਣ। ਪਠਾਨਕੋਟ ਤੋਂ ਸੁਖਜਿੰਦਰ ਕੁਮਾਰ ਦੀ ਰਿਪੋਰਟ।