ਗੈਂਗਸਟਰਾਂ ਨੂੰ ਬਿਨਾਂ ਸਕਿਓਰਿਟੀ ਰੱਖਿਆ ਜਾਵੇ....ਮੂਸੇਵਾਲਾ ਦੇ ਪਿਤਾ ਦਾ ਛਲਕਿਆ ਦਰਦ

ਚੰਡੀਗੜ੍ਹ: Sidhu Moosewala Murder: ਸਿੱਧੂ ਮੂਸੇਵਾਲਾ ਦੇ ਪਿਤਾ ਦਾ ਇੱਕ ਵਾਰ ਮੁੜ ਪੁੱਤ ਦੀ ਯਾਦ 'ਚ ਦਰਦ ਛਲਕਿਆ ਹੈ। ਉਨ੍ਹਾਂ ਇਸ ਵਾਰ ਸਰਕਾਰਾਂ 'ਤੇ ਸਵਾਲ ਚੁੱਕਦਿਆਂ ਕਿਹਾ ਹੈ ਕਿ ਗੈਂਗਸਟਰਾਂ ਤੋਂ ਵੀ ਸਕਿਓਰਿਟੀ (Security withdraw from gangster) ਵਾਪਸ ਲਈ ਜਾਵੇ। ਬਲਕੋਰ ਸਿੰਘ (Balkaur Singh) ਨੇ ਗੈਂਗਸਟਰਾਂ 'ਤੇ ਗੁੱਸਾ ਕੱਢਦਿਆਂ ਕਿਹਾ ਕਿ ਜਿਵੇਂ ਉਸ ਦੇ ਪੁੱਤਰ ਦੀ ਬਿਨਾਂ ਸਕਿਓਰਿਟੀ ਜਾਨ ਗਈ ਹੈ, ਓਸ ਤਰ੍ਹਾਂ ਇਨ੍ਹਾਂ ਕੋਲੋਂ ਵੀ ਸਕਿਓਰਿਟੀ ਵਾਪਸ ਲੈਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਗੈਂਗਸਟਰ ਸਭ ਤੋਂ ਵੱਧ ਸੁਰੱਖਿਅਤ ਤਿਹਾੜ ਵਰਗੀ ਜੇਲ੍ਹ ਵਿੱਚ ਬੈਠ ਕੇ ਵੀ ਵਾਰਦਾਤਾਂ ਅੰਜਾਮ ਦਿੰਦੇ ਆ ਰਹੇ ਹਨ ਅਤੇ ਕਤਲ ਕਰਨ ਪਿੱਛੋਂ ਚੈਨਲਾਂ 'ਤੇ ਆਪਣੀ ਇੰਟਰਵਿਊ ਵੀ ਦੇ ਜਾਂਦੇ ਹਨ। ਸੋ ਅਜਿਹੇ ਗੈਂਗਸਟਰਾਂ ਤੋਂ ਸੁਰੱਖਿਆ ਵਾਪਸ ਲੈਣੀ ਚਾਹੀਦੀ ਹੈ।