'ਸਰਕਾਰ ਆਮ, ਕੰਮ ਖ਼ਾਸ', ਮਾਨ ਸਰਕਾਰ ਵੱਲੋਂ ਜਹਾਜ਼ ਖਰੀਦ 'ਤੇ ਬੋਲੇ ਬਰਿੰਦਰ ਢਿੱਲੋਂ

ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਪੰਜਾਬ ਸਰਕਾਰ ਵੱਲੋਂ ਵੀਆਈਪੀ ਦੀ ਸੇਵਾ ਲਈ ਹੁਣ ਇੱਕ ਸਾਲ ਲਈ ਏਅਰਕ੍ਰਾਫਟ ਲੀਜ਼ 'ਤੇ ਲਿਆ ਜਾਣ ਹੈ, ਜਿਸ ਲਈ ਜਾਰੀ ਕੀਤੇ ਗਏ ਹਨ। ਏਅਰਕ੍ਰਾਫਟ ਖਰੀਦੇ ਜਾਣ ਨੂੰ ਲੈ ਕੇ ਆਮ ਆਦਮੀ ਪਾਰਟੀ ਵਿਰੋਧੀਆਂ ਦੇ ਨਿਸ਼ਾਨੇ 'ਤੇ ਵੀ ਆ ਗਈ ਹੈ। ਪੰਜਾਬ ਕਾਂਗਰਸ ਦੇ ਯੂਥ ਵਿੰਗ ਦੇ ਪ੍ਰਧਾਨ ਬਰਿੰਦਰ ਸਿੰਘ ਢਿੱਲੋਂ ਨੇ ਇਸ ਸਬੰਧੀ ਕਿਹਾ ਹੈ ਕਿ ਇਹ ਇਹ ਆਮ ਆਦਮੀ ਦੀ ਸਰਕਾਰ ਹੈ, ਪਰੰਤੂ ਸਾਰੇ ਕੰਮ ਜੋ ਕਰ ਰਹੀ ਹੈ, ਉਹ ਖਾਸ (VIP ਵਾਲੇ) ਕੀਤੇ ਜਾ ਰਹੇ ਹਨ। ਢਿੱਲੋਂ ਨੇ ਤੰਜ ਕੱਸਦਿਆਂ ਕਿਹਾ ਕਿ ਮਾਨ ਸਰਕਾਰ ਨੇ ਇਹ ਹੈਲੀਕਾਟਰ ਦਿੱਲੀ ਸਰਕਾਰ ਦੇ ਵੀਆਈਪੀਜ਼ ਲਈ ਲੈਣਾ ਹੈ, ਕਿਉਂਕਿ ਇਨ੍ਹਾਂ ਨੇ ਕੇਜਰੀਵਾਲ ਨੂੰ ਵੀ ਲੈ ਕੇ ਜਾਣਾ ਹੁੰਦਾ ਹੈ, ਸਿਸੋਧੀਆ ਅਤੇ ਹੋਰ ਦਿੱਲੀ ਦੇ ਲੀਡਰਾਂ ਨੂੰ ਵੀ ਲੈ ਕੇ ਜਾਣਾ ਹੁੰਦਾ ਨੂੰ ਗੁਜਰਾਤ ਆਦਿ ਥਾਂਵਾਂ 'ਤੇ ਲੈ ਕੇ ਜਾਣਾ ਹੁੰਦਾ ਹੈ, ਜਿਸ ਕਾਰਨ ਪੰਜਾਬ ਸਰਕਾਰ ਨੂੰ ਇਸ ਜਹਾਜ਼ ਦੀ ਸਖਤ ਜ਼ਰੂਰਤ ਹੈ। ਉਨ੍ਹਾਂ ਕਿਹਾ ਕਿ ਇਸ ਆਮ ਆਦਮੀ ਵਾਲੀ ਪਾਰਟੀ ਨੇ ਤਾਂ ਬਾਦਲਾਂ ਨੂੰ ਵੀ ਪਿਛੇ ਛੱਡ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਉਹੀ ਭਗਵੰਤ ਮਾਨ ਹੈ, ਜਿਹੜਾ ਚੋਣਾਂ ਦੌਰਾਨ ਫੋਟੋਆਂ ਪਾ ਕੇ ਦੱਸਦਾ ਸੀ ਕਿ ਉਹ ਉਹ ਇੱਕ ਆਮ ਆਦਮੀ ਹੈ ਅਤੇ ਹੁਣ ਇਨ੍ਹਾਂ ਨੂੰ ਦਿੱਲੀ ਦੇ ਲੀਡਰਾਂ ਦੀ ਸੇਵਾ ਲਈ ਜਾਹਾਜ਼ ਚਾਹੀਦੇ ਹਨ। ਉਨ੍ਹਾਂ ਕਿਹਾ ਕਿ ਹੁਣ 2024 ਦੀਆਂ ਚੋਣਾਂ ਆ ਰਹੀਆਂ ਹਨ ਅਤੇ ਇਸ ਵਿੱਚ ਵੀ ਪੰਜਾਬ ਦਾ ਪੈਸਾ ਵਰਤਿਆ ਜਾਵੇਗਾ।