'ਭੱਜ ਬਾਦਲਾ ਭੱਜ, ਸਿੱਧੂ ਆਉਂਦੈ, ਜਲੇਬੀ ਵਾਂਗੂ 'ਕੱਠਾ ਕਰਕੇ ਜਾਵਾਂਗਾ'

ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਅੱਜ ਬਠਿੰਡਾ ਵਿਚ ਰਾਜਾ ਵੜਿੰਗ ਦੇ ਹੱਕ ਵਿਚ ਰੈਲੀ ਵਿਚ ਹਿੱਸਾ ਲੈ ਕੇ ਬਾਦਲਾਂ ਨੂੰ ਖੁੱਲ੍ਹ ਕੇ ਰਗੜੇ ਲਾਏ। ਸਿੱਧੂ ਨੇ ਪੰਜਾਬ ਵਿਚ ਕਾਂਗਰਸੀ ਉਮੀਦਵਾਰ ਦੇ ਹੱਕ ਵਿਚ ਚੋਣ ਰੈਲੀ ਵਿਚ ਪਹਿਲੀ ਵਾਰ ਹਿੱਸਾ ਲਿਆ।

ਸਿੱਧੂ ਨੇ ਕਿਹਾ ਕਿ ਉਹ ਆਪਣੇ ਰਹਿਬਰ ਪ੍ਰਿਅੰਕਾ ਗਾਂਧੀ ਦੇ ਕਹਿਣ ਉਤੇ ਰੈਲੀ ਕਰਨ ਆਏ ਹਨ। ਉਨ੍ਹਾਂ ਕਿਹਾ ਕਿ ਉਹ ਰਾਜਾ ਵੜਿੰਗ ਦੇ ਹੱਕ ਵਿਚ 17 ਮਈ ਨੂੰ 10 ਰੈਲੀਆਂ ਕਰਨਗੇ ਤੇ ਬਾਦਲਾਂ ਨੂੰ ਅਜਿਹਾ ਭੁਆਂ-ਭੁਆਂ ਕੇ ਮਾਰੂੰਗਾ ਕਿ ਦੁਨੀਆਂ ਯਾਦ ਕਰੇਗੀ। ਉਨ੍ਹਾਂ ਕਿਹਾ ਕਿ ਉਹ ਗਪੌੜ ਸ਼ੰਖਾਂ ਦੀ ਜੋੜੀ ਨੂੰ ਬਖ਼ਸ਼ਣਗੇ ਨਹੀਂ। ਉਤੇ ਮੇਦੀ ਤੇ ਥੱਲੇ ਸੁੱਖਾ ਗੱਪੀ। ਉਨ੍ਹਾਂ ਕਿਹਾ ਕਿ ਦੋਵਾਂ ਨੂੰ ਉਲਟਾ-ਉਲਟਾ ਕੇ ਮਾਰੂੰ। ਉਨ੍ਹਾਂ ਕਿਹਾ ਕਿ 17 ਤਰੀਕ ਨੂੰ ਬਠਿੰਡੇ ਰੈਲੀਆਂ ਕਰਨਗੇ। ਅਖੀਰ ਵਿਚ ਉਨ੍ਹਾਂ ਕਿਹਾ ਕਿ ਭੱਜ ਬਾਦਲਾ ਭੱਜ, ਸਿੱਧੂ ਆਉਂਦੈ, ਜਲੇਬੀ ਵਾਂਗੂ 'ਕੱਠਾ ਕਰਕੇ ਜਾਵਾਂਗਾ।