ਪੰਜਾਬ ਦੇ ਮੁਕਤਸਰ ਜ਼ਿਲ੍ਹੇ ਦੇ ਸੰਮੇਵਾਲੀ ਪਿੰਡ ਵਿੱਚ ਜ਼ਮੀਨੀ ਵਿਵਾਦ ਦੇ ਚੱਲ ਦੇ 19 ਸਾਲਾ ਪੋਤੇ ਨੇ ਭੂਆ ਤੇ ਦਾਦੀ 'ਤੇ ਗੋਲੀਆਂ ਚਲਾ ਦਿੱਤੀਆਂ। ਇਸ ਹਮਲੇ ਵਿੱਚ ਤਿੰਨ ਗੋਲੀਆਂ ਭੂਆ ਦੇ ਸਰ ਚ ਵੱਜੀਆਂ ਤੇ 2 ਗੋਲੀਆਂ ਦਾਦੀ ਨੂੰ ਲੱਗਿਆਂ। ਦੋਵੇਂ ਬੁਰੀ ਤਰਾਂ ਜ਼ਖਮੀ ਹੋ ਗਈਆਂ।
ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਆਰੋਪੀ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਤਿੰਨ ਗੋਲੀਆਂ ਵੱਜਣ ਤੋਂ ਬਾਅਦ ਵੀ ਸੁਮਿਤ ਕੌਰ ਨੇ ਆਪਣੀ ਮਾਂ ਸੁਖਜਿੰਦਰ ਕੌਰ ਨੂੰ ਚੁੱਕਿਆ ਤੇ ਆਪ ਕਾਰ ਡਰਾਈਵ ਕਰ ਕੇ 28 ਕਿਲੋਮੀਟਰ ਦੂਰ ਹਸਪਤਾਲ ਪਹੁੰਚ ਗਈ।
ਜਾਣਕਾਰੀ ਮੁਤਾਬਿਕ 42 ਸਾਲਾ ਸੁਮਿਤ 65 ਸਾਲਾ ਸੁਖਜਿੰਦਰ ਦੀ ਗੋਲੀਆਂ ਕੱਢ ਦਿੱਤੀਆਂ ਗਈਆਂ ਹਨ ਤੇ ਦੋਵਾਂ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ। ਸੁਮਿਤ ਦੇ ਹੌਸਲੇ ਨੂੰ ਵੇਖ ਕੇ ਡਾਕਟਰ ਹੈਰਾਨ ਰਹਿ ਗਏ।
ਡਾਕਟਰਾਂ ਨੇ ਦੱਸਿਆ ਕਿ ਸੁਮਿਤ ਦੇ ਸਿਰ ਵਿੱਚ 3 ਗੋਲੀਆਂ ਤੇ ਇੱਕ ਗੋਲੀ ਗਰਦਨ ਪਿੱਛੇ ਫਸੀ ਹੋਈ ਸੀ। ਪਰ ਉਹ ਜ਼ਖਮੀ ਹੁੰਦਿਆਂ ਵੀ ਹੋਸ਼ ਵਿੱਚ ਸੀ। ਪੁਲਿਸ ਨੇ ਸੁਮਿਤ ਦੇ ਭਤੀਜੇ ਕੰਵਰਪ੍ਰੀਤ ਸਿੰਘ ਖ਼ਿਲਾਫ਼ ਮਾਮਲਾ ਦਰਜ ਕਰ ਕੇ ਉਸ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ।
ਸੁਮਿਤ ਨੇ ਦੱਸਿਆ ਕਿ ਪੁਸ਼ਤੈਨੀ ਜਾਇਦਾਦ ਨੂੰ ਲੈ ਕੇ ਕੰਵਰਪ੍ਰੀਤ ਨੇ ਇਹ ਹਮਲਾ ਕੀਤਾ। ਮੰਗਲਵਾਰ ਨੂੰ ਕੰਵਰਪ੍ਰੀਤ ਆਪਣੀ ਦਾਦੀ ਕੋਲ ਰੁਕ ਗਿਆ ਤੇ ਬੁੱਧ ਨੂੰ ਦਾਦੀ ਨੂੰ ਟਿਊਸ਼ਨ ਤੇ ਜਾਣ ਤੋਂ ਪਹਿਲਾਂ ਚਾਹ ਬਣਾਉਣ ਨੂੰ ਕਿਹਾ ਤੇ ਜਦੋਂ ਉਹ ਚਾਹ ਬਣਾਉਣ ਲਈ ਰਸੋਈ ਚ ਗਏ ਤਾਂ ਉਸ ਨੇ ਆਪਣੀ ਭੂਆ ਸੁਮਿਤ 'ਤੇ ਗੋਲੀਆਂ ਚਲਾ ਦਿੱਤੀਆਂ।
