BJP ਕੋਈ ਕੱਪੜੇ ਧੋਣ ਵਾਲੀ ਮਸ਼ੀਨ ਨਹੀਂ, ਜੋ ਦਾਗ਼ ਧੋ ਦੇਵੇ: ਮਾਨ

Bhagwant Mann on Sham Sunder Arora Girftari by Vigilance: ਪੰਜਾਬ ਸਰਕਾਰ ਵੱਲੋਂ ਭ੍ਰਿਸ਼ਟਾਚਾਰ ਵਿਰੁੱਧ ਵਿੱਢੀ ਮੁਹਿੰਮ ਤਹਿਤ ਬੀਤੇ ਦਿਨ ਸਾਬਕਾ ਕੈਬਨਿਟ ਮੰਤਰੀ ਸੁੰਦਰ ਸ਼ਾਮ ਅਰੋੜਾ ਨੂੰ 50 ਲੱਖ ਰੁਪਏ ਵਿਜੀਲੈਂਸ ਅਧਿਕਾਰੀ ਨੂੰ ਰਿਸ਼ਵਤ ਦੇਣ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮੁੱਖ ਮੰਤਰੀ ਨੇ ਅੱਜ ਜਨਮ ਦਿਨ ਮੌਕੇ ਵਿਰੋਧੀਆਂ ਨੂੰ ਵੀ ਆਪਣੇ ਭਾਸ਼ਣ ਰਾਹੀਂ ਖੂਬ ਰਗੜੇ ਲਾਏ। ਮੁੱਖ ਮੰਤਰੀ ਮਾਨ ਨੇ ਅੱਜ ਫਿਰ ਇੱਕ ਵਾਰ ਕਿਹਾ ਕਿ ਕਿਸੇ ਵੀ ਘੁਟਾਲੇ ਕਰਨ ਵਾਲੇ ਨੂੰ ਬਖਸਿ਼ਆ ਨਹੀਂ ਜਾਵੇਗਾ, ਭਾਵੇਂ ਕਿ ਉਹ ਕਿਸੇ ਵੀ ਪਾਰਟੀ ਵਿੱਚ ਚਲਾ ਜਾਵੇ ਅਤੇ ਕਿੰਨੀਆਂ ਹੀ ਪਾਰਟੀਆਂ ਬਦਲ ਲਵੇ। ਮੁੱਖ ਮੰਤਰੀ ਨੇ ਕਿਹਾ ਕਿ ਅਜੇ ਕੰਲ ਹੀ ਦੇਖ ਲਓ ਕਿ ਕਿਵੇਂ ਕਾਂਗਰਸ ਦਾ ਇੱਕ ਮੰਤਰੀ ਸੀ, ਜਿਸ ਨੇ ਖੂਬ 5 ਸਾਲਾਂ ਦੌਰਾਨ ਘੁਟਾਲੇ ਕੀਤੇ, ਜਿਸ ਬਾਰੇ ਅਜੇ ਉਨ੍ਹਾਂ ਦੀ ਸਰਕਾਰ ਨੇ ਸ਼ਮੂਲੀਅਤ ਬਾਰੇ ਨਾਂਅ ਦੀ ਜਾਂਚ ਹੀ ਕੀਤੀ ਜਾ ਰਹੀ ਸੀ ਕਿ ਤਾਂ ਉਹ ਤੁਰੰਤ ਭਾਜਪਾ ਵਿੱਚ ਚਲਾ ਗਿਆ। ਉਨ੍ਹਾਂ ਕਿਹਾ ਕਿ ਭਾਵੇਂ ਉਹ ਭਾਜਪਾ ਵਿੱਚ ਚਲਾ ਗਿਆ, ਪਰੰਤੂ ਬੀਜੇਪੀ ਕੋਈ ਇਹ ਨਹੀਂ ਕਿ ਕੱਪੜੇ ਧੋਣ ਵਾਲੀ ਮਸ਼ੀਨ ਹੈ, ਜਿਹੜੀ ਕਿ ਦਾਗ਼ ਧੋ ਦੇਵੇ।