ਓਲੰਪਿਕ ਦੇ 125 ਸਾਲਾ ਇਤਿਹਾਸ 'ਚ ਸਿਰਫ 14 ਭਾਰਤੀਆਂ ਨੇ ਵਿਅਕਤੀਗਤ ਮੈਡਲ ਜਿੱਤੇ

ਨਵੀਂ ਦਿੱਲੀ- ਟੋਕਿਓ ਓਲੰਪਿਕ ਸ਼ੁਰੂ ਹੋਣ ਵਿਚ ਹੁਣ ਇਕ ਮਹੀਨੇ ਤੋਂ ਵੀ ਘੱਟ ਸਮਾਂ ਬਚਿਆ ਹੈ। ਭਾਰਤੀ ਦਲ ਇਸ ਵਾਰ ਇਕ ਦਰਜਨ ਓਲੰਪਿਕ ਮੈਡਲ ਦੀ ਉਮੀਦ ਕਰ ਰਿਹਾ ਹੈ। ਹਾਲਾਂਕਿ, ਓਲੰਪਿਕ ਦੇ 125 ਸਾਲਾ ਇਤਿਹਾਸ ਵਿੱਚ, ਭਾਰਤ ਸਿਰਫ 28 ਤਗਮੇ ਜਿੱਤਣ ਵਿੱਚ ਸਫਲ ਰਿਹਾ ਹੈ। ਇਸ ਵਿੱਚ ਸਿਰਫ 14 ਭਾਰਤੀਆਂ ਨੇ ਵਿਅਕਤੀਗਤ ਓਲੰਪਿਕ ਮੈਡਲ ਜਿੱਤੇ ਹਨ। (PIC: AP)

ਭਾਰਤ ਨੂੰ ਪਹਿਲੀ ਵਾਰ ਓਲੰਪਿਕ ਮੈਡਲ ਬ੍ਰਿਟਿਸ਼ ਇੰਡੀਅਨ ਨੌਰਮਨ ਗਿਲਬਰਟ ਪ੍ਰਿਟਚਾਰਡ (Norman Gilbert Pritchard) ਨੇ ਦਿਵਾਇਆ ਸੀ। ਪ੍ਰਿਟਚਾਰਡ ਨੇ ਭਾਰਤ ਵੱਲੋਂ ਹਿੱਸਾ ਲੈ ਕੇ ਅਥਲੈਟਿਕਸ ਵਿੱਚ ਦੋ ਤਗਮੇ ਜਿੱਤੇ । 1877 ਵਿਚ ਪੈਦਾ ਹੋਏ ਨੌਰਮਨ ਬ੍ਰਿਟਿਸ਼ ਨਾਗਰਿਕ ਸੀ ਜੋ ਭਾਰਤ ਵਿਚ ਰਹਿੰਦੇ ਸਨ ਅਤੇ 1905 ਵਿਚ ਬ੍ਰਿਟੇਨ ਵਿਚ ਸੈਟਲ ਹੋ ਗਏ ਸਨ। ਨੌਰਮਨ ਨੇ ਪੈਰਿਸ ਵਿਚ 1900 ਦੇ ਓਲੰਪਿਕ ਵਿਚ 200 ਮੀਟਰ ਅਤੇ 200 ਮੀਟਰ ਦੀਆਂ ਹਰਡਲਸ ਵਿੱਚ ਤਗਮਾ ਜਿੱਤਿਆ ਸੀ। (ਫਾਈਲ ਫੋਟੋ)

ਮਹਾਰਾਸ਼ਟਰ ਦੇ ਸਤਾਰਾ ਵਿੱਚ ਜਨਮੇ ਕੇ ਡੀ ਜਾਧਵ ਨੇ ਹੇਲਸਿੰਕੀ ਓਲੰਪਿਕ ਖੇਡਾਂ (1952) ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ। ਪਹਿਲਵਾਨ ਜਾਧਵ ਇਕ ਵਿਅਕਤੀਗਤ ਓਲੰਪਿਕ ਤਮਗਾ ਜਿੱਤਣ ਵਾਲਾ ਪਹਿਲਾ ਭਾਰਤੀ ਐਥਲੀਟ ਹੈ। (ਫਾਈਲ ਫੋਟੋ)

ਟੈਨਿਸ ਖਿਡਾਰੀ ਲਿਏਂਡਰ ਪੇਸ ਨੇ 1996 ਅਟਲਾਂਟਾ ਓਲੰਪਿਕ ਵਿਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਭਾਰਤ ਨੇ 44 ਸਾਲਾਂ ਦੇ ਇੰਤਜ਼ਾਰ ਤੋਂ ਬਾਅਦ ਵਿਅਕਤੀਗਤ ਮੁਕਾਬਲੇ ਵਿੱਚ ਓਲੰਪਿਕ ਤਮਗਾ ਆਪਣੇ ਨਾਮ ਕੀਤਾ ਸੀ। (ਫੋਟੋ - leanerpaes)

ਸਾਬਕਾ ਵੇਟਲਿਫਟਰ ਕਰਨਮ ਮੱਲੇਸ਼ਵਰੀ ਨੇ 2000 ਸਿਡਨੀ ਓਲੰਪਿਕ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। (Karnam Malleswari Twitter)

ਐਥਨਜ਼ ਓਲੰਪਿਕ 2004 (Athens Olympic 2004) ਵਿੱਚ ਰਾਜਵਰਧਨ ਸਿੰਘ ਰਾਠੌਰ ਨੇ ਨਿਸ਼ਾਨੇਬਾਜ਼ੀ ਵਿੱਚ ਚਾਂਦੀ ਦਾ ਤਗਮਾ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਸੀ। ਕਿਸੇ ਵਿਅਕਤੀਗਤ ਮੁਕਾਬਲੇ ਵਿਚ ਇਹ ਇਕ ਭਾਰਤੀ ਦੁਆਰਾ ਪਹਿਲਾ ਸਿਲਵਰ ਮੈਡਲ ਸੀ।ਉਨ੍ਹਾਂ ਪੁਰਸ਼ਾਂ ਦੇ ਡਬਲ ਟਰੈਪ ਈਵੈਂਟ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ (ਫਾਈਲ ਫੋਟੋ)

ਅਭਿਨਵ ਬਿੰਦਰਾ ਓਲੰਪਿਕ ਖੇਡਾਂ ਵਿੱਚ ਵਿਅਕਤੀਗਤ ਸੋਨ ਤਗਮਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਐਥਲੀਟ ਹੈ। ਉਨ੍ਹਾਂ 2008 ਬੀਜਿੰਗ ਓਲੰਪਿਕ ਵਿੱਚ 10 ਮੀਟਰ ਏਅਰ ਰਾਈਫਲ ਮੁਕਾਬਲੇ ਵਿੱਚ ਸੋਨ ਤਮਗਾ ਜਿੱਤਿਆ ਸੀ। ਬਿੰਦਰਾ ਦੀ ਸਫਲਤਾ ਨੂੰ 13 ਸਾਲ ਹੋ ਗਏ ਹਨ, ਪਰ ਹੁਣ ਤੱਕ ਓਲੰਪਿਕ ਵਿਚ ਉਸ ਤੋਂ ਇਲਾਵਾ ਕਿਸੇ ਹੋਰ ਭਾਰਤੀ ਨੂੰ ਸੋਨ ਤਮਗਾ ਨਹੀਂ ਮਿਲਿਆ ਹੈ। (ਫੋਟੋ-ਅਭਿਨਵ ਬਿੰਦਰਾ ਇੰਸਟਾਗ੍ਰਾਮ)

ਮੁੱਕੇਬਾਜ਼ ਵਿਜੇਂਦਰ ਸਿੰਘ ਨੇ 2008 ਬੀਜਿੰਗ ਓਲੰਪਿਕ ਵਿੱਚ ਕਾਂਸੀ ਦਾ ਤਗਮਾ ਜਿੱਤ ਕੇ ਇਤਿਹਾਸ ਰਚਿਆ ਸੀ। ਉਹ ਇਨ੍ਹਾਂ ਖੇਡਾਂ ਵਿਚ ਤਗਮਾ ਜਿੱਤਣ ਵਾਲਾ ਪਹਿਲਾ ਭਾਰਤੀ ਮੁੱਕੇਬਾਜ਼ ਸੀ। ਉਹ ਬੀਜਿੰਗ ਓਲੰਪਿਕ ਵਿੱਚ ਤਗਮਾ ਜਿੱਤਣ ਵਾਲਾ ਦੂਜਾ ਭਾਰਤੀ ਅਥਲੀਟ ਸੀ। (Vijender Singh/Instagram)

ਕਤਲ ਦੇ ਮਾਮਲੇ 'ਚ ਜੇਲ੍ਹ ਵਿਚ ਪਹਿਲਵਾਨ ਸੁਸ਼ੀਲ ਕੁਮਾਰ ਓਲੰਪਿਕ ਵਿਚ ਦੋ ਤਗਮੇ ਜਿੱਤਣ ਵਾਲਾ ਇਕਲੌਤਾ ਖਿਡਾਰੀ ਹੈ। ਸੁਸ਼ੀਲ ਕੁਮਾਰ ਨੇ ਸਾਲ 2008 ਦੇ ਬੀਜਿੰਗ ਓਲੰਪਿਕ ਵਿਚ ਕੁਸ਼ਤੀ ਵਿਚ ਕਾਂਸੀ ਦਾ ਤਗਮਾ ਜਿੱਤ ਕੇ ਪਹਿਲੀ ਵਾਰ ਦੇਸ਼ ਦਾ ਨਾਮ ਰੌਸ਼ਨ ਕੀਤਾ ਸੀ। ਇਸ ਤੋਂ ਬਾਅਦ ਸੁਸ਼ੀਲ ਨੇ ਲੰਡਨ ਓਲੰਪਿਕ 2012 ਵਿਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। (ਫਾਈਲ ਫੋਟੋ)

ਸੂਬੇਦਾਰ ਮੇਜਰ ਵਿਜੇ ਕੁਮਾਰ ਨੇ 2012 ਲੰਡਨ ਓਲੰਪਿਕ ਖੇਡਾਂ ਦੀ ਸ਼ੂਟਿੰਗ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। ਉਨ੍ਹਾਂ 25 ਮੀਟਰ ਰੈਪਿਡ ਫਾਇਰ ਪਿਸਟਲ ਈਵੈਂਟ ਵਿੱਚ ਚਾਂਦੀ ਦਾ ਤਗਮਾ ਹਾਸਲ ਕੀਤਾ ਸੀ। (ਫਾਈਲ ਫੋਟੋ)

ਸਾਇਨਾ ਨੇਹਵਾਲ ਬੈਡਮਿੰਟਨ ਵਿੱਚ ਓਲੰਪਿਕ ਤਮਗਾ ਜਿੱਤਣ ਵਾਲੀ ਭਾਰਤ ਦੀ ਪਹਿਲੀ ਖਿਡਾਰਨ ਹੈ। ਸਾਇਨਾ ਨੇ 2012 ਦੀਆਂ ਲੰਡਨ ਓਲੰਪਿਕ ਖੇਡਾਂ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। (ਇੰਸਟਾਗ੍ਰਾਮ)

ਚੋਟੀ ਦੀ ਮੁੱਕੇਬਾਜ਼ ਮੈਰੀਕਾਮ ਓਲੰਪਿਕ 'ਚ ਮੁੱਕੇਬਾਜ਼ੀ ਵਿੱਚ ਤਗਮਾ ਜਿੱਤਣ ਵਾਲੀ ਪਹਿਲੀ ਮਹਿਲਾ ਖਿਡਾਰਨ ਹੈ। ਉਨ੍ਹਾਂ 2012 ਲੰਡਨ ਓਲੰਪਿਕ ਵਿੱਚ ਕਾਂਸੀ ਦਾ ਤਗਮਾ ਜਿੱਤ ਕੇ ਭਾਰਤ ਨੂੰ ਮਾਣ ਦਿਵਾਇਆ ਸੀ। (ਫੋਟੋ-ਮੈਰੀ ਕੌਮ ਇੰਸਟਾਗ੍ਰਾਮ)

ਗਗਨ ਨਾਰੰਗ ਨੇ ਲੰਡਨ ਓਲੰਪਿਕ 2012 ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਨਾਰੰਗ ਨੇ 10 ਮੀਟਰ ਏਅਰ ਰਾਈਫਲ ਮੁਕਾਬਲੇ ਵਿਚ ਭਾਰਤ ਲਈ ਤਗਮਾ ਜਿੱਤਿਆ ਸੀ। (ਫਾਈਲ ਫੋਟੋ)

ਯੋਗੇਸ਼ਵਰ ਦੱਤ ਨੇ 2012 ਲੰਡਨ ਓਲੰਪਿਕ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਲੰਡਨ ਓਲੰਪਿਕ ਵਿੱਚ ਭਾਰਤ ਨੇ ਛੇ ਤਗਮੇ ਜਿੱਤੇ ਸਨ। (ਇੰਸਟਾਗ੍ਰਾਮ)

ਸਟਾਰ ਸ਼ਟਲਰ ਪੀਵੀ ਸਿੰਧੂ ਨੇ ਪਿਛਲੀ ਓਲੰਪਿਕ ਖੇਡਾਂ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। ਸਿੰਧੂ ਫਾਈਨਲ ਮੈਚ ਵਿਚ ਸਪੇਨ ਦੀ ਕੈਰੋਲੀਨਾ ਤੋਂ ਹਾਰ ਗਈ ਸੀ। (ਇੰਸਟਾਗ੍ਰਾਮ)

ਭਾਰਤੀ ਸਟਾਰ ਖਿਡਾਰੀ ਸਾਕਸ਼ੀ ਮਲਿਕ ਓਲੰਪਿਕ ਕੁਸ਼ਤੀ ਵਿਚ ਤਗਮਾ ਜਿੱਤਣ ਵਾਲੀ ਪਹਿਲੀ ਔਰਤ ਹੈ। ਉਨ੍ਹਾਂ ਇਹ ਕਾਰਨਾਮਾ 2016 ਦੇ ਰੀਓ ਓਲੰਪਿਕ (Rio Olympic) ਵਿੱਚ ਕੀਤਾ ਸੀ।