ਪਿਛਲੇ ਦੋ ਦਹਾਕਿਆਂ ਤੋਂ ਵੀ ਵੱਧ ਸਮੇਂ ਤੋਂ ਭਾਰਤੀ ਮਹਿਲਾ ਕ੍ਰਿਕਟ ਦੀ ਕਪਤਾਨ ਮਿਤਾਲੀ ਰਾਜ ਨੇ ਸ਼ੁੱਕਰਵਾਰ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 10,000 ਦੌੜਾਂ ਪੂਰੀਆਂ ਕਰਨ ਵਾਲੀ ਭਾਰਤ ਦੀ ਪਹਿਲੀ ਅਤੇ ਵਿਸ਼ਵ ਦੂਜੀ ਮਹਿਲਾ ਕ੍ਰਿਕਟਰ ਬਣ ਗਈ ਹੈ। (Mithali Raj/Instagram)
ਮਿਤਾਲੀ ਨੇ ਇਹ ਰਿਕਾਰਡ ਲਖਨਊ ਦੇ ਇਕਾਨਾ ਸਟੇਡੀਅਮ ਵਿੱਚ ਦੱਖਣੀ ਅਫਰੀਕਾ ਦੇ ਖ਼ਿਲਾਫ਼ ਤੀਜੇ ਵਨਡੇ ਮੈਚ ਦੌਰਾਨ ਆਪਣੀ 35ਵੀਂ ਦੌੜ ਪੂਰੀ ਕੀਤੀ ਸੀ। ਹੁਣ ਉਨ੍ਹਾਂ ਦੇ ਨਾਮ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 10,001 ਦੌੜਾਂ ਦਰਜ ਹਨ ਅਤੇ ਉਨ੍ਹਾਂ ਦੀ ਔਸਤ 46.73 ਹੈ। (Mithali Raj/Instagram)
ਭਾਰਤੀ ਕ੍ਰਿਕਟ ਬੋਰਡ (ਬੀ.ਸੀ.ਸੀ.ਆਈ.) ਨੇ ਉਨ੍ਹਾਂ ਦੀ ਇਸ ਪ੍ਰਾਪਤੀ 'ਤੇ ਵਧਾਈ ਦਿੰਦਿਆਂ ਕਿਹਾ 'ਕੀ ਮਹਾਨ ਕ੍ਰਿਕਟਰ ਹੈ। ਅੰਤਰਰਾਸ਼ਟਰੀ ਕ੍ਰਿਕਟ ਵਿਚ 10,000 ਦੌੜਾਂ ਪੂਰੀਆਂ ਕਰਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬੱਲੇਬਾਜ਼ ਹੈ। ਵਧਾਈ ਮਿਤਾਲੀ। '' (BCCI/Twitter)
ਮਿਤਾਲੀ ਰਾਜ ਤੋਂ ਪਹਿਲਾਂ ਇਹ ਰਿਕਾਰਡ ਇੰਗਲੈਂਡ ਦੀ ਚਾਰਲੋਟ ਐਡਵਰਡਸ ਨੇ ਇਹ ਮੁਕਾਮ ਹਾਸਲ ਕੀਤਾ ਸੀ। ਉਨ੍ਹਾਂ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਵਿਚ 309 ਮੈਚਾਂ ਵਿਚ 10,273 ਦੌੜਾਂ ਬਣਾਈਆਂ। (Mithali Raj/Instagram)
ਮਿਤਾਲੀ ਨੇ ਆਪਣਾ 311 ਵਾਂ ਅੰਤਰਰਾਸ਼ਟਰੀ ਮੈਚ ਖੇਡਦਿਆਂ, ਜੂਨ 1999 ਵਿੱਚ ਭਾਰਤ ਲਈ ਵਨਡੇ ਵਿੱਚ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਹੁਣ ਤੱਕ 10 ਟੈਸਟ ਮੈਚਾਂ ਵਿਚ 51.00 ਦੀ ਔਸਤ ਨਾਲ 663, ਟੀ -20 ਅੰਤਰਰਾਸ਼ਟਰੀ ਮੈਚਾਂ ਵਿਚ 89 ਮੈਚਾਂ ਵਿਚੋਂ 37.52 ਦੀ ਔਸਤ ਨਾਲ 2,364 ਦੌੜਾਂ ਅਤੇ ਵਨਡੇ ਮੈਚਾਂ ਦੇ 212 ਮੈਚਾਂ 50.53 ਦੀ ਔਸਤ ਨਾਲ 6,974 ਦੌੜਾਂ ਬਣਾਈਆਂ ਹਨ।(Mithali Raj/Instagram)
ਮਿਤਾਲੀ ਨੇ ਆਪਣੇ ਕਰੀਅਰ ਵਿਚ ਰਿਕਾਰਡ 75 ਅਰਧ-ਸੈਂਕੜੇ ਅਤੇ ਅੱਠ ਸੈਂਕੜੇ ਲਗਾਏ ਹਨ। ਇਨ੍ਹਾਂ ਵਿਚੋਂ ਉਸਨੇ ਵਨਡੇ ਮੈਚਾਂ ਵਿਚ 54 ਅਰਧ ਸੈਂਕੜੇ ਅਤੇ ਸੱਤ ਸੈਂਕੜੇ ਲਗਾਏ ਹਨ। ਟੈਸਟਾਂ ਵਿੱਚ ਉਨ੍ਹਾਂ 2002 ਵਿੱਚ ਟੋਟਨ ਵਿਖੇ ਇੰਗਲੈਂਡ ਖ਼ਿਲਾਫ਼ ਇਕਲੌਤਾ ਸੈਂਕੜਾ (214 ਦੌੜਾਂ) ਬਣਾਈਆਂ ਸਨ। (Mithali Raj/Instagram)
