Sania Mirza: ਸ਼ੋਏਬ ਮਲਿਕ ਤੋਂ ਬਿਨਾਂ ਉਮਰਾਹ ਕਰਨ ਲਈ ਸਾਊਦੀ ਅਰਬ ਪਹੁੰਚੀ ਸਾਨੀਆ ਮਿਰਜ਼ਾ, ਲੋਕਾਂ ਨੇ ਚੁੱਕੇ ਸਵਾਲ

ਸਾਬਕਾ ਦਿੱਗਜ ਮਹਿਲਾ ਟੈਨਿਸ ਖਿਡਾਰਨ ਸਾਨੀਆ ਮਿਰਜ਼ਾ ਇਕ ਵਾਰ ਫਿਰ ਚਰਚਾ ਵਿੱਚ ਹਨ। ਦਰਅਸਲ ਰਮਜ਼ਾਨ ਦੇ ਪਵਿੱਤਰ ਮਹੀਨੇ 'ਚ ਸਾਨੀਆ ਆਪਣੇ ਪੂਰੇ ਪਰਿਵਾਰ ਨਾਲ ਉਮਰਾਹ ਕਰਨ ਲਈ ਮਦੀਨਾ ਪਹੁੰਚੀ ਸੀ। ਇਸ ਦੀ ਤਸਵੀਰਾਂ ਸਾਨੀਆ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ, ਜੋ ਕਾਫੀ ਸੁਰਖੀਆਂ 'ਚ ਹੈ। ਤਸਵੀਰ 'ਚ ਸਾਨੀਆ ਨੇ ਕਾਲੇ ਰੰਗ ਦਾ ਬੁਰਕਾ ਪਾਇਆ ਹੋਇਆ ਹੈ। ਸਾਨੀਆ ਮਿਰਜ਼ਾ ਦੀ ਇਹ ਤਸਵੀਰ ਹੁਣ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ।

ਤਸਵੀਰ ਸ਼ੇਅਰ ਕਰਦੇ ਸਾਨੀਆ ਨੇ ਫੋਟੋ ਦੇ ਕੈਪਸ਼ਨ 'ਚ ਲਿਖਿਆ, 'ਅਲਹਮਦੁਲਿਲਾਹ। ਅੱਲ੍ਹਾ ਸਾਡੀਆਂ ਪ੍ਰਾਰਥਨਾਵਾਂ ਨੂੰ ਸਵੀਕਾਰ ਕਰੇ।' ਫੋਟੋ 'ਚ ਸਾਨੀਆ ਨਾਲ ਪੂਰਾ ਪਰਿਵਾਰ ਨਜ਼ਰ ਰਿਹਾ ਹੈ, ਪਰ ਸ਼ੋਏਬ ਮਲਿਕ ਕਿਤੇ ਵੀ ਨਜ਼ਰ ਨਹੀਂ ਆ ਰਹੇ ਹਨ। ਜਿਸ ਕਰਕੇ ਸਾਨੀਆ ਨੂੰ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਲੋਕ ਸਾਨੀਆ ਨੂੰ ਪੁੱਛ ਰਹੇ ਹਨ ਕਿ ਆਖ਼ਰੀ ਸ਼ੋਏਬ ਮਲਿਕ ਕਿੱਥੇ ਹੈ? (Instagram)

ਸਾਨੀਆ ਮਿਰਜ਼ਾ ਦੀਆਂ ਤਸਵੀਰਾਂ 'ਚ ਕਈ ਫੈਨਜ਼ ਉਨ੍ਹਾਂ ਦੀ ਤਾਰੀਫ ਕਰ ਰਹੇ ਹਨ ਤਾਂ ਕਈ ਉਨ੍ਹਾਂ ਤੋਂ ਸਵਾਲ ਪੁੱਛ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਸ਼ੋਏਬ ਮਲਿਕ ਕਿੱਥੇ ਹੈ? ਇਕ ਹੋਰ ਯੂਜ਼ਰ ਨੇ ਪੁੱਛਿਆ, 'ਪਰਦੇ ਦਾ ਕੋਈ ਫਾਇਦਾ ਨਹੀਂ, ਜੇਕਰ ਇਹ ਹਰ ਜਗ੍ਹਾ ਹੈ ਤਾਂ ਹੀ ਸਹੀ ਹੈ। (Instagram)

ਦੱਸ ਦੇਈਏ ਕਿ ਸਾਨੀਆ ਨੇ ਇਸ ਸਾਲ ਆਸਟ੍ਰੇਲੀਅਨ ਓਪਨ ਗ੍ਰੈਂਡ ਸਲੈਮ ਤੋਂ ਬਾਅਦ ਟੈਨਿਸ ਤੋਂ ਸਨਿਆਸ ਲੈ ਲਿਆ ਸੀ। ਸਾਨੀਆ ਨੇ ਸੋਸ਼ਲ ਮੀਡੀਆ 'ਤੇ ਇਸਦੀ ਜਾਣਕਾਰੀ ਦਿੱਤੀ ਸੀ। ਸਾਨੀਆ ਨੇ ਲਿਖਿਆ ਸੀ ਕਿ ਜਿਸ 'ਚ ਉਸ ਨੇ ਸ਼ੁਰੂਆਤੀ ਦਿਨਾਂ ਤੋਂ ਆਪਣੇ ਕਰੀਅਰ 'ਚ ਆਏ ਉਤਾਰ-ਚੜ੍ਹਾਅ ਬਾਰੇ ਦੱਸਿਆ।

ਪਿਛਲੇ ਸਾਲ ਸਾਨੀਆ ਅਤੇ ਸ਼ੋਏਬ ਦੇ ਰਿਸ਼ਤਿਆਂ ਵਿੱਚ ਖਟਾਸ ਦੀਆਂ ਖਬਰਾਂ ਆਈਆਂ ਸਨ। ਮੀਡੀਆ 'ਚ ਖਬਰ ਆਈ ਸੀ ਕਿ ਦੋਵੇਂ ਜਲਦ ਹੀ ਵੱਖ ਹੋ ਸਕਦੇ ਹਨ ਪਰ ਇਹ ਸਿਰਫ ਅਫਵਾਹ ਹੀ ਸਾਬਤ ਹੋਈ। ਹਾਲਾਂਕਿ ਦੋਵਾਂ ਵੱਲੋਂ ਅਜੇ ਤੱਕ ਇਸ ਬਾਰੇ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ। (Instagram)