IPL UNSOLD PLAYERS: ਸੁਰੇਸ਼ ਰੈਨਾ ਸਮੇਤ ਇਨ੍ਹਾਂ ਦਿੱਗਜਾਂ ਦੀ ਕਿਸੇ ਨਾ ਲਾਈ ਬੋਲੀ, ਦੇਖੋ ਪੂਰੀ ਸੂਚੀ

ਇਸ ਵਾਰ ਸੁਰੇਸ਼ ਰੈਨਾ 'ਤੇ ਕਿਸੇ ਟੀਮ ਨੇ ਬੋਲੀ ਨਹੀਂ ਲਗਾਈ। ਉਹ ਪਿਛਲੇ ਸੀਜ਼ਨ ਵਿੱਚ ਚੇਨਈ ਸੁਪਰ ਕਿੰਗਜ਼ ਲਈ ਖੇਡੇ ਸਨ। ਉਨ੍ਹਾਂ ਆਪਣੀ ਮੂਲ ਕੀਮਤ 2 ਕਰੋੜ ਰੁਪਏ ਰੱਖੀ ਸੀ। ਰੈਨਾ 'ਤੇ ਬੋਲੀ ਨਾ ਲੱਗਣ ਕਾਰਨ ਕ੍ਰਿਕਟ ਪ੍ਰਸ਼ੰਸਕ ਵੀ ਹੈਰਾਨ ਸਨ। ਜਦੋਂ ਚੇਨਈ ਸੁਪਰ ਕਿੰਗਜ਼ 'ਤੇ 2 ਸਾਲ ਦੀ ਪਾਬੰਦੀ ਲੱਗੀ ਤਾਂ ਸੁਰੇਸ਼ ਰੈਨਾ ਗੁਜਰਾਤ ਲਾਇਨਜ਼ ਲਈ ਖੇਡੇ ਸੀ। ਸੁਰੇਸ਼ ਰੈਨਾ ਲਾਇਨਜ਼ ਦੇ ਕਪਤਾਨ ਵੀ ਸਨ।

ਆਸਟ੍ਰੇਲੀਆ ਦੇ ਸਟੀਵ ਸਮਿਥ 'ਤੇ ਵੀ ਕਿਸੇ ਨੇ ਬੋਲੀ ਨਹੀਂ ਲਗਾਈ। ਉਨ੍ਹਾਂ ਆਪਣੀ ਮੂਲ ਕੀਮਤ 2 ਕਰੋੜ ਰੁਪਏ ਰੱਖੀ ਸੀ। ਸਟੀਵ ਸਮਿਥ ਰਾਜਸਥਾਨ ਰਾਇਲਜ਼ ਅਤੇ ਰਾਈਜ਼ਿੰਗ ਸੁਪਰ ਜਾਇੰਟਸ ਦੀ ਕਪਤਾਨੀ ਵੀ ਕਰ ਚੁੱਕੇ ਹਨ।

ਦੱਖਣੀ ਅਫਰੀਕਾ ਦੇ ਡੇਵਿਡ ਮਿਲਰ ਨੂੰ ਵੀ ਕੋਈ ਖਰੀਦਦਾਰ ਨਹੀਂ ਮਿਲਿਆ। ਉਨ੍ਹਾਂ ਨੇ ਆਪਣੀ ਮੂਲ ਕੀਮਤ 1 ਕਰੋੜ ਰੁਪਏ ਰੱਖੀ ਸੀ। ਉਨ੍ਹਾਂ ਨੇ ਟੀ-20 ਕ੍ਰਿਕਟ 'ਚ ਸਭ ਤੋਂ ਤੇਜ਼ ਸੈਂਕੜਾ ਲਗਾਇਆ ਹੈ। ਡੇਵਿਡ ਮਿਲਰ ਆਈਪੀਐਲ ਵਿੱਚ ਪੰਜਾਬ ਕਿੰਗਜ਼ ਦੀ ਕਪਤਾਨੀ ਵੀ ਕਰ ਚੁੱਕੇ ਹਨ।

ਸ਼ਾਕਿਬ ਅਲ ਹਸਨ 'ਤੇ ਕਿਸੇ ਨੇ ਬੋਲੀ ਵੀ ਨਹੀਂ ਲਗਾਈ। ਉਨ੍ਹਾਂ ਆਪਣੀ ਮੂਲ ਕੀਮਤ 2 ਕਰੋੜ ਰੁਪਏ ਰੱਖੀ ਸੀ। ਬੰਗਲਾਦੇਸ਼ ਦੇ ਇਸ ਖਿਡਾਰੀ ਨੇ ਪਿਛਲੇ ਸਾਲ ਆਈਪੀਐਲ ਖੇਡਣ ਲਈ ਆਪਣੀ ਰਾਸ਼ਟਰੀ ਟੀਮ ਨਾਲ ਦੱਖਣੀ ਅਫਰੀਕਾ ਜਾਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਸ਼ਾਕਿਬ ਬੰਗਲਾਦੇਸ਼ ਦੇ ਕਪਤਾਨ ਰਹਿ ਚੁੱਕੇ ਹਨ।