ਲੁਧਿਆਣਾ 'ਚ ਪਤਨੀ ਤੇ ਸੱਸ ਨੂੰ ਗੋਲੀ ਮਾਰ ਕੇ ਫ਼ਰਾਰ ਹੋਇਆ ਪਤੀ

ਲੁਧਿਆਣਾ : ਮੰਗਲਵਾਰ ਸਵੇਰ ਲਗਭਗ 6 ਵਜੇ ਹੈਬੋਵਾਲ ਦੇ ਪਵਿੱਤਰ ਨਗਰ ਗੋਲੀਆਂ ਦੀ ਆਵਾਜ਼ ਨਾਲ ਦਹਿਲ ਗਿਆ ਤੇ ਪੂਰੇ ਇਲਾਕੇ ਚ ਦਹਿਸ਼ਤ ਫੈਲ ਗਈ ਜਦ ਇੱਕ ਵਿਅਕਤੀ ਵਲੋਂ ਆਪਣੀ ਪਤਨੀ ਅਤੇ ਸੱਸ ਨੂੰ ਗੋਲੀ ਮਾਰਨ ਤੋਂ ਬਾਅਦ ਮੁਲਜ਼ਮ ਮੌਕੇ ਤੋਂ ਫ਼ਰਾਰ ਹੋ ਗਿਆ।

ਗੁਆਂਢੀਆਂ ਨੇ ਦੋਵੇਂ ਔਰਤਾਂ ਨੂੰ ਦਯਾਨੰਦ ਹਸਪਤਾਲ ਦਾਖਿਲ ਕਰਵਾਇਆ, ਜਿੱਥੇ ਉਹਨਾਂ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਪੀੜਤ ਪਰਿਵਾਰ ਨੂੰ ਬਾਦ ਦੁਪਹਿਰ ਪਤਾ ਲੱਗਿਆ ਕਿ ਮੁਲਜ਼ਮ ਨੇ ਨੂਰ ਮਹਿਲ ਪਹੁੰਚ ਕੇ ਇਕ ਨੌਜਵਾਨ ਦੀ ਗੋਲੀ ਮਾਰ ਕੀਤੀ ਹੱਤਿਆ ।

ਲੁਧਿਆਣਾ ਤੋਂ ਪੀੜਤ ਪਰਿਵਾਰ ਨੇ ਐਕਟਿਵਾ ਦਾ ਨੰਬਰ ਦੇਖ ਕੇ ਪਛਾਣ ਕਰਕੇ ਕਿਹਾ ਹੈ ਕਿ ਇਹ ਉਹਨਾ ਦਾ ਐਕਟਿਵਾ ਹੈ ਪਰ ਉਹ ਨਹੀਂ ਜਾਣਦੇ ਕਿ ਮੁਲਜ਼ਮ ਨੇ ਨੌਜਵਾਨ ਦਾ ਕਤਲ ਕਿਉਂ ਕੀਤਾ।

ਪੀੜਤ ਪਰਿਵਾਰ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਨੂਰਮਹਿਲ ਦੇ ਐਸ ਐਚ ਉ ਦਾ ਫੋਨ ਆਇਆ ਸੀ ਜਾਣਕਾਰੀ ਅਨੁਸਾਰ ਮੁਲਜ਼ਮ ਜਲੰਧਰ ਦਾ ਰਹਿਣ ਵਾਲਾ ਹੈ ਤੇ ਪਿਛਲੇ ਇੱਕ ਸਾਲ ਤੋ ਲੁਧਿਆਣਾ ਵਿਖੇ ਆਪਣੇ ਸੁਹਰਾ ਪਰਿਵਾਰ ਕੋਲ ਰਹਿ ਰਿਹਾ ਤੇ ਅਕਸਰ ਹੀ ਘਰ ਚ ਕਿਸੇ ਨਾ ਕਿਸੇ ਕਾਰਣ ਲੜਾਈ ਝਗੜਾ ਰਹਿੰਦਾ ਸੀ ਤੇ ਬੀਤੀ ਰਾਤ ਵੀ ਲੜਾਈ ਝਗੜਾ ਹੋਇਆ ਸੀ ਪਰ ਸਵੇਰ ਹੁੰਦੇ ਹੀ ਮੁਲਜ਼ਮ ਨੇ ਪਹਿਲਾਂ ਆਪਣੀ ਪਤਨੀ ਤੇ ਫਿਰ ਸੱਸ ਨੂੰ ਗੋਲੀ ਮਾਰ ਕੇ ਫ਼ਰਾਰ ਹੋ ਗਿਆ

ਓਧਰ ਮੌਕੇ ਤੇ ਪਹੁੰਚੀ ਪੁਲਿਸ ਨੇ ਪੀੜਤ ਪਰਿਵਾਰ ਦੇ ਬਿਆਨਾਂ ਤੇ ਮਾਮਲਾ ਦਰਜ ਲਿਆ ਹੈ ਤੇ ਮੁਲਜ਼ਮ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ ਤੇ ਜਾਚ ਕੀਤੀ ਜਾ ਰਹੀ ਕਿ ਮੁਲਜ਼ਮ ਕੋਲ ਪਿਸਤੌਲ ਕਿੱਥੋ ਆਈ ਲਾਇਸੰਸੀ ਜਾ ਗੈਰ-ਕਾਨੂੰਨੀ ਹੈ।

ਫਿਲਹਾਲ ਇਸ ਦਾ ਖੁਲਾਸਾ ਤਾ ਮੁਲਜ਼ਮ ਦੇ ਗ੍ਰਿਫ਼ਤਾਰ ਹੋਣ ਤੋਂ ਬਾਅਦ ਹੀ ਪਤਾ ਲੱਗੇਗਾ ਪਰ ਪੀੜਤ ਪਰਿਵਾਰ ਨੇ ਮੁਲਜਮ ਨੂੰ ਜਲਦ ਕਾਬੂ ਕਰਨ ਲਈ ਪੁਲਿਸ ਕੋਲ ਗੁਹਾਰ ਲਗਾਈ ਹੈ ਤੇ ਇੰਨਸਾਫ਼ ਦੀ ਮੰਗ ਕੀਤੀ ਹੈ।