ਸ਼ਿਖਰ ਧਵਨ ਨੇ ਆਪਣੇ ਨਾਂ ਕੀਤਾ ਖਾਸ ਰਿਕਾਰਡ, ਧੋਨੀ ਸਮੇਤ ਇਨ੍ਹਾਂ ਦਿੱਗਜਾਂ ਨੂੰ ਛੱਡਿਆ ਪਿੱਛੇ

ਅਨੁਭਵੀ ਖੱਬੇ ਹੱਥ ਦੇ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ (Shikhar Dhawan) ਇੱਕ ਰੋਜ਼ਾ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਅਰਧ ਸੈਂਕੜੇ ਲਗਾਉਣ ਵਾਲੇ ਸਭ ਤੋਂ ਵੱਧ ਉਮਰ ਦੇ ਕਪਤਾਨ ਬਣ ਗਏ ਹਨ। ਉਸ ਨੇ ਵੈਸਟਇੰਡੀਜ਼ ਖਿਲਾਫ ਪਹਿਲੇ ਵਨਡੇ ਵਿੱਚ 99 ਗੇਂਦਾਂ ਵਿੱਚ 97 ਦੌੜਾਂ ਬਣਾਈਆਂ ਸਨ। ਇਸ ਦੌਰਾਨ ਸ਼ਿਖਰ ਦੇ ਬੱਲੇ ਤੋਂ 10 ਚੌਕੇ ਅਤੇ 3 ਛੱਕੇ ਨਿਕਲੇ।

ਸ਼ਿਖਰ ਧਵਨ ਤੋਂ ਪਹਿਲਾਂ 1985 'ਚ ਸੁਨੀਲ ਗਾਵਸਕਰ ਨੇ 35 ਸਾਲ 225 ਦਿਨ ਦੀ ਉਮਰ 'ਚ ਅਰਧ ਸੈਂਕੜਾ ਲਗਾਇਆ ਸੀ, ਜਦਕਿ ਮਹਿੰਦਰ ਸਿੰਘ ਧੋਨੀ ਨੇ 2016 'ਚ 35 ਸਾਲ 108 ਦਿਨ ਦੀ ਉਮਰ 'ਚ ਅਰਧ ਸੈਂਕੜਾ ਲਗਾਇਆ ਸੀ। ਵਿਸ਼ਵ ਕ੍ਰਿਕਟ 'ਚ ਹਿਟਮੈਨ ਦੇ ਨਾਂ ਨਾਲ ਮਸ਼ਹੂਰ ਰੋਹਿਤ ਸ਼ਰਮਾ ਨੇ ਉਸੇ ਸਾਲ (2022) 'ਚ 35 ਸਾਲ 73 ਦਿਨ ਦੀ ਉਮਰ 'ਚ ਵਨਡੇ ਕਪਤਾਨ ਵਜੋਂ ਇਹ ਉਪਲਬਧੀ ਹਾਸਲ ਕੀਤੀ ਸੀ।

ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਵਨਡੇ ਕ੍ਰਿਕਟ 'ਚ ਛੇਵੀਂ ਵਾਰ ਨਰਵਸ ਨਾਈਨਟੀਜ਼ ਦਾ ਸ਼ਿਕਾਰ ਹੋਏ। ਧਵਨ ਸਭ ਤੋਂ ਵੱਧ ਨਰਵਸ ਨਾਇਨਟੀਜ਼ ਦੇ ਸ਼ਿਕਾਰ ਹੋਣ ਵਾਲਿਆਂ 'ਚ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਅਤੇ ਮੁਹੰਮਦ ਅਜ਼ਹਰੂਦੀਨ ਤੋਂ ਬਾਅਦ ਤੀਜੇ ਨੰਬਰ 'ਤੇ ਪਹੁੰਚ ਗਏ ਹਨ। ਸਚਿਨ 18 ਅਤੇ ਅਜ਼ਹਰ 7 ਵਾਰ ਨਰਵਸ ਨਾਇਨਟੀਜ਼ ਦਾ ਸ਼ਿਕਾਰ ਹੋ ਚੁੱਕੇ ਹਨ। (Instagram)

ਸ਼ਿਖਰ ਧਵਨ ਨੂੰ ਬੱਲੇ ਨਾਲ ਸੈਂਕੜਾ ਬਣਾਏ ਤਿੰਨ ਸਾਲ ਹੋ ਗਏ ਹਨ। ਉਨ੍ਹਾਂ ਨੇ ਆਪਣਾ ਆਖਰੀ ਸੈਂਕੜਾ 2019 ਵਿਸ਼ਵ ਕੱਪ ਵਿੱਚ ਆਸਟਰੇਲੀਆ ਖਿਲਾਫ ਲਗਾਇਆ ਸੀ। ਧਵਨ ਦੀ ਕਪਤਾਨੀ 'ਚ ਟੀਮ ਇੰਡੀਆ ਨੇ ਵਿੰਡੀਜ਼ ਦੌਰੇ 'ਤੇ ਧਮਾਕੇਦਾਰ ਪ੍ਰਦਰਸ਼ਨ ਕੀਤਾ ਹੈ। (Instagram)

ਸ਼ਿਖਰ ਧਵਨ ਨੇ ਵੈਸਟਇੰਡੀਜ਼ ਖਿਲਾਫ ਪਹਿਲੇ ਵਨਡੇ 'ਚ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨਾਲ ਪਹਿਲੀ ਵਿਕਟ ਲਈ 119 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਟੀਮ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿਵਾਈ। ਦਸੰਬਰ 2020 ਤੋਂ ਬਾਅਦ ਪਹਿਲਾ ਵਨਡੇ ਖੇਡ ਰਹੇ ਗਿੱਲ ਨੇ 52 ਗੇਂਦਾਂ ਵਿੱਚ 64 ਦੌੜਾਂ ਬਣਾਈਆਂ। (Instagram)

ਭਾਰਤੀ ਕ੍ਰਿਕਟ ਟੀਮ ਦਾ ਸਕੋਰ ਇਕ ਵਾਰ 350 ਦੌੜਾਂ ਤੋਂ ਪਾਰ ਹੁੰਦਾ ਦੇਖਿਆ ਗਿਆ ਸੀ ਪਰ ਧਵਨ ਦੇ ਨਰਵਸ ਨੈਂਟੀ ਤੋਂ ਬਾਅਦ ਮੱਧਕ੍ਰਮ ਢਹਿ ਹੋ ਗਿਆ। ਇਕ ਸਮੇਂ ਭਾਰਤ ਦਾ ਸਕੋਰ ਇਕ ਵਿਕਟ 'ਤੇ 213 ਦੌੜਾਂ ਸੀ ਜੋ ਪੰਜ ਵਿਕਟਾਂ 'ਤੇ 252 ਦੌੜਾਂ ਬਣ ਗਿਆ। (Instagram)

ਸ਼ਿਖਰ ਧਵਨ ਨੇ ਜਿੱਤ ਤੋਂ ਬਾਅਦ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਨਹੀਂ ਸੀ ਕਿ ਮੈਚ ਇੰਨਾ ਰੋਮਾਂਚਕ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਆਖਰੀ ਸਮੇਂ ਵਿਚ ਸੰਜਮ ਨਾਲ ਕੰਮ ਕਰਨਾ ਉਨ੍ਹਾਂ ਲਈ ਫਾਇਦੇਮੰਦ ਰਿਹਾ। ਸ਼ਿਖਰ ਵੀ ਇਸ ਦੌਰਾਨ ਸੈਂਕੜਾ ਗੁਆਉਣ ਤੋਂ ਬਾਅਦ ਨਿਰਾਸ਼ ਨਜ਼ਰ ਆਏ। (Instagram)