ਪੰਚਾਇਤੀ ਚੋਣਾਂ: ਬੇਗਮਪੁਰਾ ਵਿਚ ਪੜ੍ਹੀ-ਲਿਖੀ ਨੂੰਹ ਨੇ ਸੱਸ ਨੂੰ ਹਰਾਇਆ

ਜਲੰਧਰ ਦੇ ਪਿੰਡ ਬੇਗਮਪੁਰਾ ਵਿਚ ਸੱਸ ਤੇ ਨੂੰਹ ਵਿਚ ਫਸਵਾਂ ਮੁਕਾਬਲਾ ਹੋਇਆ। ਨੂੰਹ-ਸੱਸ ਇਕ ਦੂਜੇ ਦੇ ਖਿਲ਼ਾਫ ਚੋਣਾਂ ਲੜ ਰਹੀਆਂ ਸਨ, ਜਿਸ ਵਿਚ ਨੂੰਹ ਦੀ ਜਿੱਤ ਹੋਈ। 60 ਘਰਾਂ ਦੇ ਪਿੰਡ ਵਿਚ 160 ਵੋਟਾਂ ਸਨ। ਜਿਥੇ ਪਿੰਡ ਵਾਸੀਆਂ ਵੱਲੋਂ ਮਿਲ ਬੈਠ ਕੇ ਪੰਚਾਂ ਦੀ ਤਾਂ ਚੋਣ ਕਰ ਲਈ ਗਈ ਪਰ ਸਰਪੰਚੀ ਦਾ ਪੇਚ ਉਸ ਸਮੇ ਫਸ ਗਿਆ ਜਦ ਇਕ ਪਰਿਵਾਰ ਦੀ ਪੜ੍ਹੀ ਲਿਖੀ ਨੂੰਹ ਸਰਪੰਚੀ ਲਈ ਮੁੱਖ ਦਾਅਵੇਦਾਰ ਬਣ ਕੇ ਸਾਹਮਣੇ ਆਈ ਹੈ ਪਰ ਉਸ ਦੀ ਸੱਸ ਨੇ ਇਹ ਕਹਿ ਕੇ ਦਾਅਵਾ ਠੋਕ ਦਿੱਤਾ ਕਿ ਉਹ ਪਿਛਲੇ 15 ਸਾਲਾਂ ਤੋ ਪੰਚੀ ਦਾ ਤਜਰਬਾ ਰੱਖਦੀ ਹੈ ਜਿਸ ਕਰਕੇ ਸਰਪੰਚੀ ਤੇ ਉਸ ਦਾ ਹੱਕ ਬਣਦਾ ਹੈ, ਜਿਸ ਕਰਕੇ ਵੋਟਰ ਸ਼ੰਸੋਪੰਜ ਵਿੱਚ ਸਨ ਕਿ ਉਹ ਪੜ੍ਹੀ ਲਿਖੀ ਨੂੰ ਕਮਲਜੀਤ ਨੂੰ ਵੋਟ ਪਾਉਣ ਜਾਂ ਉਸ ਦੀ ਸੱਸ ਬਿਮਲਾ ਰਾਣੀ ਦੇ 15 ਸਾਲਾਂ ਦੇ ਤਜਰਬੇ ਨੂੰ ਸਲੂਟ ਕਰਨ।

ਜਿਥੇ ਨੂੰਹ ਨੌਜਵਾਨ ਪੀੜੀ ਨੂੰ ਅੱਗੇ ਆਉਣ ਦੀ ਗੱਲ਼ ਕਹਿ ਰਹੀ ਸੀ, ਉਥੇ ਸੱਸ ਆਪਣੇ ਤਜਰਬੇ ਨੂੰ ਮੁੱਖ ਰਖਦਿਆਂ ਕੰਮ ਕਰਾਉਣ ਦੇ ਢੰਗ ਤਰੀਕਿਆਂ ਦਾ ਪਤਾ ਹੋਣ ਦਾ ਕਹਿ ਕੇ ਆਪਣਾ ਹੱਕ ਦੱਸ ਰਹੀ ਹੈ, ਪਰ ਨੂੰਹ -ਸੱਸ ਦਾ ਮੁਕਾਬਲਾ ਆਹਮੋ ਸਾਹਮਣੇ ਹੋਣ ਕਾਰਨ ਪ੍ਰਸ਼ਾਸਨ ਅਤੇ ਲੋਕਾਂ ਵਿੱਚ ਕਾਫੀ ਚਰਚਾ ਬਣਿਆ ਰਿਹਾ। ਆਖਰ ਨੂੰਹ ਨੇ ਬਾਜ਼ੀ ਮਾਰ ਲਈ।