ਕਰਜ਼ ਨੇ ਨਿਗਲਿਆ ਇੱਕ ਹੋਰ ਅੰਨਦਾਤਾ

ਪੰਜਾਬ ਵਿਚ ਕਰਜੇ ਦਾ ਦੈਂਤ ਕਿਸਾਨ ਨੂੰ ਖਾ ਰਿਹਾ ਹੈ। ਮਾਨਸਾ ਵਿਖੇ ਕਰਜ਼ ਦੇ ਝੰਬੇ ਕਿਸਾਨ ਵਲੋਂ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਅਨੁਸਾਰ ਕਿਸਾਨ ਇੰਦਰਜੀਤ ਸਿੰਘ (42) 'ਤੇ ਲਗਭਗ 5 ਲੱਖ ਰੁਪਏ ਦਾ ਕਰਜ਼ ਸੀ। ਉਸ ਦੀ ਤਿੰਨ ਕਨਾਲ ਚੋਂ ਦੋ ਕਨਾਲ ਜ਼ਮੀਨ ਵਿੱਕ ਚੁੱਕੀ ਸੀ ਅਤੇ ਘਰ ਦੀ ਵਿੱਤੀ ਹਾਲਤ ਮਾੜੀ ਹੋ ਗਈ ਸੀ।  ਇੰਦਰਜੀਤ ਸਿੰਘ ਪਰਿਵਾਰ ਵਿਚ ਇਕਲੌਤਾ ਕਮਾਉਣ ਵਾਲਾ ਸੀ। ਰਿਸ਼ਤੇਦਾਰਾਂ ਨੇ ਸਰਕਾਰ ਤੋਂ ਪੀੜਤ ਪਰਿਵਾਰ ਦੀ ਮਦਦ ਕਰਨ ਦੀ ਮੰਗ ਕੀਤੀ। ਪੁਲਿਸ ਨੇ ਮ੍ਰਿਤਕ ਦੀ ਪਤਨੀ ਦੇ ਬਿਆਨ ਦੇ ਆਧਾਰ 'ਤੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।