ਲੱਖੋਵਾਲ ਦੇ ਨੌਜਵਾਨ ਨੇ ਬਣਾਇਆ ਅਨੌਖਾ ਸਾਇਕਲ, ਇਲਾਕੇ 'ਚ ਬਣਿਆਂ ਖਿੱਚ ਦਾ ਕੇਂਦਰ

ਲੁਧਿਆਣਾ(ਜਸਵੀਰ ਬਰਾੜ): ਸ਼ਹਿਰ ਦੇ ਨੇੜੇ ਪੈਂਦੇ ਪਿੰਡ ਲੱਖੋਵਾਲ ਵਿਖੇ 8 ਜਮਾਤ ਪਾਸ ਕਰਨ ਵਾਲੇ ਹਰਮਨਜੋਤ ਸਿੰਘ ਨੇ ਅਜਿਹਾ ਸਾਈਕਲ ਤਿਆਰ ਕੀਤਾ ਹੈ ਕਿ ਕੋਲ ਦੀ ਲੰਘਣ ਵਾਲਾ ਇੱਕ ਵਾਰ ਜਰੂਰ ਖੜ ਕੇ ਉਸ ਨੂੰ ਨਿਹਾਰੇ ਬਿਨਾਂ ਨਹੀਂ ਰਹਿ ਸਕਦਾ।

ਹਰ ਕੋਈ ਸੋਚਦਾ ਆਖਿਰ ਕਿਵੇਂ ਬਣਿਆ ਇਹ ਸਾਈਕਲ। ਤੁਹਾਨੂੰ ਦੱਸ ਦੇਈਏ ਕਿ ਤਾਲਾਬੰਦੀ ਦੇ ਦੌਰਾਨ ਹਰਮਨਜੋਤ ਨੇ ਅਲੱਗ ਤਰ੍ਹਾਂ ਸਾਈਕਲ ਬਣਾਉਣ ਦਾ ਫ਼ੈਸਲਾ ਕੀਤਾ।

ਪਹਿਲਾ ਉਸ ਨੇ ਹੈਂਡਲ ਦੀ ਜਗ੍ਹਾ ਤੇ ਸਟੇਰਿੰਗ ਲਗਾਇਆ ਤੇ ਕੁਝ ਦਿਨ ਚਲਾਉਣ ਤੋ ਬਾਅਦ ਉਸ ਨੂੰ ਨਹੀਂ ਜਚਿਆ ਤੇ ਫੇਰ ਉਸ ਨੇ ਆਪਣੇ ਪਿਤਾ ਜੋ ਕਿ ਡੇਟਿੰਗ ਪੇਂਟਿੰਗ ਦਾ ਕੰਮ ਕਰਦਾਂ ਹੈਂ ਉਸ ਦੀ ਮਦਦ ਨਾਲ ਅਜਿਹਾ ਸਾਈਕਲ ਤਿਆਰ ਕੀਤਾ ਕਿ ਹਰ ਕੋਈ ਖੜ ਖੜ ਕੇ ਦੇਖਣ ਲਈ ਮਜਬੂਰ ਹੋਣ ਲੱਗਾ।

ਇਸ ਖ਼ਾਸ ਸਾਇਕਲ ਦਾ ਅਗਲਾ ਹਿੱਸਾ ਸਕੂਟਰ ਅਤੇ ਪਿਛਲਾ ਹਿੱਸਾ ਸਾਇਕਲ ਦਾ ਹੈ। ਅੱਗੋਂ ਦੇਖਣ ਨੂੰ ਇਹ ਸਕੂਟਰ ਹੈ ਪਰ ਚਲਦਾ।

ਇਹ ਪੈਡਲ ਮਾਰ ਕੇ ਤੇ ਚੱਲਣ ਚ ਵੀ ਇਹ ਇੰਨਾ ਰੈਲਾ ਹੈਂ ਕਿ ਬੱਚੇ ਵੀ ਸਾਰਾ ਦਿਨ ਇੱਧਰ ਓਧਰ ਝੂਟੇ ਲੈਂਦੇ ਰਹਿੰਦੇ ਹਨ। ਹਰਮਨਜੋਤ ਦੇ ਪਿਤਾ ਅਨੁਸਾਰ ਇਸ ਨੂੰ ਤਿਆਰ ਕਰਨ ਤੇ 10 ਹਜ਼ਾਰ ਰੁਪਏ ਦਾ ਖਰਚ ਆਇਆ ਹੈ ਤੇ ਹੁਣ ਦੂਸਰੇ ਲੋਕ ਵੀ ਇਹ ਸਾਈਕਲ ਦੇਖ ਇਸ ਤਰ੍ਹਾਂ ਦਾ ਸਾਈਕਲ ਬਵਾਉਣ ਦੀ ਮੰਗ ‌ਕਰ ਰਹੇ ਹਨ,ਓਧਰ ਸਾਈਕਲ ਦੀ ਮਸ਼ਹੂਰੀ ਤੋਂ ਗੱਦ ਗੱਦ ਹੋਏ।

ਹਰਮਨਜੋਤ ਦਾ ਕਹਿਣਾ ਕਿ ਉਹਨਾ ਨੇ ਨੌਜਵਾਨਾਂ ਨੂੰ ਸੇਧ ਦੇਣ ਲਈ ਅਜਿਹਾ ਸਾਈਕਲ ਤਿਆਰ ਕੀਤਾ ਹੈ ਤਾ ਜੋ ਅੱਜ ਦਾ ਨੌਜਵਾਨ ਨਸ਼ਿਆਂ ਨੂੰ ਛੱਡ ਕੇ ਆਧੁਨਿਕ ਯੁੱਗ ਵੱਲ ਆਏ ਤੇ ਇਸ ਤਰ੍ਹਾਂ ਦਾ ਕੁਝ ਕਰੇ ਅਤੇ ਪ੍ਰਸੰਸਾ ਖੱਟੇ ਤੇ ਆਪਣੇ ਮਾਪਿਆਂ ਦਾ ਨਾਮ ਰੌਸ਼ਨ ਕਰੇ ਤਾਂ ਜੋ ਵਧੀਆ ਸਮਾਜ ਦੀ ਸਿਰਜਣਾ ਹੋ ਸਕੇ।