ਭਰਾ ਦਾ ਸਕੂਲ 'ਚ ਦਾਖਲਾ ਕਰਵਾਉਣ ਗਈ ਔਰਤ ਨਾਲ ਗੈਂਗਰੇਪ

ਯਮੁਨਾਨਗਰ ਵਿੱਚ ਇੱਕ ਔਰਤ ਨਾਲ ਗੈਂਗਰੇਪ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਔਰਤ ਨੇ ਪੰਜ ਵਿਅਕਤੀਆਂ ਉੱਤੇ ਸਮੂਹਿਕ ਜਬਰ ਜਨਾਹ ਦਾ ਇਲਜ਼ਾਮ ਲਗਾਇਆ ਹੈ। ਦਰਅਸਲ ਮਹਿਲਾ ਬਾਲਕੁੰਜ ਵਿੱਚ ਆਪਣੇ ਭਰਾ ਦਾ ਦਾਖਲਾ ਕਰਵਾਉਣ ਦੇ ਲਈ ਗਈ ਸੀ। ਉਸ ਨਾਲ ਇੱਕ ਜਾਣਕਾਰ ਵੀ ਸੀ, ਜਿਸਨੇ ਉਸਦੇ ਭਰਾ ਦੇ ਦਾਖਲੇ ਦੀ ਗੱਲ ਕਹੀ ਸੀ ਪਰ ਇਸ ਦੌਰਾਨ ਉਹ ਮਹਿਲਾ ਨੂੰ ਪਲੋਸ ਕੇ ਆਪਣੇ ਨਾਲ ਲੈ ਗਿਆ ਤੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਜਬਰ ਜਨਾਹ ਕੀਤਾ। ਔਰਤ ਦੀ ਸ਼ਿਕਾਇਤ ਉੱਤੇ ਪੁਲਿਸ ਨੇ ਮੈਡੀਕਲ ਕਰਵਾਇਆ ਤਾਂ ਜਬਰ ਜਨਾਹ ਦੀ ਪੁਸ਼ਠੀ ਹੋਣ ਉੱਤੇ ਪੰਜ ਲੋਕਾਂ ਖਿਲਾਫ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ। ਪੁਲਿਸ ਨੇ ਜਲਦ ਹੀ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ ਹੈ।