ਗੁਰਨਾਮ ਭੁੱਲਰ ਨੂੰ ਆਈ ਆਪਣੇ ਨਾਰਾਜ਼ ਫ਼ੈਨ ਦੀ ਯਾਦ, ਘਰੇ ਜਾ ਕੇ ਮੰਗੀ ਮੁਆਫੀ

ਪਿਛਲੇ ਦਿਨੀ ਗਾਇਕ ਗੁਰਨਾਮ ਭੁੱਲਰ ਦੀ ਇਕ ਵੀਡੀਓ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋਈ ਸੀ ਜਿਸਦੇ ਚ ਉਹ ਆਪਣੇ ਫ਼ੈਨ ਨੂੰ ਸਟੇਜ ਉੱਤੇ ਝਿੜਕਦੇ ਹੋਏ ਨਜ਼ਰ ਆ ਰਹੇ ਸਨ।
ਦਰਅਸਲ ਉਨ੍ਹਾਂ ਦਾ ਇਕ ਫ਼ੈਨ ਉਨ੍ਹਾਂ ਦੀ ਫੋਟੋ ਲੈਕੇ ਸਟੇਜ ਤੇ ਉਨ੍ਹਾਂ ਨੂੰ ਦੇ ਰਿਹਾ ਸੀ। ਗੁਰਨਾਮ ਭੁੱਲਰ ਉਸਨੂੰ ਝਿੜਕਦੇ ਹੋਏ ਇਹ ਕਹਿੰਦੇ ਨਜ਼ਰ ਆਏ ਸਨ ਕਿ ਇਹ ਕੰਪਿਊਟਰ ਵਾਲਿਆਂ ਤਸਵੀਰਾਂ ਲੈ ਕੇ ਆ ਜਾਂਦੇ ਹੋ।ਇਹ ਵਾਕੇ ਕਾਰਨ ਗੁਰਨਾਮ ਭੁੱਲਰ ਦੀ ਸੋਸ਼ਲ ਮੀਡਿਆ ਉੱਤੇ ਬਹੁਤ ਆਲੋਚਨਾ ਹੋਈ। ਹੁਣ ਗੁਰਨਾਮ ਭੁੱਲਰ ਨੇ ਆਪਣੇ ਉਸ ਫ਼ੈਨ ਦੇ ਘਰ ਜਾਕੇ ਮਾਫੀ ਮੰਗ ਲਈ ਹੈ। ਤਰਨਤਾਰਨ ਚ ਪੈਂਦੇ ਪਿੰਡ ਭਿੱਖੀਵਿੰਡ ਦੇ ਰਾਜੂ ਬੇਦੀ ਦੇ ਘਰ ਪਹੁੰਚੇ ਗੁਰਨਾਮ ਭੁੱਲਰ ਨੇ ਮਾਫੀ ਮੰਗੀ ਤੇ ਕਿਹਾ ਉਹ ਇਹ ਗਲਤੀ ਦੁਬਾਰਾ ਨਹੀਂ ਕਰਨਗੇ। ਵੇਖੋ ਵੀਡੀਓ