WTC ਫਾਇਨਲ ਜਿੱਤਣ 'ਤੇ ਨਿਊਜ਼ੀਲੈਂਡ ਨੂੰ ਮਿਲੇ 11.87 ਕਰੋੜ ਰੁਪਏ, ਜਾਣੋ ਭਾਰਤ ਨੂੰ ਕਿੰਨਾ ਪੈਸਾ ਮਿਲਿਆ

ਨਵੀਂ ਦਿੱਲੀ- ਨਿਊਜ਼ੀਲੈਂਡ ਦੀ ਟੀਮ ਪਹਿਲੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਜਿੱਤ ਕੇ ਮਾਲਾਮਾਲ ਬਣ ਗਈ ਹੈ। WTC ਦੇ ਫਾਈਨਲ ਵਿਚ ਭਾਰਤ ਨੂੰ 8 ਵਿਕਟਾਂ ਨਾਲ ਹਰਾਉਣ ਵਾਲੀ ਕੀਵੀ ਟੀਮ ਨੂੰ 16 ਲੱਖ ਡਾਲਰ (ਲਗਭਗ 11.87 ਕਰੋੜ ਰੁਪਏ) ਮਿਲੇ। ਆਈਸੀਸੀ ਨੇ ਵਰਲਡ ਟੈਸਟ ਚੈਂਪੀਅਨਸ਼ਿਪ ਵਿਚ ਹਿੱਸਾ ਲੈਣ ਵਾਲੀਆਂ ਸਾਰੀਆਂ 9 ਟੀਮਾਂ ਨੂੰ ਇਨਾਮੀ ਰਾਸ਼ੀ ਦਿੱਤੀ ਹੈ। (ਫੋਟੋ-ਏਪੀ)

WTC ਫਾਈਨਲ ਦੀ ਉਪ ਜੇਤੂ ਭਾਰਤੀ ਟੀਮ ਨੂੰ 8 ਲੱਖ ਡਾਲਰ (ਲਗਭਗ 5 ਕਰੋੜ 93 ਲੱਖ ਰੁਪਏ) ਮਿਲੇ ਹਨ। ਇਸ ਸਮੇਂ ਭਾਰਤੀ ਟੀਮ ਆਈਸੀਸੀ ਟੈਸਟ ਰੈਂਕਿੰਗ ਵਿਚ ਦੂਜੇ ਨੰਬਰ ‘ਤੇ ਹੈ ਜਦੋਂਕਿ ਨਿਊਜ਼ੀਲੈਂਡ 126 ਅੰਕਾਂ ਨਾਲ ਪਹਿਲੇ ਸਥਾਨ ‘ਤੇ ਹੈ। (ਏ.ਐੱਫ.ਪੀ.)

ਆਸਟਰੇਲੀਆਈ ਟੀਮ ਡਬਲਯੂਟੀਸੀ ਅੰਕ ਸੂਚੀ ਵਿੱਚ ਤੀਜੇ ਸਥਾਨ ’ਤੇ ਰਹੀ। ਕੰਗਾਰੂ ਟੀਮ ਨੂੰ 4.50 ਲੱਖ ਡਾਲਰ (ਲਗਭਗ 3.3 ਕਰੋੜ ਰੁਪਏ) ਮਿਲੇ ਹਨ। ਮਾਰਨਸ ਲੈਬੂਸ਼ੈਗਨੇ ਨੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਵਿੱਚ ਆਸਟਰੇਲੀਆ ਲਈ 1675 ਤੋਂ ਵੱਧ ਦੌੜਾਂ ਬਣਾਈਆਂ। ਪੈਟ ਕਮਿੰਸ ਨੇ 70 ਵਿਕਟਾਂ ਲਈਆਂ, ਜਦਕਿ ਰਵੀਚੰਦਰਨ ਅਸ਼ਵਿਨ (71 ਵਿਕਟਾਂ) ਦੂਜੇ ਸਥਾਨ 'ਤੇ ਰਹੇ। (PC-AFP)

ਇੰਗਲੈਂਡ ਦੀ ਟੀਮ ਡਬਲਯੂਟੀਸੀ ਦੀ ਅੰਕ ਸੂਚੀ ਵਿੱਚ ਚੌਥੇ ਸਥਾਨ ’ਤੇ ਰਹੀ। ਇੰਗਲੈਂਡ ਦੀ ਟੀਮ ਨੂੰ 3.50 ਲੱਖ ਡਾਲਰ (ਲਗਭਗ 2.6 ਕਰੋੜ ਰੁਪਏ) ਮਿਲੇ। ਜੋ ਰੂਟ ਨੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਵਿੱਚ ਇੰਗਲੈਂਡ ਲਈ ਸਭ ਤੋਂ ਵੱਧ 1660 ਦੌੜਾਂ ਬਣਾਈਆਂ। ਉਸੇ ਸਮੇਂ ਅਨੁਭਵੀ ਗੇਂਦਬਾਜ਼ ਸਟੂਅਰਟ ਬ੍ਰਾਡ ਨੇ 69 ਵਿਕਟਾਂ ਲਈਆਂ। (PC-AFP)

ਦੱਖਣੀ ਅਫਰੀਕਾ ਦੀ ਟੀਮ ਡਬਲਯੂਟੀਸੀ ਦੇ ਅੰਕ ਸੂਚੀ ਵਿੱਚ ਪੰਜਵੇਂ ਸਥਾਨ ’ਤੇ ਰਹੀ। ਅਫਰੀਕੀ ਟੀਮ ਨੂੰ 2 ਲੱਖ ਡਾਲਰ (ਲਗਭਗ 1.45 ਕਰੋੜ ਰੁਪਏ) ਮਿਲੇ ਹਨ। ਵਰਲਡ ਟੈਸਟ ਚੈਂਪੀਅਨਸ਼ਿਪ ਵਿਚ ਅਫਰੀਕਾ ਦੇ ਸਲਾਮੀ ਬੱਲੇਬਾਜ਼ ਡੀਨ ਐਲਗਰ ਨੇ ਸਭ ਤੋਂ ਵੱਧ 935 ਦੌੜਾਂ ਬਣਾਈਆਂ ਜਦਕਿ ਅਨਰੀਕ ਨੋਰਖਿਆ 47 ਵਿਕਟਾਂ ਲੈਣ ਵਿਚ ਕਾਮਯਾਬ ਰਹੇ। (ਏ.ਐੱਫ.ਪੀ.)

ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਵਿਚ ਪਾਕਿਸਤਾਨ ਛੇਵੇਂ ਨੰਬਰ 'ਤੇ, ਸ਼੍ਰੀਲੰਕਾ ਸੱਤਵੇਂ ਨੰਬਰ ਉਤੇ, ਵੈਸਟਇੰਡੀਜ਼ ਅੱਠਵੇਂ ਨੰਬਰ ਉਤੇ ਅਤੇ ਬੰਗਲਾਦੇਸ਼ ਨੌਵੇਂ ਨੰਬਰ 'ਤੇ ਰਹੀ। ਇਨ੍ਹਾਂ ਚਾਰ ਟੀਮਾਂ ਨੂੰ 1 ਲੱਖ ਡਾਲਰ (ਲਗਭਗ 74 ਲੱਖ ਰੁਪਏ) ਮਿਲੇ। (ਏ.ਐਫ.ਪੀ.)