ਜਦੋਂ ਹਰਸਿਮਰਤ ਬਾਦਲ ਚਲਾਇਆ ਬੁਲਟ, AAP ਵਿਧਾਇਕ ਨੇ ਪਿਛੇ ਬੈਠ ਕੇ ਲਿਆ ਝੂਟਾ

Bathinda Virasati Mela: ਬਠਿੰਡਾ ਵਿੱਚ ਇਸ ਸਮੇਂ ਵਿਰਾਸਤੀ ਮੇਲਾ ਲੱਗਿਆ ਹੈ, ਜਿਸ ਵਿੱਚ ਲੋਕਾਂ ਨੂੰ ਵੱਖ ਵੱਖ ਸੂਬਿਆਂ ਦੀਆਂ ਚੀਜਾਂ ਦੀਆਂ ਝਲਕੀਆਂ ਵੇਖਣ ਨੂੰ ਮਿਲ ਰਹੀਆਂ ਹਨ। ਮੇਲੇ ਵਿੱਚ ਸ਼ੁੱਕਰਵਾਰ ਮੈਂਬਰ ਪਾਰਲੀਮੈਂਟ ਹਰਸਿਮਰਤ ਕੌਰ ਬਾਦਲ ਨੇ ਵੀ ਸਿ਼ਰਕਤ ਕੀਤੀ ਅਤੇ ਵੱਖ ਵੱਖ ਬਣੀਆਂ ਮਨਮੋਹਕ ਚੀਜਾਂ ਨੂੰ ਗਹੁ ਨਾਲ ਵੇਖਿਆ। ਇਸ ਮੌਕੇ ਉਨ੍ਹਾਂ ਬੁਲਟ ਮੋਟਰਸਾਈਕਲ ਉਪਰ ਵੀ ਹੱਥ ਅਜਮਾਇਆ। ਉਨ੍ਹਾਂ ਦੇ ਨਾਲ ਮੋਟਰਸਾਈਕਲ 'ਤੇ ਪਿਛਲੀ ਸੀਟ ਉਪਰ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਜਗਰੂਪ ਸਿੰਘ ਗਿੱਲ ਬੈਠੇ ਵਿਖਾਈ ਦਿੱਤੇ। ਮੌਕੇ 'ਤੇ ਆਮ ਆਦਮੀ ਪਾਰਟੀ ਅਤੇ ਅਕਾਲੀ ਦਲ ਦੇ ਵਰਕਰ ਤੇ ਆਗੂ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।