ਨਵੀਂ ਦਿੱਲੀ- ਭਾਰਤ ਨੂੰ ਦੋ ਵਿਸ਼ਵ ਕੱਪ ਜਿੱਤਾਉਣ ਵਾਲੇ ਸਟਾਰ ਖਿਡਾਰੀ ਯੁਵਰਾਜ ਸਿੰਘ ਨੂੰ ਮਹਿੰਗੀਆਂ ਕਾਰਾਂ ਦਾ ਸ਼ੌਕ ਵੀ ਹੈ। ਉਨ੍ਹਾਂ ਹਾਲ ਹੀ ਵਿੱਚ ਮਿੰਨੀ ਕੂਪਰ ਕੰਪਨੀ ਦੀ ਕੰਟਰੀਮੈਨ ਸਪੋਰਟਸ ਕਾਰ ਲਈ ਹੈ। ਯੁਵਰਾਜ ਸਿੰਘ ਕੋਲ ਸ਼ਾਨਦਾਰ ਕਾਰਾਂ ਦਾ ਕਲੈਕਸ਼ਨ ਹੈ।
ਯੁਵਰਾਜ ਨੇ ਕੰਟਰੀਮੈਨ ਕੂਪਰ ਐਸ ਜੇਸੀਡਬਲਯੂ ਕਾਰ ਲਈ ਹੈ, ਜਿਸਦੀ ਕੀਮਤ 42.40 ਲੱਖ ਰੁਪਏ ਹੈ। ਇਹ ਇੱਕ ਪੈਟਰੋਲ ਇੰਜਨ ਕਾਰ ਹੈ। ਇਸ ਨੂੰ ਬਣਾਉਣ ਵਾਲੀ ਯੂਕੇ ਦੀ ਕੰਪਨੀ ਦਾਅਵਾ ਕਰਦੀ ਹੈ ਕਿ ਇਹ ਕਾਰ ਸਿਰਫ ਸੱਤ ਸਕਿੰਟਾਂ ਵਿੱਚ 100 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਤੋਂ ਛੂਹ ਸਕਦੀ ਹੈ।
ਯੁਵਰਾਜ ਕੋਲ BMW M5 E60, BMW X6 M, Audi Q5, Lamborghini Murciélago ਅਤੇ Bentley Continental GT ਵਰਗੀਆਂ ਮਹਿੰਗੀਆਂ ਕਾਰਾਂ ਵੀ ਹਨ।
ਯੁਵਰਾਜ ਸਿੰਘ ਦੀ ਪਸੰਦੀਦਾ ਕਾਰ BMW X6 m ਹੈ। ਉਹ ਅਕਸਰ ਇਸ ਕਾਰ ਵਿਚ ਘੁੰਮਦੇ ਵੇਖੇ ਜਾਂਦੇ ਹਨ। ਯੁਵਰਾਜ ਤੋਂ ਇਲਾਵਾ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਅਤੇ ਮਹਿੰਦਰ ਸਿੰਘ ਧੋਨੀ ਵੀ ਮਹਿੰਗੇ ਗੱਡੀਆਂ ਦੇ ਸ਼ੌਕੀਨ ਹਨ।
ਹਾਲ ਹੀ ਵਿਚ ਯੁਵਰਾਜ ਸਿੰਘ ਨੇ ਬੀਸੀਸੀਆਈ ਤੋਂ ਸੱਯਦ ਮੁਸ਼ਤਾਕ ਅਲੀ ਟੀ 20 ਟੂਰਨਾਮੈਂਟ ਖੇਡਣ ਦੀ ਆਗਿਆ ਮੰਗੀ ਸੀ ਪਰ ਉਸ ਨੂੰ ਇਜਾਜ਼ਤ ਨਹੀਂ ਮਿਲੀ। ਬੀਸੀਸੀਆਈ ਦੇ ਨਿਯਮਾਂ ਅਨੁਸਾਰ ਵਿਦੇਸ਼ੀ ਲੀਗ ਵਿਚ ਖੇਡਣ ਵਾਲਾ ਇਕ ਭਾਰਤੀ ਖਿਡਾਰੀ ਘਰੇਲੂ ਟੂਰਨਾਮੈਂਟਾਂ ਵਿਚ ਨਹੀਂ ਖੇਡ ਸਕਦਾ। (ਸਾਰੀਆਂ ਫੋਟੋਆਂ ਯੁਵਰਾਜ ਸਿੰਘ ਦੇ ਇੰਸਟਾਗ੍ਰਾਮ ਅਕਾਉਂਟ ਤੋਂ)
