ਸੁਖਬੀਰ ਨੇ ਚੇਤੇ ਕਰਵਾਈਆਂ ਅਕਾਲੀ ਸਰਕਾਰ ਵੇਲੇ ਦੀਆਂ 'ਮੌਜਾਂ'

ਜਲਾਲਾਬਾਦ ਜਿਮਨੀ ਚੋਣ ਵਿਚ ਅਕਾਲੀ ਉਮੀਦਵਾਰ ਦੇ ਹੱਕ ਵਿਚ ਪ੍ਰਚਾਰ ਕਰਨ ਆਏ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਲੋਕਾਂ ਨੂੰ ਅਕਾਲੀ-ਭਾਜਪਾ ਸਰਕਾਰ ਵੇਲੇ ਦੀ ਦਿਨ ਚੇਤੇ ਕਰਵਾਏ।

ਸੁਖਬੀਰ ਨੇ ਕਿਹਾ ਕਿ ਉਸ ਸਮੇਂ ਤੁਸੀਂ ਮੇਰੇ ਕੋਲ ਮੰਗਾਂ ਲੈ ਕੇ ਆਉਂਦੇ ਸੀ ਤੇ ਮੇਰਾ ਇਕ ਹੀ ਜਵਾਬ ਹੁੰਦਾ ਸੀ ਕਿ ਹੁਣੇ ਚੱਕੋ। ਤੁਹਾਡੀ ਹਰ ਮੰਗ ਪੂਰੀ ਕੀਤੀ। ਪਰ ਹੁਣ ਉਹ ਮੌਜ਼ਾਂ ਨਹੀਂ ਰਹੀਆਂ। ਮੈਂ ਵੇਖਿਆ ਬਾਹਰ ਹਰ ਮੋਟਰਸਾਈਕਲ ਉਤੇ ਨੰਬਰ ਲੱਗਾ ਹੋਇਆ ਪਰ ਸਾਡੇ ਰਾਜ ਵੇਲੇ 10 ਸਾਲ ਤੁਸੀਂ ਬਿਨਾਂ ਨੰਬਰ ਦੇ ਘੁੰਮਦੇ ਸੀ ਪਰ ਕੋਈ ਹੱਥ ਨਹੀਂ ਪਾਉਂਦਾ ਸੀ।

ਹੁਣ ਜਦੋਂ ਦੀ ਕੈਪਟਨ ਸਰਕਾਰ ਆਈ ਹੈ, ਬਿਜਲੀ ਬਿੱਲਾਂ ਨੇ ਹੀ ਲੋਕਾਂ ਨੂੰ ਦੁਖੀ ਕੀਤਾ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਫਿਕਰ ਨਾ ਕਰੋ, ਢਾਈ ਸਾਲ ਬਾਕੀ ਰਹੇ ਗਏ ਹਨ। ਸਾਡੀ ਸਰਕਾਰ ਬਣੇਗੀ ਤੇ ਫਿਰ ਉਹੀ ਦਿਨ ਆਉਣ ਆਉਣਗੇ।