9 ਸਾਲ ਦੀ ਉਮਰ ਵਿੱਚ ਇਸ ਮਹਿਲਾ ਕ੍ਰਿਕੇਟਰ ਨੇ ਬਣਾਈ ਟੀਮ ਵਿੱਚ ਜਗ੍ਹਾ, ਦੋਹਰਾ ਸੈਂਕੜਾ ਮਾਰ ਕੇ ਰਚਿਆ ਸੀ ਇਤਿਹਾਸ

9 ਸਾਲ ਦੀ ਉਮਰ ਵਿੱਚ ਹੀ ਸ‍ਮਰਤੀ ਮੰਧਾਨਾ ਦੀ ਚੋਣ ਮਹਾਰਾਸ਼‍ਟਰ ਟੀਮ ਲਈ ਹੋ ਗਈ ਸੀ।2013 ਵਿੱਚ ਮੰਧਾਨਾ ਵਨਡੇ ਮੈਚ ਵਿੱਚ ਦੋਹਰਾ ਸੈਂਕੜਾ ਮਾਰਨ ਵਾਲੀ ਪਹਿਲੀ ਭਾਰਤੀ ਕ੍ਰਿਕੇਟਰ ਵੀ ਬਣੀ ਸੀ। ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਦੀ ਸ‍ਟਾਰ ਬੱਲੇਬਾਜ਼ ਸ‍ਮਰਤੀ ਮੰਧਾਨਾ ਦੇ ਨਾਮ ਅੱਜ ਕਈ ਰਿਕਾਰਡ ਹਨ। 2013 ਵਿੱਚ ਬੰਗ‍ਲਾ ਦੇਸ਼ ਖ਼ਿਲਾਫ਼ ਵਨ ਡੇ ਮੈਚ ਵਿਚ ਇੰਟਰਨੈਸ਼ਨਲ ਡੇਬ‍ਯੂ ਕਰਨ ਵਾਲੀ ਮੰਧਾਨਾ ਨੇ ਭਾਰਤ ਦੇ ਵੱਲੋਂ 2 ਟੈੱਸ‍ਟ, 51 ਵਨਡੇ ਅਤੇ 75 ਟੀ-20 ਮੈਚ ਖੇਡੇ ਹਨ।

51 ਵਨ-ਡੇ ਮੈਚਾਂ ਵਿੱਚ ਉਨ੍ਹਾਂ ਦੇ ਨਾਮ 2 ਹਜ਼ਾਰ 25 ਰਨ ਹਨ। ਜਿਸ ਵਿੱਚ 4 ਸੈਂਕੜੇ ਅਤੇ 17 ਅਰਧ ਸੈਂਕੜੇ ਸ਼ਾਮਿਲ ਹਨ। ਉੱਥੇ ਹੀ 75 ਟੀ 20 ਮੈਚਾਂ ਵਿੱਚ ਉਨ੍ਹਾਂ ਦੇ ਨਾਮ 1,716 ਰਨ ਹਨ। ਜਿਸ ਵਿੱਚ 12 ਅਰਧ ਸੈਂਕੜੇ ਸ਼ਾਮਿਲ ਹਨ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਲਈ 2018 ਵਿੱਚ ਆਈ ਸੀ ਸੀ ਨੇ ਇਸ ਸ‍ਟਾਰ ਬੱਲੇਬਾਜ਼ ਨੂੰ ਬੈਂਸ‍ਟ ਫੀਮੇਲ ਕ੍ਰਿਕਟਰ ਆਫ਼ ਦ ਈਆਰ ਦੇ ਅਵਾਰਡ ਨਾਲ ਨਿਵਾਜਿਆ ਸੀ। ਉਸੀ ਸਾਲ ਉਨ੍ਹਾਂ ਵਨਡੇ ਪ‍ਲੇਇਰ ਆਫ਼ ਦ ਈਅਰ ਵੀ ਚੁਣਿਆ ਗਿਆ ਸੀ।

18 ਜੁਲਾਈ 1996 ਵਿੱਚ ਮੁੰਬਈ ਵਿੱਚ ਜੰਮੀ ਮੰਧਾਨਾ ਦੇ ਪਿਤਾ ਅਤੇ ਭਰਾ ਦੋਨਾਂ ਜ਼ਿਲ੍ਹਾ ਪੱਧਰ ਦੇ ਕ੍ਰਿਕੇਟਰ ਸਨ ਮਹਾਰਾਸ਼‍ਟਰ ਅੰਡਰ 16 ਟੂਰਨਾਮੈਂਟ ਵਿੱਚ ਆਪਣੇ ਭਰਾ ਨੂੰ ਖੇਡਦੇ ਹੋਏ ਵੇਖ ਮੰਧਾਨਾ ਨੂੰ ਕ੍ਰਿਕੇਟ ਖੇਡਣ ਦੀ ਪ੍ਰੇਰਨਾ ਮਿਲੀ ਅਤੇ ਉਨ੍ਹਾਂ ਨੇ ਕ੍ਰਿਕੇਟ ਨੂੰ ਆਪਣੀ ਜ਼ਿੰਦਗੀ ਬਣਾ ਲਿਆ।

ਨੌਂ ਸਾਲ ਦੀ ਉਮਰ ਵਿੱਚ ਹੀ ਮੰਧਾਨਾ ਨੂੰ ਮਹਾਰਾਸ਼‍ਟਰ ਦੀ ਅੰਡਰ 15 ਟੀਮ ਵਿੱਚ ਚਣ ਲਿਆ ਗਿਆ ਸੀ ਅਤੇ 11 ਸਾਲ ਦੀ ਉਮਰ ਵਿੱਚ ਤਾਂ ਉਨ੍ਹਾਂ ਸਟੇਟ ਦੀ ਅੰਡਰ 19 ਟੀਮ ਵਿੱਚ ਚੁਣ ਲਿਆ ਗਿਆ। ਉਨ੍ਹਾਂ ਦੇ ਪਿਤਾ ਉਨ੍ਹਾਂ ਦੇ ਕ੍ਰਿਕੇਟ ਪ੍ਰੋਗਰਾਮ ਦਾ ਧਿਆਨ ਰੱਖਦੇ ਸਨ। ਮਾਂ ਨੇ ਡਾਈਟ ਦੀ ਜਿੰ‍ਮੇਦਾਰੀ ਲੈ ਲਈ ਅਤੇ ਭਰਾ ਨੈਟਸ ਵਿੱਚ ਉਹਨਾ ਦੀ ਗੇਂਦਬਾਜ਼ੀ ਕਰਵਾਉਦੇ ਸਨ।

ਅਕ‍ਟੂਬਰ 2013 ਵਿੱਚ ਮੰਧਾਨਾ ਦੇ ਕੈਰੀਅਰ ਦਾ ਗਰਾਫ਼ ਇਕਦਮ ਨਾਲ ਵਧਿਆ ਸੀ। ਜਦੋਂ ਉਨ੍ਹਾਂ ਨੇ ਮਹਰਾਸ਼‍ਟਰ ਦੀ ਤਰਫ਼ ਗੁਜਰਾਤ ਦੇ ਖ਼ਿਲਾਫ਼ ਵਨਡੇ ਮੈਚ ਵਿੱਚ ਦੋਹਰਾ ਸੈਂਕੜਾ ਮਾਰਿਆ ਸੀ।ਮੰਧਾਨਾ ਅਜਿਹਾ ਕਰਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣੀ ਸੀ।