ਅਨੋਖੇ ਢੰਗ ਨਾਲ ਵਿਆਹ, ਟਰੈਕਟਰਾਂ ਉਤੇ ਗਈ ਬਰਾਤ

ਸੁਲਤਾਨਪੁਰ ਲੋਧੀ ਦੇ ਪਿੰਡ ਸ਼ੇਖ਼ ਮਾਂਗਾ ਦਾ ਲਵਪ੍ਰੀਤ ਸਿੰਘ ਆਪਣੀ ਜੀਵਨ ਸਾਥਣ ਨੂੰ ਟਰੈਕਟਰ ਉਤੇ ਵਿਆਹ ਕੇ ਲਾਇਆ ਹੈ। ਲਵਪ੍ਰੀਤ ਆਪਣੀ ਬਰਾਤ ਵੀ ਟਰੈਕਟਰਾਂ ‘ਤੇ ਲੈ ਕੇ ਗਿਆ।

ਜ਼ਿਕਰਯੋਗ ਹੈ ਕਿ ਲਵਪ੍ਰੀਤ ਸਿੰਘ ਬਰਾਤ ਵਿਚ ਟਰੈਕਟਰ ਨੂੰ ਸਜਾ ਕੇ ਲੈ ਕੇ ਗਿਆ। ਬਾਰਾਤ ਵਿਚ ਕੋਈ ਕਾਰ ਜਾਂ ਹੋਰ ਵਾਹਨ ਨਹੀਂ ਸੀ। ਜਦੋਂ ਕਿ 25 ਦੇ ਕਰੀਬ ਟਰੈਕਟਰਾਂ ਉਤੇ ਹੀ ਬਾਰਾਤ ਗਈ। ਇਸ ਮੌਕੇ ਲਵਪ੍ਰੀਤ ਸਿੰਘ ਨੇ ਕਿਹਾ ਕਿ ਉਸ ਦੀ ਬਚਪਨ ਦੀ ਇੱਛਾ ਸੀ ਜਦੋਂ ਉਹ ਵਿਆਹ ਕਰੇਗਾ ਤਾਂ ਉਸ ਦੀ ਬਾਰਾਤ ਟਰੈਕਟਰ ਉਤੇ ਜਾਵੇਗੀ। ਪਰਿਵਾਰ ਨੇ ਉਸ ਦੀ ਇਹ ਇੱਛਾ ਪੂਰੀ ਕੀਤੀ।

ਟਰੈਕਟਰਾਂ ਉਤੇ ਬਾਰਾਤ ਲਿਜਾਂਦੇ ਸਮੇਂ ਬਰਾਤੀਆਂ ਨੇ ਵੀ ਇੱਕ ਤੋਂ ਇੱਕ ਸ਼ਾਨਦਾਰ ਅਨੁਭਵ ਕੀਤਾ। ਇਸ ਮੌਕੇ ਬਰਾਤੀਆਂ ਦਾ ਕਹਿਣਾ ਹੈ ਕਿ ਲਵ ਦਾ ਵਿਆਹ ਇੱਕ ਤਾਂ ਸਾਰਿਆ ਨੂੰ ਯਾਦ ਰਹੇਗਾ, ਉੱਥੇ ਹੀ ਪੁਰਾਣੇ ਸਮਾਂ ਵੀ ਯਾਦ ਕਰਵਾ ਦਿੱਤਾ ਹੈ। ਇਸ ਤਰ੍ਹਾਂ ਟਰੈਕਟਰਾਂ ਉਤੇ ਹੀ ਬਾਰਾਤ ਜਾਇਆ ਕਰਦੀ ਸੀ। ਪੰਜਾਬ ਭਰ ਵਿਚ ਵਿਆਹਾਂ ਉਤੇ ਬੇਲੋੜਾ ਖ਼ਰਚ ਕੀਤਾ ਜਾਂਦਾ ਹੈ।ਵਿਆਹ ਉਤੇ ਲੱਖਾਂ ਰੁਪਏ ਦਾ ਕਰਜ਼ ਲੈ ਕੇ ਆਪਣੀ ਝੂਠੀ ਸ਼ਾਨੋ ਸ਼ੌਕਤ ਲਈ ਆਪਣੀ ਹੈਸੀਅਤ ਤੋਂ ਵੱਧ ਕੇ ਖਰਚਾ ਕੀਤਾ ਜਾਂਦਾ ਹੈ।

ਡੋਲੀ ਵਾਲਾ ਇਹ ਟਰੈਕਟਰ ਇਲਾਕੇ ਵਿਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਲਵਪ੍ਰੀਤ ਨੇ ਆਪਣੇ ਵਿਆਹ ਸਮਾਗਮ ਨੂੰ ਜਿੱਥੇ ਇਸ ਅੰਦਾਜ ਯਾਦਗਰ ਬਣਾਇਆ, ਉਥੇ ਹੀ ਉਸ ਨੇ ਵਿਆਹ ਵਿਚ ਦਿਖਾਵੇ ਤੇ ਫਜੂਲ ਖਰਚੀ ਤੋਂ ਪਰਹੇਜ ਕਰਦਿਆਂ ਸਭਿਆਚਾਰ ਨੂੰ ਪ੍ਰਫੁੱਲਤ ਕਰਨ ਦਾ ਸੁਨੇਹਾ ਵੀ ਦਿੱਤਾ।